Dalam nan, jien di urang negar langiu payua mai di bhum chau A meblah ralo abih, labaih 59% kuhria taong abih jien negar langiu payua mai, jien payua mai meng châu Âu saong châu Đại dương trun. Tui Gilang pariak karja di TPHCM, bruk ba tame pandar dom jien negar langiu nan hu makna biak praong oh lac ngan haong bruk cak rok patagok kinh te - xa hoi bo daok ba mai siam mekre bruk ngak tui sarak saong peih ngak sarak jien padai di Gilang pariak Karja.  

UBND tỉnh Long An hu tabiak panuac ka bruk bala di langik tasik meng bruk njom oa mbak,  kan kandah tagok tal pakat 4. Kuhria tal harei 8/4, mbak 1‰ saong 4‰ di kraong Vàm Cỏ Đông nyu mbang tame dalam 88km saong 72km. Bruk njom ia mbak ngak ka mblang taneh ngak nong di rilo bhum palei njauk kurang ia taba piah pala drak, rilo baoh sang di bhum kurang ia taba piah pandar. UBND tỉnh Long An ieu kakei dom bhum palei peih ngak dom jalan langyah samar drah piah khik salamat ngak nong, raong kaya ikan, abih di nyu nan lac tani tanat ia taba piah ka rahra pandar.

Piah khik ramik saong patagok ilamo meng kan ahar bhap bini Nam Bộ, harei pataom Ahar  bhap bini Nam Bộ mbang XI, thun 2024 daok hu peih tabiak  di Ban Cần Thơ saong dui atah tal abih harei 21/4. Dalam dom bruk di harei pataom, So Ilamo, The thao saong Dulich Can Tho peih bruk tuh ngak iek bánh xèo meng khali praong 3m. Pandap tuh bánh xèo hu 30kilo tapung, 20 kilo la-u, 20 kilo rilo ada xiem, 10 kilo ratak naih, 10 kilo hala lasun saong 65 liko njam patam kayua 15 nghe nhan ngak. Mban peih ngak Harei pataom caong khin tapa bruk ngak ini piah  pahadar urang brei khik ramik pahe bingi di banh xeo jeng yau ahar bhap bini Nam bộ. 

Daok dalam dom bruk ngak di rija Nghinh Ông mbang ka XXI thun 2024, Sở Ngak nong saong patagok palei pala tỉnh Bạc Liêu pambuak haong UBND huyện Đông Hải bahrau palao yaok trieu drei hadang pajaih di pabah tasik Gành Hào. Bruk palao pajaih pasiam veik gah kaya tasik lac bruk ngak yaok thun di huyện Đông Hải piah jhul khang bruk pathau khang, paglaong hatai sahaneng ka rahra dalam bruk khik ramik, taong mek kaya tasik.

Dalam dua harei tapa, karja ban sit Vàm Láng, huyện Gò Công Đông, tỉnh Tiền Giang peih ngak rija Nghinh Ông Nam Hải. Binah adat hu paling yang ia hu iek lac adat hu makna praong abih dalam luac rija Nghinh Ông Vàm Láng piah brei mboh hatai thau dhar phol saong iek praong. Di rija hu  labaih 50 gilai  hu ngak brei mekre meng hala dok, gom hu caik papan kakuk saong rilo pandap, kapol urang daoh pamere yang, tamia lan nduac tabiak pabah tasik piah ngak Adat taduan raok ikan Ông tame kalan. Bruk ini piah thau dhar phol ikan Ông  brei ka urang nao tasik hu sa thun ngak mbang hu lagaih, patuah jamo dalam thun anak tal…

Dalam tuk tet meng kan, kanja quân sự Mianma brei thau bruk peih palao dahlau tukvak ka labaih 3.000 urang daok guk dalam nan hu Cố vấn  kanja dahlau deih lac amuk Aung San Suu Kyi saong rilo urang daok guk negar langiu. Amuk Suu Kyi njauk mek kareik meng bilan 2/2021. Amuk daok guk 27 thun ka dom duas yau pablei taneh ia, tham nhung, ngak suan hukum viễn thông… Amuk Suu Kyi hu cagar veik haong dom panuac kaoh duas nan. Bruk peih palao dahlau tukvak di harei akaok thun bahrau di negar ini, ba mai bui sambai ka rahra saong caong maong lac jhul khang bruk pambuak gauk khang kajap haong dom taneh ia karei, gam tui di nan jeng langyah dom bruk cuang kandah ka bruk pahla.

Pasak Patrun takik bruk ceik apui pruh saong taneh Indonesia birau tabiak panuac kakei dahlau bruk riyak sóng thần hadei di rilo mbang ceik pui pruh  gam haong bau pandiak di tabung ceik  apui Ruang di tỉnh Bắc Sulawesi. Bhap bini saong tuai damuai hu iew brei samar nao labik karei, oh tame labik atah 6km kuhria meng pabah ceik pui Ruang. Tui Jabat khik iek langik tasik di negar Indonesia, ceik pui pruh meda nga jeng riyak sóng thần, taong tame dom labik tapen tasik  di kaoh pulao Tagulandang.

Liên Hợp Quốc ieu dom taneh ia dunya rik tame 2,8 tỷ đôla piah pabak bruk daong ka 3 trieu urang Palestine. Bruk ngak ini piah lang talaih bruk eik lipa daok rahtabiak di Gaza, labik daok njauk mesuk metak ngak khut khat, oh lac caong pandap mbang bo daok caong dom pandap panda ngak hacih, ia pandar saong y tế. Jabat pahla di Liên Hợp Quốc pak Gaza saong Bờ Tây brei thau lac, abih tih dom sang iek ruak, dom labik pabak ia saong vệ sinh, sang danaok, jalan mbak nao mai saong sang bac njauk tayah tayaic abih, gam tui di nan jeng brei thau lac “oh hu sa sang bac dai hoc halei daok siam di Gaza”./.