Hadei di tuk jit ruak hu tani tanat saong Việt Nam brei klaak atau brei pacadu dom adat pacang caga jit ruak COVID-19, tuai damuai negar langiu daok tuh mai TPHCM. Meng bilan 4/2022 tal urak ini, yaok harei hu labaih 11.000 tuai dunya nao saong mai mblang kapar haoh Tân Sơn Nhất, tabung glaong hu harei hu labaih 13.000 mbang tuai. Tui kuhria dalam tukvak anak tal, tuai damuai daok tagok meda hu labaih 15.000 urang sa harei, tukvak puac thun meda tagok glaong jang. Dom tuai rilo meng lac urang Viet meng Mỹ, Úc mai palei negar saong tuai mai rivang main meng Nhật Bản, Hàn Quốc...Daok tuai châu Âu mai TPHCM jeng daok hu takik.

UBND tỉnh Bình Phước kuhria rami ramik pabak brei labaih 5.100 tỷ đồng piah padang tal bac, sang bac, pandap panda duh ka danak dak pato pakai mầm non saong phổ thông, tukvak 2021-2025. Urak ini pandap panda, labik bac di dom huyện kan kandah, huyện biên giới padang ngak meng lavik daok mbaih mbaoh. UBND tỉnh ieu kakei dom huyện, thị, sangka iek glang, paglaong bruk pato pakai, klaak bilik bac quá tải, bilik bac sitsot oh khang kajap, pamaong tal padang sang bac praong, siam. Thun bac 2021-2022, dalam tỉnh hu 430 sang bac dom pakat saong hu labaih 247.000 anek saih.

Mbang pacacah pilih ruah anek saih tal 10 tỉnh Tiền Giang hu peih tabiak dalam 2 harei (17/6 saong 18/6), brei ka anek saih tal 9 hu hatai caong tame tal 10 di dom sang bac THPT saong sang bac THPT Chuyên Tiền Giang. Mbang pacacah ini hu peih tabiak di 33 labik pacacah, ngan haong 822 bilik pacacah. Dom labik pacacah hu caga dahlau biak siam, abih di nyu nan lac dom cơ sở vật chất bilik pacacah hu rami ramik biak ginup, hu âm thanh, gom, kandik. Dalam var pacacah camriep rahtabiak di dah page ini, dom anek saih hu pacacah biak siam makre, an ninh trật tự di dom labik pacacah hu khik tani tanat.

Dom harei jaik di ini, di dom sang iek ruak dalam tỉnh Bình Thuận, dom uranaih njauk dom ruak jalan suak yava daok tagok rilo. Di Khoa Nhi Sang iek ruak Đa khoa tỉnh Bình Thuận, taong abih 150 papan ndih iek ruak di khoa jeng bak abih. Yaok harei sang iek ruak daok taduan meng 20-30 uranaih ruak, jeng lac ruak pambuak tal jalan suak yava. Tui Pasak pasang iek ruak kik tỉnh Bình Thuận, thun ini bilan hajan mai aval nan ye dom ruak gah jalan suak yava jeng tagok aval. Min ini jeng oh ka lac tuk tabung glaong di dom ruak ini.

Phim “Em và Trịnh”  hu tabiak rạp di harei ini 17/6 . Đạo diễn Phan Gia Nhật Linh brei thau, ngak phim ndem ka nhạc sĩ Trịnh Công Sơn hu biak rilo kan kandah. Sa dalam dom kan kandah praong abih lac nhạc sĩ Trịnh Công Sơn saong kadha daoh di ong biak njuan njac, ndung bak triết lý, saneng veik rai ndiuk, min oh hu rilo kịch tính.

Meng harei 13/6 tal harei 17/6, di jabat Liên hợp Quốc (LHQ) daok di Hoa Kỳ hu peih nyaom biai mbang ka 32 dom taneh ia Công ước Liên hợp quốc thun 1982 ka Hukum Tasik (UNCLOS). Brei panuac di nyaom biai, Đại sứ Đặng Hoàng Giang, Akaok Kapul Việt Nam di LHQ ndom veik lac, UNCLOS, dalam bruk ngak lac “Hukum negar di Tasik prong”, lac jalan adat hukum ramik veik yaok bruk ngak angaok tasik saong jalan adat hukum duy nhất piah brei mboh ginup abih labik hu mbang tui bhum tasik di dom taneh ia. Meng nan, Đại sứ brei thau yaom glaong di bruk peih ngak ginup saong Tuyên bố ASEAN-Trung Quốc ka jalan ngak di dom gah di tasik Biển Đông thun 2022 (DOC).

Gah truyền thông Australia brei thau, Nga bahrau pabak 121 rahra taneh ia ini tame angan cấm vận, dalam nan hu rilo urang ngak bruk dalam dom jabat báo chí praong, dom chuyên gia roh duah saong dom urang ngak gah khai thác mỏ, quốc phòng... Langiu dom nhà báo, Nga daok ba tame angan cấm vận dom urang par akaok pakat glaong di Mintri Quốc phòng saong dom urang roh duah di taneh ia ini.

Harei kabroi, 12 drei cim cánh cụt hu palao tabiak tasik veik hadei di tuk dom drei cim ini hu 1 kapul di Arhentina daong sraong saong taong ruak brei. Dom drei cim cánh cụt ini daok njauk lavang lavaih, lahik ia, trun thân nhiệt kayua kurang bilau. Makna ba tal dom ruak ini, meda lac kayua biến đổi khí hậu, kurang pandap mbang saong nerak tachauk alam môi trường./.

Urang lang: Thu Thao & M.P – 17/6/2022