Bac sy ngak bruk biak gleih glar 

TPHCM hu ngak salah bruk caga ka mbang pakacah tamat THPT 2022 di 2 harei 7 saong 8/7 anak tal. Ban raya HCM hu 85.088 anek saih tut angan pakacah tamat THPT. Piah duh ka mbang pakacah, TP.HCM hu jak ba 13.600 urang jakar, gru pato, urang ngak hu mbaok tame ngak, iek bruk pacacah di 158 labik pakacah. Piah khik salamat ka dom anek saih dalam tuk jit ruak, yaok labik pakacah hu 3 bilik pacacah caga dahlau brei ka dom urang njauk ruak COVID-19, di dom labik pacacah hu ramik jalan tame, tabiak karei, oh peih ngak adat peih mbaok mbang pakacah, dom anek saih pakacah oh pataom gauk dahlau saong hadei dom var pakacah.

Dalam 6 bilan akaok thun ini, Đồng Nai hu 231 bác sĩ, điều dưỡng saong kỹ thuật viên di dom labik y tế karja likau padeih bruk. Tui bác sĩ Lê Quang Trung, Phaok Yam ndok phụ trách Sở Y tế Đồng Nai, makna ngak brei rilo bác sĩ likau padeih bruk lac kayua jien bilan takik saong bruk ngak trak damak. Dalam 3 thun jaik di ini, gah y tế Đồng Nai dang anak bruk bác sĩ likau padeih rilo jang bác si taduan tame. 

Tal urak ini, Đồng Tháp hu jaik 3.000 urang ruak pandiak tabiak darah, hu 2 urang metai. Tui kuhria jit ruak pandiak tabiak darah daok tagok saong rahtabiak sarau kadhau dalam dom bilan puac thun. Anak bruk ini, Đồng Tháp hu peih tabiak Danak dak “pametai anek lăng quăng pacang caga ruak pandiak tabiak darah” di dalam tinh. Dalam nan, taong abih dom labik dalam tỉnh hu peih danak dak pathau khan “pametai anek lăng quăng pacang caga ruak pandiak tabiak darah”; tuan băng rôn, khẩu hiệu ngan haong asal kadha lac pacang caga ruak pandiak tabiak darah saong peih dom jalan pametai anek lăng quăng di dom baoh sang, dom labik mbuan tamuh ruak.

Gah taong cap kaya ikan di tỉnh Kiên Giang daok gaok kan kandah praong abih kuhria meng dahlau mai tuk rilo kapal taong ikan ndih gah kayua yaom xăng menyek tagok glaong. Tui Chi cục kaya ikan Kiên Giang, meyah hadei tết nguyên đán hu jaik 1 rabau kapal ndih gah ye urak ini tagok tal jaik 2 rabau kapal, meblah jaik 20% dom kapal ikan di tỉnh. Kapal ikan ndih gah ngak ka dom doanh nghiệp ngak kaya ikan daok dang anak rilo kan kandah kayua kurang ikan hadang piah ngak.

Pambuak tal bruk dom nhà thầu padang ngak danak dak “ pasiam kraong Chợ Gạo (tukvak ka II) padang ngak dom danao khik piah cuah, gluh di xã Tân Thuận Bình, huyện Chợ Gạo, tỉnh Tiền Giang ba tal ia dauk, ngak kan kandah tal raidiuk di rilo bhap bini bo urang vak di rayo sap ndem VN hu khan brei thau, ong Nguyễn Văn Vĩnh, akaok UBND tỉnh hu nao tal labik piah pasang iek, ngak bruk haong po buh jien tame ngak, kapul padang ngak piah samar hu jalan langyah ngak pasiam. Gah nhà thầu padang ngak danak dak brei thau lac meda pambuak bruk haong karja palei ngak dom jalan tathuak ia piah pasiam veik bruk dauk ia ini.

Hadei di 10 thun peih bruk mesruh pacang tham nhũng kuhria meng Nyaom roya 18, Trung Quốc hu pasang iek, duah thau, langyah labaih 4 triệu 700 rabau urang jakar, urang đảng saong dalam 5 thun mai ini, hu 74.000 urang tabiak đầu thú. Ong Vương Kiến Tân, Akaok mban Pathau khan di UB Kiểm tra Kỷ luật Trung ương saong UB Pasang iek Negar Trung Quốc ndom lac, taneh ia ini mek hu jayah praong dalam bruk mesruh pacang tham nhũng dalam 1 pluh thun tapa. Trung Quốc daok kham merat ba bruk mesruh pacang tham nhũng jeng sa bruk ngak gam gam saong ngak biak catang.

Bộ Tư lệnh Liên hợp quốc (UNC) brei thau, meda brei peih veik dom mbang du lịch nao rivang iek palei đình chiến liên Triều Panmunjom hadei di rilo bilan brei padeih kayua jit praong COVID-19.  Tui UNC, bruk peih veik dom mbang du lịch ini daok dalam dom bruk di Danak dak Jalan ngak saong pato pakai ka Labik phi quân sự di UNC piah paglaong akaok saneng di rahra ka dom bruk an ninh di mangaok Kaoh pulao Triều Tiên saong daong ka dom tuai damuai thau cambaih jang ka dom paka dalam sarak padeih mesuh.

Pakistan daok rah tabiak sa mbang pandiak bhang khang haong nhiệt độ tagok tal 49 độ C. Jacobabad lac 1 dalam dom ban pandiak abih di Pakistan, tuk langik dalam bilan 6 tuk halei jeng pandiak meng 47 đến 49 độ C. Nhiệt độ tagok glaong ngak brei rilo uraniah saong urang taha tame sang iek ruak kayua mebuk pandiak, aih craoh, taglaoh ta-ok saong lahik ia. Dom urang ilamu brei thau, biến đổi khí hậu ngak ka dom mbang pandiak khang yau nan rah tabiak rilo jang di Pakistan./.

Urang lang: Thu Thảo -Mousaphuong-2/7