Dah page ini, di Sang Quốc hội, peih mbang nyaom ka 18 di Ủy ban Thường vụ Quốc hội (TVQH). Hu peih tabiak di harei ini tal harei 16/12, di mbang nyaom ini, Ủy ban TVQH brei panuac saong pasang iek brei tapa Pháp lệnh hu pasiam, pabak dom paka di Pháp lệnh ka jalan ngak, adat pasang iek, brei pandar jalan langyah hành chính di Tòa án bhap bini; Pasang iek brei mek panuac di rahra ka danak dak Hukum taneh riya (pasiam veik). Gam tui di nan, brei panuac ka bruk lang talaih, pataom iek veik, ngak pasiam dự thảo Hukum iek ruak, taong ruak (pasiam veik)…

Rajaei ieu Mintri LĐTBXH dang tabiak, pambuak bruk haong dom jabat piah tacei pato dom tinh ban caga daong ka urang buh prein ka taneh ia, urang daok hu mbang tui bảo trợ xã hội, menuac kan kathaot... raok Tết Nguyên đán thun sak tapai 2023 hu siam mekre, patak pataom, bui sambai. Dalam nan, dom doanh nghiệp brei kuhria ginup jien bilan, jien thưởng puac thun ka urang ngak, hu jalan pachreih urang ngak samar mai ngak bruk veik hadei di Tết, daong ka urang ngak gaok kan kandah hu bui sambai mbang Tết.

Tui Bảo hiểm Xã hội tỉnh Đồng Nai, kuhria tal bilan 12 ini, hu labaih 300 doanh nghiệp di tỉnh tavak saiy dom paok yau ye bảo hiểm xã hội, bảo hiểm y tế, bảo hiểm lahik bruk ngak ngan haong paok jien jaik 230 tỷ đồng. Piah pasiam bruk tavak saiy bảo hiểm, anak tal, BHXH Đong Nai hu ba angan, brei thau dom DN tavak sraiy BH tagok dom jalan khau tin. Doanh nghiệp daok bleih saleih, duah laba mai ka drei, plaih bruk kak je dom paok bảo hiểm meda njauk payua harak gar tapa jabat công an piah pasang iek, langyah tui hình sự.

Jabat BHXH dom quận, huyện di TP Hồ Chí Minh hu ba tabiak lịch sanya ngak bruk online piah ka bhap bini hu lagaih mai tal labik BH. Rilo rahra samar tut angan tame labik ini piah patak pataom tukvak. TP Hồ Chí Minh saong tỉnh Bình Dương hu BHXH Việt Nam pilih ruah ngak iek bruk sanya ngak bruk online. Bruk ini hu daong patrun patakik tukvak cang ka bhap bini saong doanh nghiệp dalam bruk ngak harak gar.

Ong Nguyễn Văn Phong (ndik tapui thun 1967, tỉnh ủy viên, Phó akaok UBND tỉnh Bình Thuận, Yam ndok Sở Jien padai tỉnh Bình Thuận) bahrau njauk ba tabiak langyah tui hukum, cap khik piah pasang iek ka duas “kurang pasang iek  ba tal khat lahik trak” pambuak tal danak dak Labik pablei salih dịch vụ saong labik daok Tân Việt Phát 2, phường Phú Hài, ban Phan Thiết, tỉnh Bình Thuận. Gam tui di nan Jabat Cảnh sát pasang iek (Mintri Công an) hu khởi tố bị can, mek kreik, oh brei tabiak truh labik daok ngan haong 7 bị can karei dalam bruk “ngak suan adat ka bruk khik ramik, pandar drap ar Kanja ba tal palai pajoa” rahtabiak di danak dak ini.

Trung Quốc hu patrun meneing dom labik hu maong lac mbuan njaom jit ruak COVID-19 dalam tuk taneh ia ini peih pabah mbang veik rilo labik njauk pacang veik. Urak ini, dom labik mbuan njaom ruak trun hu 85% duk haong harei 7/12 lac tukvak Trung Quốc ba tabiak dom adat bahrau ka pacang caga jit COVID-19. Ứng dụng pandar “thẻ hành trình” COVID-19 kayua Rajaei Trung Quốc pasang iek, tacei pato hu padeih pandar di mon 12h harei 13/12 hadei di 2 thun ba tabiak ngak. Ứng dụng ini, lac sa binah dalam sarak “Zero COVID” di Trung Quốc, piah tui iek dom menuac bhian daok di labik mbuan njaom COVID-19 glaong saong pasang iek bruk nao mai di dom urang nan tal dom labik karei meng tín hiệu phone tangin.

Mayah Quốc hội Mỹ oh tapa hu bruk dui atah tuvak di kadung jien karja ye rajaei Mỹ meda njauk kareik pabah mbang meneing tuk dom paok jien pandar cai liên bang thun 2022 meda abih di melam suk tal. urak ini, Quốc hội Mỹ jeng ka oh njauk gauk ka paok jien kanja di kadung jien karja brei ka dom bruk pandar cai dalam taneh ia, langiu di kadung jien karja brei ka quốc phòng, ngan haong tanut glaong biar di gauk di dua đảng lac labaih 26 tỷ USD. Dahlau di nan, Tổng thống Mỹ Biden hu 3 mbang mbaoh tangin patabiak hukum kadung jien karja katut panak harei piah plaih ka rajaei liên bang njauk kareik pabang kayua abih jien piah ngak bruk.

Sa bruk cuh gauk di cảnh sát haong kol tội phạm hu phao rah tabiak di sa palei daok dalam bang Queensland, Australia melam 12/12, ngak brei 6 urang metai, dalam nan hu 2 sĩ quan cảnh sát.  Hu thau, bruk nan rah tabiak tuk cảnh sát bang nao tal sa labik daok di bhap bini piah duah thau bruk 1 urang hu pathau khan lac lahik, ye gaok 2 kol duas hu phao ngak brei 6 urang metai. Brei thau di mangaok Twitter di drei, Thủ tướng Anthony ieu bruk nan lac "1 harei biak jhak saong pandik harao ka gauk gar, ka ayut sahabat di dom sĩ quan Cảnh sát ndih trun dalam tuk ngak bruk.