Pan akaok bruk ginum biai langyah kan kandah, tavak tavaiy ka dom danak dak jalan mbak praong di gah Meraong negar, Thu tuong Phạm Minh Chinh tadhau ayuh 13 tỉnh, ban dalam bhum taneran kraong Cuu Long hadei di 3 thun kham merat peih ngak, tuk camereip hu jeng dom jalan nduac drah samar mboh di anak meta, yaok kuhria hu. Panuac kakei veik, bruk pamong tal thun 2025 Bhum taneran kraong Cuu Long brei hu 600 km saong tal thun 2030 hu 1.200km jalan peih drah samar, Thủ tướng Rajaei caong khin dom mentri, dom gah, bhum palei tacei ba saong pataom tame peih ngak tui jalan sahaneng “biai gauk ngak, oh biai kadun likuh”; peih ngak drah sahaneng lac “ oh huac pandiak, huac hajan”; jak ba taong abih he thong chinh tri dom pakat tame ngak bruk, kham ja ba pachreih tui Bruk peih ngak 500 harei melam kham merat khang, pakacah gauk ngak salah 3.000 km jalan peih drah samar.

Dalam 6 bilan akaok thun, tỉnh Vĩnh Long hu jaik 200 doanh nghiệp tabiak truh darak pasar ngak pandap pablei salih. Makna lac kayua dom gah ngak pandap daok kan knadah, suai pasiam veik, phun jien ka bruk ngak mbang biar ba tal patagok tín dụng biar, oh ka duah hu darak pasar negar langiu bahrau. Ong Lữ Quang Ngời, akaok UBND tỉnh Vĩnh Long brei thau, anak tal, tỉnh brei peih ngak hu siam dom sarak piah daong ka doanh nghiệp samar pasiam veik bruk ngak. 

3/ BCH Kapol dam dara xã An Hiệp, huyện Châu Thành, tỉnh Sóc Trăng birau tabiak mbaok danak dak dam dara “Jalan nao ka dua di lốp radaih- pandar baoh radaih  klak jeng talaoh pathau khan pato pakai hukum yau: “Plaik atah matuy kayua prein yawa saong haniem phol di yaok baoh”, “ Ame, amaik lac kareih camin ka anek bik pasang ngak tui adat hukum jalan mbak”, “ Khik brei hacih sa-at oh klak parak hareik oh njuak labik”, “ oh menyum alak, mbia tuk tabiak jalan mbak”…Bruk ngak nan brei patagok bruk ngak, jalan sahaneng halan hatian ngak dahlau di dam dara dalam bruk khik caga, ngak brei labik hijao, hacih, sa-at, hadah, anit ranam.

UBND tỉnh Tiền Giang bahrau brei thau 301 kapal ikan hu ngak bahrau, ngak pasiam veik, pablei salih, alin hadiah dahlau di harei 6/5/2024 daok ngak bruk oh ginup harak gar piah hu tut angan tui adat. Dom gilai ikan hu tut angan brei daok dalam dom janih ngak oh pakauk brei ngak bruk taong cap kaya ikan. Dalam tỉnh urak ini hu labaih 1.200 gilai kapal taong cap di tasik haong labaih 9.100 urang. Bruk pasang iek brei harak gar hu daong ka dom gilai kapal hu ginup adat tabiak tasik taong cap kaya ikan saong ngak njauk tui adat di IUU.  

UB Mat tran negar Việt Nam TP.HCM hu nao rivang, pachreih ja ba saong daong baoh sang urang njauk apui khuah di Phường 16, quận Gò Vấp, tui nan gam iew urang jakar pak nan pataom tame ngak brei ramik pasiam veik hadei apui khuah mbang; kham daong baoh sang urang kuhria samar ngak pandih ka urang lahik. Dahlau di nan, mong 23 tuk harei 13/7, di labik 497/26/2 Thống Nhất, Phường 16 apuh khuah, ngak brei 3 urang metai. Đảng ủy Phường 16, quận Gò Vấp daok jak ba urang rik tame ka baoh sang urang gaok bala apui khuah.

Urak ini, menuac sia Ấn Độ hu jaik 1 tỷ 400 triệu menuac. Tui pathau khan ka bruk menuac sia dunya thun 2024, tuk tagok tal tabung glaong, menuac sia Ấn Độ meda trun 12% di thun 2100. Min taneh ia Nam Á ini meda daok lac taneh ia rilo menuac abih di dunya dalam luac abap ini. Hadei Ấn Độ saong Trung Quốc, dom taneh ia hu menuac rilo patui di nan di thun 2100 lac Pakistan, Nigeria, Cộng hòa Dân chủ Congo saong Mỹ. Pathau khan brei mboh lac, bruk tagok menuac sia di Mỹ mai meng dom menuac di cư.  

Hu takik abih 22 urang metai dalam mbang jaleih sang bac glong dua atal di brum kreh negar Nigeria. Hu thau, hu labaih 150 urang daok gar dalam pambuk patau kayau di harei 12/7. Tui urang brei panuac di cảnh sát, dom urang hu daong ba tame dom sang iek ruak jaik nan. Dalam tuk nan, Jabat khik iek apui khuah Nigeria khan lac urak ini daok 30 urang daok taong ruak di sang iek ruak harei 13/7.

Taong Yam ndok Gah Y tế dunya (WHO) brei thau, đậu mùa khỉ jeng daok lac bruk kan kandah ka prein yava menuac sia dunya. Tok dalam sa bilan tapa, WHO taduan hu pathau khan ka dom urang njom ruak meng 26 taneh ia. Bruk njauk duh hatai di abih lac di Congo, mboh hu sa chủng virus bahrau njom mbak meng bilan 9 thun bloh. Hu tal 11.000 urang njauk ruak hu pathau khan dalam thun ini, dalam nan hu 445 urang matai saong uraniah lac menuac njauk ruak rilo abih./.