Anek saih dalam taneh ia tame peih thun bac bahrau 2022 - 2023

Dah page ini (5/9), jaik 23 triệu anek saih dalam taneh ia tame peih thun bac bahrau 2022 - 2023. Asal kadha thun bac ini lac “Jumpataom, sahneng duah bahrau, kham marat ngak hu siam dom bruk tui jalan salih bahrau, pakhang saong paglaong chất lượng pato magru”. Ini lac thun bac hu brei thau lac peih ngak bruk salih bruk pato pakai di pakat phổ thông. Dalam harak thư payua tal dom cei gru, nai gru saong anek saih, sinh viên dalam taneh ia salam uan thun bac bahrau, Akaok negar Nguyễn Xuân Phúc ndom lac, sa thun bac bahrau hu peih mbaok, peih tabiak dom caong maong bahrau kayua yau nan ye gah Pato magru njauk kham marat, jumpataom, pasiam dom kan kandah, ngak siam dom bruk ngak, patagok hatai anit ranam bruk ngak, kayua anek saih, kayua bruk pato manuac lac biak hu yaom glaong.

Thun bac bahrau 2022-2023, meng phun jien Trung ương song puk palei, tỉnh Long An hu buh jien ngak 21 danak dak ngan song 214 balik bac meng mầm non tal trung học, jak ba bhap bini rik jien ngak 7 sang bac mầm non tư thục ngan saong 75 bilik bac, padang 117 balik bac khang kajap ka anek saih bhum tapen negar, bhum kan kandah dok jiak negar Campuchia, dong ka anek saih bhum tapen negar k hu lagaih jang bruk bac da-a dalam thun bac bahrau .

Xã Khánh Bình Đông, huyện Trần Văn Thời, tỉnh Cà Mau bahrau hu jao harak brei angan mek hu chuan palei pala bahrau (NTM). Tukvak bahrau peih bruk padang ngak palei pala bahrau di thun 2011, Khánh Bình Đông, lac labik hu rilo bhap bini Khmer daok ka oh mek hu tanut chuan halei di palei pala bahrau; jien mek tame tui kuhria yaok manuac tok hu 8 triệu đồng sa urang sa thun. Tal urak ini, mbaok meta puk palei Khánh Bình Đông hu salih bahrau, cơ sở hạ tầng hu padang ngak biak khang kadang, samu gauk, mek hu ginup 19 kadha padang ngak palei pala bahrau.

Dalam 4 harei lễ dom tuai du lịch nao rivang, padeih padei di 2 tỉnh Ninh Thuận song Bình Thuận tagok glong. Tỉnh Ninh Thuận tui kuhria hu labaih 35.000 mbang tuai mai rivang , tagok 16,7% duh song dahlau di tuk hu jit; tuia dunya tui kuhria hu 600 mbang; jien mek tame meng bruk du lịch hu labaih 27 tỷ đồng. dok di tỉnh Bình Thuận, tuai du lịch mai rivang padeih padei dalam tuk lễ tui kuhria hu labaih 45.000 mbang , tagok 15,4% dut song 2019, dalam nan tuai dunya hu labaih 2.000 mbang.

Tui Cục Cảnh sát jalan mbak, 4 harei padeih lễ 2/9 (meng harei 1-4/9), dalam taneh ia hu 79 bala jalan mbak, ngak ka 48 urang metai, 51 urang njauk rambuac, abih tih dom bala jeng rahtabiak di jalan radaih, oh hu bala halei di jalan radeih pasei saong jalan ia. Dom Kapul pasang iek jalan cao tốc di Cục Cảnh sát jalan mbak pasang iek, lập biên bản 296 urang ngak suan, phat jien labaih 1 tỷ đồng, mek veik harak adat peih radaih 140 urang, cap khik 19 sruh radaih. 

Công ty jru tavoa sinh học CanSino, Trung Quốc brei thau vaccine pacang COVID-19 janih hariek pandar tapa jalan dhung song tarakon di hãng hu brei adat pandar chip. Vaccine janih hariek hu angan lac Ad5-nCoV meda pachreih miễn dịch dịch thể song miễn dịch tế bào song ngak brei miễn dịch niêm mạc, hu prein khik caga jang 3 mbang janih klauk. Siam lagaih di janih vaccine ni lac salamad, kein laba, oh pandih lagaih song mbuan pandar

Iran hu ba tame pandar dom hệ thống phòng thủ di 51 ban piah pacang veik “dom bruk đe dọa sinh học, phóng xạ saong hóa học." Thứ trưởng Quốc phòng Iran Mehdi Farahi brei thau, Mintri Quốc phòng Iran "urak ini ka oh thau cambaih dom bruk đe dọa kayua cơ sở hạ tầng hu padang ngak piah pacang veik haong taong abih đe dọa sinh học, phóng xạ saong hóa học.Pathau khan ini hu ba tabiak dalam tuk dom urang ngak praong di Iran daok hu mbaok tame dom mbang ginum biai piah ngak pasiam veik thỏa thuận hạt nhân thun 2015 ngan haong dom taneh ia praong di dunya.

Takik di abih 10 urang metai song 15 urang njak rambuac dalam dom mbang tong tame meng to di Canada harei 4/9. Urang jakar Canada brei thau dom mbang tong rah tabiak di 13 labik song jiak abih dom menuac urang njauk klau jeng biak tatuak drei . Cảnh sát, urak ni dok pasang iek piah duah thau song chap 2 kol medhi, gam song nan patagok bruk khik ramik an ninh di dom labik hu rilo menuac sia nao mai. Bhap bini dom labik rah tabiak dom mbang tong hu kakei lac brei biak caik hatai sangka song daok kandauh di labik./.

Urang lang: Thu Thao & Hani Pha – 05/09