Dah page ini (8/5), di Hà Nội, Ủy ban xã hội di Quốc hội hu peih mbang nyaom biai taong abih gah mbang ka 9 brei panuac taong yaom Pathau khan di Rajaei ka peih ngak bruk ngak negar ka bruk samu gauk di urang likei saong urang kumei di thun 2022.  Di mbang nyaom, rilo panuac di urang QH hu tacei tabiak dom bruk bo Pathau khan di rajaei ka oh ndem tal, nan lac bruk patagok dom harak gar likei mbang tui bảo hiểm xã hội 1 mbang, dalam nan urang kumei lac glaong di abih. Pho akaok, Tổng Thư ký Ủy ban Trung ương MTTQ Việt Nam Nguyễn Thị Thu Hà ndem lac: njauk hu sarak khik tani tanat jien mek tame dalam dom bruk siam ka urang ngak yau ye bruk bảo hiểm lahik bruk ngak atau dom sarak karei yau bruk ngak, bruk pato bruk ngak”.

Jeng dalam harei (8/5), ban Thủ Đức (TPHCM) peih bruk bayar jien, daong labik daok bahrau ka bhap bini njauk mek veik taneh piah ngak jalan Vành đai 3. Dalam mbang 1, tui kuhria, hu labaih 300 sang hu bayar jien abih tih lac 2.300 tỷ đồng. Dahlau di nan, dalam harei 7/5, huyện Hóc Môn saong huyện Củ Chi hu peih bruk bayar jien mek veik taneh ka bhap bini. Tui Sở Tài nguyên – Môi trường TP.HCM, dalam thun ini, abih tih yaom jien bayar, daong labik daok bahrau ka dom danak dak lac 25.000 tỷ đồng, daok danak dak Vành đai 3 lac 15.000 tỷ đồng. Vành đai 3 TP.HCM hu peih tabiak ngak di bilan 6/2023 saong hu ngak salah, brei radaih peih nduac meneing di thun 2025.

Tui panuac khan oh ka ginup abih di mbang Pasang iek tanut raidiuk di rahra thun 2022 di Tổng cục Yaok pataom, Bình Dương lac labik hu jien mek tame kuhria tui akaok manuac glaong abih dalam taneh ia lac 8,076 triệu đồng sa urang sa bilan. Hà Nội dang ka 2 saong TP HCM dang di ka 3, ngan haong tanut jien mek tame meng 6,3-6,4 triệu đồng sa urang sa bilan. Dalam 6 bhum, Đông Nam Bộ lac bhum hu jien mek tame kuhria tui akaok manuac di thun 2022 glaong abih (lac 6,33 triệu đồng). Bhum Trung du saong bhum ceik gah Baral lac bhum hu jien mek tame kuhria tui akaok manuac bier abih ( lac 3,17 triệu đồng).

Hajan takik ngak ka ia dalam danao thủy điện Trị An di Đồng Nai urak ini daok 50,5m. Ini lac tanut biar di abih kuhria dalam 12 thun tapa. Urak ini ia tuh mai danao biak takik, meng 80 m3/s - 100 m3/s. Kayua ia tuh mai takik, nan ye sản lượng điện biar, tok ginup piah khik ia ka gah mala. Danao thủy điện Trị An lac danao praong abih di gah meraong negar. Langiu di bruk rik tame ka jalan điện negar, thủy điện Trị An daok hu daong jhul ia mbak saong pacang caga ia sua ka bhum gah ala, pabak ia pala drak, ia pandar ka yaok triệu bhap bini daok di dom tỉnh Đồng Nai, Bình Dương saong TP HCM.

Dah page ini di puk Mỹ Phước, xã Mỹ Khánh, huyện Phong Điền, ban Cần Thơ rahtabiak bruk glut jaleih ngak khut  10 baoh sang di rahra, khat lahik labaih 10 tỉ đồng. Ong Nguyễn Trung Nghĩa – akaok UBND huyện Phong Điền brei thau lac, meng di tuk taduan hu khau tin dom gah chức năng hu mai tal piah samar drah peih bruk daong saong ba manuac nao daok di labik karei salamat. Gam tui di nan, daong bruk panduan ba drap ar, pandap panda saong taoh talaih dom baoh sang piah patakik dom khat lahik. Tui kanja palei, bruk glut jaleih tui kuhria meda lac kayua sa jalan ia nduac khang saong deih yau hàm ếch mbang dalam tame. Abih di nyyu nan lac,mboh hu dom  labik talah ra-ai tapen jalan Tỉnh lộ 923. Ini lac sa bruk biak kan kandah meng bala di langik tasik.

Rajaei Australia meda caik tabiak 14,6 tỷ đô la Australia (samu jaik 10 tỷ đô la Mỹ) dalam kadung jien karja liên bang dalam 4 thun tal, piah daong jien sahui cai pandar ka dom sang saong doanh nghiệp. Bruk di pok kadung jien ini, lac khik ramik sahui cai pandar oh tagok glaong jang saong pacang jalan lạm phát. Langiu di nan, Rajaei jeng hu caga pok daong jien padai meng kadung jien karja, brei ka labaih 5 triệu sang hu jien mek tame biar, doanh nghiệp sit saong urang padeih hưu daok glaih glar haong jien điện biak glaong.

Hu takik di nyu 21 urang, dalam nan rilo meng lac uranaih metai dalam bala karam gilai di ban sit tapen tasik Tanua, bang Kerala, gah meraong Ấn Độ di melam  7/5. Cảnh sát pak ini brei thau lac di mangaok gilai hu takik di nyu 35 urang, rilo meng lac anek saih daok nao ma-in dalam mbang padeih. Urang jakar Ấn Độ hu ba kapul pacang caga  bala mai pak labik rahtabiak bala. Cảnh sát  ka oh brei thau dom tuai di mangaok gilai njauk lahik. Thủ tướng saong Tổng thống  Ấn Độ hu payua panuac klah rabha pandik harao tal dom baoh sang hu urang njauk bala saong khan lac daong yaok baoh sang hu urang metai atau njauk lahik 200 ribau Rupi (samu 2.447 đôla Mỹ)

COVID-19 oh tuk halei tah klaak hu abih mbong atau lahik abih tal gha, kayua nyu meda njaom mbak meng menuac tapa athur saong meng athur tapa menuac. Ini lac panuac khan di Tiến sĩ Mike Ryan, urang dang akaok dom danak dak samar drah di Gah Y tế Dunya (WHO), ba tabiak. Ong Ryan brei thau, vaccine saong jru taong ruak meda tah klaak hu "bruk jhak ka prein yava menuac sia pambuak tal virus SARS-CoV-2", min bruk palahik abih virus ni, lac "biak kan ngak hu, meyah oh khin ndom lac oh ngak hu”