Dom urang hu mbaok pak di labik 

Dah page ini, di Sang Quốc hội, Ủy ban thường vụ Quốc hội (TVQH) peih viek danak dak mbang nyaom 9. Dalam mbang ginum biai ka 2 ini (meng harei 22-25/3/2022), Ủy ban TVQH  meda pasang iek, brei tapa sarak ka yaom jien je khik caga alam ngan haong xăng, manyek, mỡ nhờn tal abih harei 31/12/2022. Gam tui di nan, Ủy ban TVQH brei panuac ka bruk lang talaih, taduan mek panuac, ngak pasiam 2 danak Hukum, nan lac: Hukum pablei salih bảo hiểm (pasiam viek) saong Hukum Điện ảnh (pasiam viek). Ni lac 2 danak dak hukum hu Quốc hội brei panuac di mbang nyaom ka 2 saong kuhria brei tapa di mbang nyaom ka 3 di bilan 5 tal.

Kapul dam dara  Cộng sản Hồ Chí Minh pakat negar pambuak song  Tỉnh đoàn Bình Thuận bahrau peih bruk jao brei  200 hala dok taneh ia  ka dom urang tong chap ikan di palao kaoh  huyện Phú Quý hu kapan gaiy bhian hu mbaok tame tong chap kaya ikan langiu tasik. Bruk brei hala dok taneh ia ka urang tong chap kaya ikan di bhum tasik atah, piah pachreih ba, brei mboh menuac di boh taneh tuk halei jeng pamong tal tasik palao taneh ia, pamong tal dom urang tong chap khang hatai tabiak tasik, tapa nan brei thau ka  quyền ngak po ginreih di taneh ia .

Daok di tỉnh Kiên Giang, harei ini, kapul ngak bruk di Bộ tư lệnh (BTL) Bhum Cảnh sát tasik 4 hu peih bruk brei 200 tờ rơi yaih khan ka tasik, akaoh pulao saong pathau khan hukum ka bhap bini di dom huyện Kiên Lương, Giang Thành, ban Hà Tiên saong alin 400 hala dok Taneh ia ka dom urang taong ikan. Dahlau di nan, di harei kabroi, BTL Bhum Cảnh sát tasik 4 hu yaih khan ka tasik, akaoh pulao saong pathau khan adat hukum ka jaik 200 urang jakar, urang đảng saong bhap bini di huyện Hòn Đất.  

Khaw tin meng công an tỉnh An Giang brei thau, tuk vak tapa hu dom mbao,  rayo papar sap, papar binguk  brei thau ka bruk meng harei  1/3/2022, Đại tá Đinh Văn Nơi, Yam ndoc Công an tỉnh An Giang hu mintri  Công an ba nao  ngak  Yam ndoc  Công an tỉnh Quảng Ninh. Min, kayua bruk ngak di tỉnh An Giang, yau nan ye,  đại tá Đinh Văn Nơi jeng daok pan akaok  Công an tỉnh An Giang. Tuk vak tapa,  laik phone di  đại tá Đinh Văn Nơi 096.229.7777 ngak bruk biak siam. Công an An Giang caong lac dom kapul nyaom, bhap bini rahra  pabak dom khaw tin pagam tal  an ninh trật tự di  An Giang, piah gah  Công an samar langyah tui adat hukum .

Di mbang họp báo brei thau ka bruk pacang caga jit COVID-19 saong  pasiam viek kinh tế TP.HCM peih tabiak di harei kabroi (21/3), amuk Nguyễn Thị Huỳnh Mai, Chánh văn phòng Sở Y tế TP.HCM brei thau, urak ini dom urang njom bahrau COVID-19 di dalam ban daok mboh trun. Mboh lac, bhap bini njauk ruak bhian mboh hanjul nan ye pilih ruah bruk taong ruak, daok karei di sang. Hu yau nan, lac kayua bruk klauk vacxin caga COVID-19 dalam tukvak tapa, tagok hu siam lagaih. Dom jalan ngak piah pacang caga jit di ban raya hu nao njauk jalan ba tabiak. Min, tui Sở y tế piah taong yaom lac TP.HCM hu tapa tabung jit halei oh, ye njauk hu panuac di Mintri Y tế saong mBan tacei jalan pacang caga jit COVID-19 di ban raya HCM.

Pambuak tal bruk kapal haoh laik tuk beir harei kabroi (21/3) di  Quảng Tây, Trung Quốc, urak ni bruk dong duah jeng dok hu peih tabiak.  Yaom lac oh hu panuac khan ka urang metai lahik, min khaw tin Trung Quốc ndom lac  123 tuai angaok kapan haoh biak kan duik hu, kayua dữ liệu mbang par brei mboh kapan haoh lahik thông tin radar 2 minite hadei di tuk nyu laik trun meng labik daok par glong labaih  8.869 mét.  Urang pal akaok rilo taneh ia yau  Ấn Độ, Anh, Pakistan... song gah Hàng không Dân dụng dunya  (ICAO) hu panuac brei thau lac biak pandik harao anak bala di mbang par ni, song payua panuac klah rabha tal gauk gar dom urang gaok bala biak trak damak ni.

Javap jaloi tangi sua di rilo gah truyền thông châu Âu saong Ucraina, Tổng thống Ucraina Zelensky ndem lac, sa thỏa hiệp meda hu haong Nga njauk ba tabiaksua tangi bhap bini di Ucraina. Tổng thống Ucraina brei thau, ong hu langyah haong kapul ginum biai lac, tuk ndem ka abih tih dom salih karei ini, meda lac sajarah, njauk ba tabiak sua tangi bhap bini. Tổng thống Zelensky maong bruk  lac “thỏa hiệp thông thường” tuk bo Ucraina njauk gauk lac oh tame NATO, min mada taduan hu bruk khik tanat tanat saron mbon meng dom taneh ia karei, lac taneh ia di Liên minh Bắc Đại Tây Dương.  

Dom urang ilamu gah y tế Mỹ khan lac dòng phụ BA.2 di  biến thể Omicron njom mbak samar, meda samar ba tal sa mbang jit ruak COVID-19 bahrau di taneh ia ni. Cố vấn y tế  di Nhà Trắng, Tiến sĩ Anthony Fauci brei thau, BA.2  njom mbak samar jang biến thể Omicron phiên bản gốc labaih 50% tal  60%, yaom lac oh ngak ka ruak trak jang. Kayua yau nan ye gah  có y tế ndom lac vaccine song klauk mbang patagok jeng daok lac dom jalan ngak siam di abih piah pacang caga jit njom mbak./.

Urang lang: Thu Thảo -Hanipha- 22/3