Tỉnh Tiền Giang hu jak ba saong taduan hu 1.170 đơn vị darah

Tui Cục Khik caga phun pala (BVTV), Bhum taneran kraong Cuu Long lac bhum taneh rik daong labaih 50% kaya nong, labaih 90% padai brah pandap mbang pablei tabiak negar langiu saong labaih 70% baoh kayua di taneh ia. Jru  hóa học Khik caga phun pala hu pandar di Bhum taneran kraong Cuu Long glong jang dalam negar lac 71,9%, dalam nan hu Tiền Giang, Đồng Tháp pandar jru khik caga phun pala glong jaik 3 mbang dalam negar, min bruk pandar jru khik caga phun pala di labik ini oh ka hu siam lagaih. Njauk caik hatai lac, bruk plaik njiak hukum ba dom asar jru khik caga phun pala piah caga halak halin palai pajua  tame dom cửa hàng pandap ngak nong piah pablei lac chế phẩm hu tut angan saong jabat y tế di rilo palei ngak sahaneng meluh saong pandar suan, ngak jhak tal prein yawa bhap bini saong kaya sa-at hacih. 

Dalam 6 bilan akaok thun ini, Hội Chữ thập đỏ tỉnh Tiền Giang peih hu 31 bruk taduan mek darah, pataom mek hu jaik 5.500 đơn vị darah. Kuhria ta-eng bruk pachreih tui kadha “Harei bhap bini halan hatian brei darah 7/4", mBan tacei jalan jak ba halan hatian brei darah dom pakat dalam tỉnh Tiền Giang hu jak ba saong taduan hu 1.170 đơn vị darah. Bahrau ini, Hội Chữ thập đỏ Việt Nam pakat negar hu pok harak meyaom brei ka 11 urang di tỉnh Tiền Giang halan hatian brei darah labaih 30 mbang. UBND tỉnh Tiền Giang hu alin hadiah 53 harak meyaom brei ka 03 kapul nyaom, 07 baoh sang, 43 urang hu brei darah meng 20 mbang tagok.

Dalam tuk rilo gilang pariak abih jien brei mesre, Gilang pariak TMCP Việt Nam Thương Tín (Vietbank) birau ba tabiak phun jien brei mesre laba lap 8.000 tỷ đồng ka tuai damuai piah mesre piah ngak mbang pablei salih. Meng ini tal abih harei 30/9/2022, urang khin mesre phun jien piah pablei salih atau pandar cai meda hu daong laba meng 6% sa thun saong oh abih jien bayar sre dahlau tukvak.

Quỹ Dân số Liên Hợp Quốc (UNFPA) di Việt Nam haong Pasak Roh duah saong Pandar Ilamu  Khoa học ka giới - gia đình – urang kumei saong vị thành Niên (CSAGA) peih bruk tabiak mbaok “baoh sang Ánh Dương” di TP.HCM. Baoh sang Ánh Dương di TP.HCM lac labik ka 3 hu padang tagok hadei di 2 labik di Quảng Ninh haong Thanh Hóa. Ini lac labik raong, daong ka urang kumei saong uranaih kumei njauk taong paoh, puac lac dalam sang, pabak dom bruk oh kurang hu saong abih gah ka urang kumei haong uranaih kumei daok gaok atau mbuan gaok bruk taong paoh, puac lac dalam sang saong bạo lực gah giới tính, dalam nan hu: sang plaih nyaik, iek glang prein yava, daong gah tâm lý, tacei pato gah adat hukum.... Urang kumei saong uranaih kumei tuk njauk taong paoh, puac lac dalam sang caong hu bruk daong di Baoh sang Ánh Dương, meda ieu phone tal jalan talei pandiak 024.3333.5599.

Tui Jabat Cảnh sát giao thông, Công an tỉnh Bình Thuận, meng akok thun tal ini, dalam tỉnh mek veik labaih 3.500 harak adat peih radaih kayua ngak suan hukum tuk peih nduac radaih angaok jalan mbak. Piah khik brei salamat bruk nao mai angaok, dalam 6 bilan tapa, Cảnh sát jalan mbak dalam tỉnh peih hu 6.402 mbang pasang iek; tapa nan ngak harak bien ban labaih 18.540 mbang urang ngak suan, taong phạt jienn  labaih 26 tỷ đồng, chap khik 3.400 sruh radaih. Dom bruk ngak suan lac peih nduac radaih ba tal bala, gar jalan, yau: menyum alak, peih radaih samar; pajeng trak jang, pajeng rilo manuac jang adat ba tabiak; taduan raok, bayar tuai njauk labik.

Hajan praong gam gam meng akaok bilan 5 tal ini ngak ka ia di rilo kraong gah meraong Trung Quốc gam gam tapa tanut báo động, dalam nan kraong Bắc Giang di labik lưu vực kraong Châu Giang tui kuhria mboh dahlau lac meda hu ia sua biak praong dalam harei ini (22/6), nan ye taneh ia ini njauk patagok tanut pacang caga samar drah haong ia sua di labik ini tagok pakat I, lac pakat glaong di abih.

Thủ tướng Hy Lạp Kyriakos Mitsotakis brei thau rajaei taneh ia ini meda parabha paok jien daong 375 triệu euro (sumu labaih 394 triệu USD) piah pabak ka bruk yaom xăng saong menyek diesel tagok glong. Paok jien daong birau ini meda hu peih ngak meng bilan 7 tal bilan 9 anak tal, daong yaom xăng saong menyek diesel ka labaih 3 trieu urang peih radaih. Tui nan, yaom xăng hu daong trun 44 cent / lít. Rajaei Hy Lạp jeng brei daong 12 cent sa lit menyek diesel piah khik yaom ala euro sa lít. Kuhria tal urak ini, abih tih yaom jien daong di karja ka xăng menyek  tagok tal 580 trieu euro 9 sumu 610 trieu USD.  

Hadei di Đức saong Áo, harei kabroi Hà Lan lac taneh ia patui di nan brei tagok bruk pandar điện dhang hadei meng srau kadau năng lượng kayua bruk catang tagok di Nga haong Ukraine. Bruk nan hu ba tabiak hadei di tuk dom khí đốt meng Nga ba tal dom taneh ia pandar rilo di Châu Âu trun daok takik, ngak brei châu Âu meda laik tame bruk kurang khí đốt di bilan Brak tal, meyah dom kho khik piah khí đốt oh hu pabak dalam bilan Hè ini./.

Urang lang: Bhumi & M. Phương – 22/06