Di tuk caga raok Tet Nguyen dan nasak Tapai 2023, biar harei 10/1, Đại tướng Lương Cường, Ủy viên Mentri Chính trị, Ủy viên Thường vụ Quân ủy Trung ương, Chủ nhiệm Tổng cục Chính trị Bol lin bhap bini Viet Nam haong kapol jakar pasang iek bruk caga blaoh blai ka bruk ngak gah mesruh metak, tadhau ayuh Tet Nguyen dan Qúy Mão 2023 di Bo tu lenh Quan khu 9.

Đại tướng Lương Cường kakei Đảng ủy, Bộ tư lệnh Quân khu 9 patui veik bruk  pambuak gauk khang kajap saong Đảng bộ, karja dom tỉnh, ban di labik drei pan akok, tacei pato ngak siam bruk ba tabiak,  khik  sron mbon salamat ka bhap bini gam hoang dak padang an ninh bhap bini, padang hatai jia di bhap bini  khik caga khang kajap. Abih di nyu lac, ngak siam bruk “kapul urang lin ngak bruk”, sangka daong urang dalam sarak, urang hu rik prein yawa ka cách mạng, urang kathaot; pakhang dom jalan pacang caga jit ruak saong khik brei hcih sa-at pandap mbang tui hukum ba tabiak; khik brei ginup pandap mbang  ka bol lin dahlau, dalam saong hadei Tet.

Thứ trưởng, Phó akaok Ủy ban Bangsa Lê Sơn Hải haong kapul ngak bruk di Ủy ban bangsa hu nao rivang saong tadhau ayuh Tết ka urang  hu angan je dalam rahra bangsa takik di Trà Vinh. Ong Lê Sơn Hải brei mboh dom rik daong di urang hu angan je dalam mikva bangsa takik dalam tinh saong hu panuac tangi sua ka prein yava, ka raidiuk…saong payua panuac tadhau ayuh thun bahrau tal mikva bangsa takik di dalam tinh Trà Vinh. Ong caong khin, mengbruk ngak saong angan je di drei, dom urang angan je daok patui bruk jak ba mikva bangsa takik di pak ini peih ngak siam jalan ngak di Đảng, sarak, hukum di Kanja; daok hu dom rik daong tame bruk jumpataom bangsa. Tapa nan, kapul ngak bruk di Ủy ban Bangsa hu jao 100 paok pandap uan thun bahrau ka dom urang lambaok ka urang hu angan je di pak ini, yaok paok hu yaom 500.000 đồng.

Dua harei tapa, di rilo labik dalam Ban raya HCM, hajan praong karei bilan ngak ka dom po bein pala bingu haduh hatai mbang huak, ndik daok oh jeng. Dahlau Tet thun ini, hajan rilo ngak ka dom bingu chroh nerang aval. Gam haong nan rilo po bein pala sit sot padeih ngak, yau nan ye tet thun ini bingu tet di Ban raya HCM trun ralo. Yau nan ye, dom po bein  brei ramik pasiam yaom kaom piah klak rabha  kan kandah haong urang blei. Kuhria tal tukvak ini, bruk blei bingu tet di rilo bein bingu di TPHCM jeng trun dut saong tukvak ini thun dahlau. Urang pala bingu haduh hatai tuk langik oh siam ngak jhak tal bingu gam huac darak pasar blei oh huh yau hatai caong khin.

Melam 10/1, di Sang daoh TP.HCM hu rah tabiak bruk jao jai Mai Vàng mbang ka 28- thun 2022, kayua mbao Người Lao Động peih tabiak. Ini lac Jai thuong yaok thun kayua urang puac báo ba tabiak saong pilih ruah, brei ka dom urang, kapul nghệ sĩ, tác phẩm, danak dak dalam thun. Thun ini, jai Mai Vàng hu jao ka 15 hạng mục. Dalam nan, hạng mục Nghệ sĩ luac rai kayua rahra hu jao ka NSND Lệ Thuỷ. Thun ini,  Mban peih bruk jai Mai Vàng jeng hu pok mayaom 3 kadha ilamo niah gheih di thun 2022, lac: kadha "Những ngọn khói về trời" – ariya di Bùi Phan Thảo ndem ka hatai oh huak metai lahik, oh huak glaih glar di rahra dalam jit praong COVID-19 meng blaoh; tapuk siphau thaot binguk “Jalan nao haong Kapul khik ramik saron mbon di Nam Xu-đăng" di Nguyễn Á saong blah thaot lụa di urang cih Đặng Quý Khoa.

Tui  PGS-TS Lê Ngọc Thắng, Viện trưởng viện Bangsa, Ủy ban Bangsa dahlau diah, di bhum ceik gah Barak urak ini hu rilo bangsa pandar alat ragam khèn bè, dalam nan hu raklaiy Mông, raklaiy Thái-Lào. Yaok janih khèn hu dom ilamu karei, raklaiy  Mông atah jang saong kavong. Raklaiy Thái-Lào tapak saong dak dom mbaik kreim hoang gauk veik, tuk yuh, raklaiy  Thái hu dua sap. Dom sap yawa nan gam haong dom ragam tamia xòe. Daok sap khèn di urang Mông  khang kadang, gam haong kadha birau ilamu, akaok sahaneng di urang bangsa. TS Thắng lac: brei hu sap kadit Mông  atau ndem tal xòe Thái  ye urang mboh ilamu Thái di dom urang bangsa bhum Tay Bac.

Tui urang vak di TTXVN daok di Moskva, Nga urak ini hu mboh dom urang njauk ruak gam virus cúm saong virus corona. Phó Yam ndok iek gah lâm sàng saong langyah di Viện roh duah Dịch tễ học trung ương di Cục Khik ramik kein laba di urang blei pandar saong prein yava di anek manuac Liên bang Nga-Rospotrebnadzor, amuk Natalya Pshenichnaya, hu khan bruk ini di harei 9/1. Amuk Pshenichnaya brei thau lac, bhian dom urang njauk ruak yau nan hu duah mboh di urang hu prein pacang caga haong ruak bier, dalam nan hu urang taha saong uranaih. Dom virus ngak tabiak ruak meda daok diuk dalam tukvak suai lavik saong samar drah tamuh tabiak dalam jalan suak yava. Chuyên gia Pshenichnaya brei thau lac bruk njom sa mbang haong gauk 2 janih virus lac biak kan kandah, meda ba tal viem jalan suak yava saong tukvak taong ruak biak suai, mbuan ba tal metai lahik.

Cục Nhập cư Malaysia harei 10/1 brei thau, jabat ini brei peih dom jalan  tame negar đặc biệt brei tuia mai meng Trung Quoc. Phó Cục trưởng Cục Y tế Công cộng Malaysia No-ha-da-ti (Norhayati Rusli) brei thau, ini lac sa bruk kham merat  piah pacang  nyom mbak jit ruak COVID-19 di Malaysia. Langiu di nan, bruk peih ngak dom jalan brei tame negar đặc biệt meda hu daong bruk ngak harak gar di tuai Trung Quoc  hu samar jang. Mentri Dulich, Nghệ thuật saong Ilamu Malaysia urak ini brei urang jakar ngak bruk thau meyai sap Lo di dom mblang kapal haok piah daong tuai damuai Trung Quoc.

Rajaei Anh meda samar ba tabiak bruk pakauk pandar pandap katak pandar sa mbang, yau ye pring katak, to, jam… Bruk ini hu ba tabiak hadei di tuk duah thau panuac di Mintri Môi trường, pandap mbang saong palei pala negar ini meng labaih 1 thun tapa. Tui bruk pakauk daok caga ba tabiak, dom labik ngak tabiak, dom labik pablei pandap nhựa pandar sa mbang yau ye panyin, pren katak, to, jam … hu maong lac suan adat hukum. Yaok thun, negar ini pandar labaih 1 tỷ 1 rituh trieu baoh pren pandar sa mbang saong 4 tỷ 2 rituh trieu to katak, ly, cốc ; dalam nan, bahrau hu 10 % hu ngak veik. Tui dom chuyên gia alam di Anh, sa baoh pren katak meda lahik 200 thun piah ralai lahik saong ini lac makna ngak tachrauk nerak alam praong abih tal dom tasik praong di dunya, ngak kanjak jhak tal raidiuk di yaok rabau janih sinh vật./.