Ong Pham Minh Chinh taom gaok song urang pal akaok 

Dah page ini di Dak lak, Thủ tướng Rajaei Phạm Minh Chính dang akaok Nyaom biai pakat negar pataom iek veik bruk peih ngak Sarak ka 10 saong Kết luận ka 12 di Mintri Chính trị ka cak rok patagok di kinh tế - xã hội saong khik tani tanat quốc phòng an ninh bhum Tây Nguyên. Nyaom biai hu peih tabiak paih pang dom panuac taong yaom bruk peih ngak Sarak ka 10 saong Kết luận 12 ka bruk patagok bhum Tây Nguyên tal thun 2020; asal kadha, jalan ngak, dom bruk ngak saong jalan langyah piah dak padang saong cak rok patagok bhum Tây Nguyên tal thun 2030, pamaong tal thun 2045... Bruk ngak hu di Nyaom biai hu pandar piah pasiam Danak dak Pataom iek veik bruk peih ngak sarak ka 10 di Mintri Chính trị mbang IX ka cak rok patagok kinh tế - xã hội, khik tani tanat quốc phòng, an ninh bhum Tây Nguyên vaktu  2001-2010.

Meng harei ni (1/7), Mintri Công an peih bruk ngak passport mẫu bahrau ka bhap bini lac urang Việt dok dalam song langiu taneh ia. Mangaok yaok blah  di passport bahrau  hu thaot binguk phong cảnh, hình tượng ka quyền ngak po taneh ia, inem krung ilamu hu angan di  Việt Nam. Abih di nyu nan lac, bruk palih ruah  pagam chip điện tử tame passport bahrau dok dong pabak ka bruk số hóa; gam tui di nan patrun bruk mbuan si ngak ja hộ chiếu. Chip ni, hu khik veik dom khaw tin hu mã hóa di urang pal passport song chữ ký số di urang mbaoh tangin pabak brei passport.

Ban raya HCM daok peih bruk pilih ruah dom tal akaok pakat meng harei ini saong brei thau kết quả di harei 1/8. Taeng pakat mầm non meda brei thau kết quả di harei 20/7. Thun bac 2022-2023, bruk pilih ruah dom tal bac akaok pakat di TP HCM hu peih tabiak rilo meng lac tui jalan online. Sở pato magru ban raya brei thau, mban tacei jalan ka bruk pilih ruah ban Thủ Đức saong dom quận, huyện hu brei bruk parabha labik piah peih bruk pilih ruah, piah khik ka taong abih uranaih dalam umo thun, daok di ban raya HCM jeng hu nao tal sang bac.

Jabat Cảnh sát điều tra, Công an tỉnh Bình Phước brei khởi tố bị can song cap krek ong Nguyễn Văn Sáu, Urang dahlau deih ngak yam  ndok  pasak pasang iek ruak kik (CDC) tỉnh Bình Phước song Lê Thành Bắc urang ngak dalam khoa dược.  2 urang njauk  khởi tố, kayua hu mbaok tame ngak harak  hợp thức bruk to yaom blei sinh phẩm, hóa chất, pandap y tế  pabak ka bruk pacang caga jit  Covid-19 di Công ty cổ phần công nghệ Việt Á song  Công ty TNHH Thương mại dịch vụ Thuận Giang oh njauk bruk batabiak di hukum , ngak khat lahik ka karja 5 tỷ đồng.

Dah page ini, pui khuah di sa quan pablei thaot binguk di jalan Hai Bà Trưng, Quận 1, TPHCM. Taduan hu panuac khan, yaok piluh urang jakar, urang lin di Kapul Cảnh sát pacang khuah padam khuah Công an Quận 1 haong 3 sruh radaih padam khuah mai tal labik piah padam pui. Quan pablei thaot binguk hu rilo pandap panda mbuan khuah ngak ka gah padam khuah kan tame padam. Mbang khuah nan oh hu urang halei njauk hagait min rilo drap ar di bhap bini njauk pui mbang ralai abih. Tapa duah thau tuk camereip mboh lac pui khuah kayua chập điện, makna di bruk khuah daok hu pasang iek piah ngak brei cambaih.

Đặc phái viên Liên Hợp Quốc ka Libya, muk  Stephanie Williams brei thau, dom mbang ginum biai di dom gah cagar gauk di Libya hu tamat di harei  30/6, bo oh mek hu thỏa thuận, piah peih bruk tổng tuyển cử. Rahra  Libya song dunya dok duh hatai, meyah, dom gah oh njauk gauk, harei hadei dombruk mesruh gauk, song neh pabha taneh ia dui atah meda daok rah tabiak.

Sa mbang cuh phao rahtabiak di dah page harei 1/7 (tui maong di Việt Nam) di ban Newark, Đông Bắc negar Mỹ, ngak ka 9 urang njauk rambuac, dalam nan hu 1 uranaih likei bahrau bauk dam. Sở Cảnh sát Newark daok peih bruk pasang iek, ngak cambaih bruk ini. Bruk cuh phao rahtabiak oh ka tal sa adit hadei di tuk Tổng thống Mỹ Joe Biden mbaoh tangin brei tabiak hukum ka pasang iek phao ndao. Di harei 24/5, bruk cuh phao di sang bac tiểu học Robb di Uvalde, Texas, ngak ka 19 anek saih saong 2 gru pato metai.

Palao Solomon di Nam Thái Bình Dương harei ni taduan mbang par dunya camereip abih hadei di labaih 800 harei kreik pabah mbang jalan tapen negar, kayua jit ruak  COVID-19.  Hadei di tuk jalan tapen negar dunya hu peih abih pabah mbang, dom tuai mai tal palao Solomon tok brei klauk ginup vaccine caga Covid-19, hu dut iek  PCR âm tính song Covid-19 dalam 72 tuk dahlau di mbang par. Palao Solomon hu labaih 700 ribau rahra daok di  Nam Thái Bình Dương, atah  Australia oh ka tal 2000 km. Yaom lac hu rilo prein khang siam lagaih, min gah du lịch pak ini jeng rik daong biak takik ka kinh tế Solomon tuk bahrau taduan hu 28 ribau tuai mai rivang dalam thun 2019./.

Urang lang: Thu Thảo -Hanipha -1/7