Nyaom roya hu pilih ruah Hội đồng chức sắc Chăm Ahier tỉnh tukvak 2022-2027 hu 34 urang

Pambuak tal bruk bruk peih ngak sarak daong pah sang ka urang ngak tui Sarak 08 di Thủ tướng Rajaei, Mentri LĐ, TB saong XH brei thau, kuhria tal harei 7/9, langiu 3 tỉnh Lai Châu, Điện Biên, Cao Bằng oh hu thei ye 60 tỉnh, ban hu taduan labaih 5,2 trieu mbang urang ngak ngan haong labaih 3,7 ribau tỷ đồng (sumu jaik 58% jien likau brei hu tuk camereip), mbaoh tangin brei 5 triệu mbang urang ngak ngan haong labaih 3,6 ribau tỷ đồng saong peih brei labaih 4,6 trieu urang ngak. Urak ini hu 41 tỉnh ngak salah taong abih bruk peih jien brei.

Tui yaok pataom di mintri pato megru, abih tuk vak bayar jien palih ruah online, dom hatai khin hu ngak harak gar bayar tui jalan online hu labaih 97% dom hatai khin tut angan tame palih ruah đại học. Ni lac thun camereip peih ngak jalan bayar jien online, kayua yau nan, dom thí sinh oh ka buh jien palih ruah, Mintri hu dong palagaih ka thí sinh ngak salah bruk buh jien tame tuyển sinh tui adat, oh caik ka thí sinh halei lihik jalan tame palih ruah.

Kapul dam dara Cộng sản Hồ Chí Minh pakat negar, Hội đồng Đội pakat negar birau peih bruk jao 220 paok jien bac saong labaih 10.000 kadung pandap trung thu brei ka dom adei uranaih hu hu raidiuk kan kandah, dom adei daok di bhum atah bayah, bhum taphia negar, kaoh pulao, dom adei uranaih jaoh jo, dom adei metui medhar kayua jit ruak praong COVID-19 di dom tỉnh, ban: Nghệ Nghệ An, Gia Lai, Bình Dương, Hậu Giang, Cần Thơ, An Giang, Sóc Trăng, Bạc Liêu, Kiên Giang, Cà Mau kuhria tui jien labaih sa tỷ đồng. Dom pandap nan hu rik tame pachreih dom adei dalam dom harei akaok thun bac birau saong tet Trung thu.

Dalam 2 harei 6 và 7.9, di huyện Ninh Phước, Hội đồng chức sắc Chăm Ahier tỉnh Ninh Thuận hu peih nyaom roya mbang ka III, tukvak 2022-2027. Nyaom roya hu pilih ruah Hội đồng chức sắc Chăm Ahier tỉnh tukvak 2022-2027 hu 34 urang . Cả sư Hán Đô daok hu pok ngak Chủ tịch Hội đồng chức sắc. Tukvak bahrau ni , Hội đồng chức sắc Chăm Ahier tỉnh Ninh Thuận daok kham merat, khik kajap bruk dang akaok dalam bruk pathau khan jak ba dom chức sắc, chức việc hong mik va tui agama patui ngak siam sarak di Đảng, hukum di karja song adat hukum di Hội đồng chức sắc. Mik va Chăm Ahier urka ni hu 50.000 urang, dok di rilo puk palei dalam tỉnh. Meng adat cambat tanarakum lavik thun ni mai, Mik va Chăm Ahier dok khik ramik dom yaom glaong ilamu meng kan.

Page ini, UB bhap bini tỉnh Bình Dương peih họp báo brei thau ka bruk khuah quan karaoke An Phú di ban Thuận An. Công an tỉnh Bình Dương brei thau, tal mon 8 melam bloh 7/9, bruk duah dom atau urang njuak paui khuah meda lac salah blaoh. Duah mboh hu 33 urang metai, dalam hu 16 urang kumei, 16 urang likei saong1 urang metai di sang iek ruak kayua njuak rambuac trak. UB bhap bini tỉnh Bình Dương hu pathau khan camereip ka bruk apui khuah quan karaoke payua Jabat Rajaei. Tui nan, makna camereip kayua chap điện ba tal apui khuah.

Brei panuac anak Quốc hội, Thủ tướng bahrau di Anh amuk Liz Truss ndom lac, brei ramik veik thỏa thuận song Liên minh châu Âu (EU) ka bruk pablei salih hadei Brexit di Anh song Bắc Ireland. Bruk njauk ngak dahlau urak ni di Thủ tướng bahrau lac duah tabiak jalan tapa ginum biai piah klaak dom adat ka bruk pablei salih hadei Brexit song bhum taneh ni. Muk Truss cong khin ngak nbruk song tong abih dom đảng phái di Bắc Ireland piah taduan hu bruk pachreih tui di dom urang pal akaok song jabat nghị viện di pak ni.

Thổ Nhĩ Kỳ chap khik 5 urang pakat glong di Gah IS, haong panuac lac 5 urang nan ba gauk ngak kadauk mbaok dalam dom mbang taong patauh phao di Thổ Nhĩ Kỳ. 5 urang njauk chap mek dalam nan hu urang dang akaok dom bruk tình mbao, urang dang kaok gah truyền thông XH saong urang dang kaok dom bruk patao pakai di IS. Thổ Nhĩ Kỳ rilo mbang njauk taong patuh phao kayua gah Kol IS ngak ka bhap bini taneh ia ini metai haong njuak rambuac.

Ủy ban châu Âu hu panuac ieu patagok song peih prong bruk pasang iek ung thư dalam tuk bruk pasang iek pren yava yaok thun trun khang dalam mbang jit prong Covid-19. Hu labaih 1 triệu urang ruak ung thư di châu Âu oh hu iek ruak njauk tuk, kayua labaih 100 triệu dut iek sàng lọc , oh hu peih ngak dalam tukvak camereip di jit prong Covid-19. Oh iek ruak sàng lọc song padeih tong ruak ung thư ngak ka ung thư meda lac makna ba tal metai lihik dang akaok dalam abhap tal . Kayua yau nan ye, Ủy ban châu Âu meda ba tabiak tacei pato bahrau ka bruk pasang iek ung thư song hu panuac ieu peih prong pasang iek gam gam ka ruak phổi, tuyến tiền liệt song ung thư dạ dày./.

Urang lang: Hani Pha & Bhumi – 08/09