Thu tuong caong khin, brei kuhria sami samar pandar dom phun jien dalam saong langiu negar, phun jien pakat negar saong karja, gam haong nan brei parabha pakat, parabha quyen gam haong parabha  phun jien, paglong prein peih ngak di pakat ala, pakhang bruk pasang iek, plaik njiak bruk pambak tame sarak piah mbang jien padai, tieu cuc, meyaom saong langyah  ky luat catang sumu. Langiu di nan, pakhang bruk  pathau khan, takik harak gal, juai ngak kandah bhap bini, dom pakat, dom gah, takik abih ngak harak gal.

Di Nyaom biai brei panuac pasiam sarak dalam Hukum Dân số saong brei panuac ka sarak salih nhân khẩu học di dom nền kinh tế Châu Á - Thái Bình Dương rah tabiak bahrau ini, amuk Phạm Thị Thuý Hà, Phaok akaok Vụ bangsa takik, Uy mban bangsa khan lac, bruk likei kamei khin gauk tuk daok sit oh ka tal umo thun saong khin gauk dalam bhum bangsa takik tukvak 2021-2025 daok trun nao tapa yaok thun. Piah kham merat patrun patakik bruk ini, brei jhul khang jang bruk jak ba, pathau khan, ba adat palei tame dom asal kadha klaak bruk tok gauk tuk daok sit, tok gauk dalam but pajaih, khik ka lakei haong kamei hu quyền saong hu bruk ngak yau gauk dalam lakhah caga.

Sóc Trăng lac tỉnh hu rilo bhap bini bangsa takik daok diukrai di 63 xã, phường, ban sit dalam tỉnh. Meng thun 2022 mbiah tal ini, Sóc Trăng hu caik taong abih phun jien Trung uong buh tame labaih 915 tỷ đồng saong jaik 97 tỷ đồng phun jien meng kadung jien karja piah daong langyah bruk kurang taneh daok, sang daok, taneh pala drak, ia pandar ka bhap bini bangsa takik. Meng nan bo rilo baoh sang hu sang daok, hu taneh ngak mbang, paglong raidiuk, rik tame ngak brei patrun baoh sang kathaot  di tỉnh daok  2,54% di puac thun 2023.

Jaik 4 thun ini mai, kayua dom ribaong tahuak ia njauk pacang sre nan ye mblang hamu Cửu Chơn praong labaih 14ha di Ninh Thuận njauk ia dauk, ngak brei jaik 50 sang rahra oh pala drak hu. Mblang hamu jeng labik menei di tapon ada, kabao, limo, hu labik bak nerak tachauk. Ong Hồ Thanh Phong, Phaok akaok UBND xã An Hải, huyện Ninh Phước brei thau, huyện hu daong ka dom sang nan labaih 195 triệu đồng. Urak ini, karja palei jeng hu panuac ieu samar hu jalan langyah ngak pasiam ribaong tathuak ia. Meyah oh samar ngak, ye yaok pluh sang bhap bini oh ngak hagait hu jien

Urak ini, ruak sởi di tỉnh Bình Dương daok tagok biak ralo, mbiah tal ini hu 24 mbang urang ruak sởi saong dreih ruak sởi, tagok 3 mbnag dut saong tukvak ini thun 2023. Bruk njauk haduh hatai lac klauk jru pacang ruak sởi daok biar, takik. Anak bruk nan, Sở Y tế Bình Dương samar peih ngak rilo jalan pacang caga yau klauk jru ka dom urang daok veik, klauk jru pabak  ka uranaih. Tui nan, pakhang  bruk pathau khan , paglong  jalan sahaneng di bhap bini ka bruk hu makna praong di bruk klauk jru pacang ruak sởi. Sở Y te kakei , mikva meyah mboh hagait karei medil lac ruak sởi, njauk ba nao tal dom labik y te piah jru ruak chip.

Thủ tướng Japon ong Fumio Kishida khan lac oh tabiak pakacah ngak Chủ tịch đảng Dân chủ tự do (LDP) cầm quyền, tui kuhria hu peih tabiak di bilan 9. Bruk nan hu ba tabiak dalam tuk angan je di ong Kishida trun daok biak biar mai meng bruk ngak oh siam dalam padang kadung jien di LDP saong bruk yaom pandap tagok khang ngak ka rahra pandik hatai. Ong Kishida tagok ngak Thủ tướng di bilan 10/2021, lac ngak Thủ tướng hu 1.046 harei kuhria tal harei 14/8, jeng Thủ tướng hu tukvak pan bruk suai ka 8 kuhria meng hadei di mesruh metak.

Thun ini, pandap payua samar drah di Trung Quốc tagok tal labaih 100 tỷ mbang pandap, samar jang 71 harei dut saong thun blaoh, brei mboh veik prein khang  gilac saong patagok di bruk ngak mbang kinh te di taneh ia ini. Tui urang ngak praong pambuak tal Cục Bưu chính Negar Trung Quốc, gam haong bruk ngak kinh te hu pasiam veik, salih birau, bruk blei pandar glong, nan ye gah payua pandap drah samar  patagok khang. Urak ini, bruk payua pandap drah samar  di Trung Quốc dang akok di dunya dalam 10 thun gam gam./.

Bruk kinh tế kan kandah daok ngak ka rilo menuac dak harei dak tabiak truh New Zealand piah nao tal taneh ia karei daok. Tui panuac khan di rajaei New Zealand, dalam 1 thun kuhria tal bilan 6/2024, hu labaih 131 rabau menuac tabiak truh taneh ia ini, lac rilo di abih kuhria meng dahlau mai. Sa dalam dom makna ngak ka rilo menuac tabiak truh New Zealand lac kinh tế taneh ia ini daok dang anak rilo kan kandah, menuac oh hu bruk ngak tagok glaong./.