Dom pakat ủy haong chi bộ hu kỷ luật 142 tổ chức Đảng saong 6.519 urang đảng

Harei ini 08/07, anek saih dalam taneh ia tame pakacah harei ka 2,  lac harei  pakacah puac abih di mbang pakacah tamat THPT thun 2022. Tuk Page, dom anek saih pakacah KHTN, atau KHXH, var biar harei pakacah Ngoại ngữ. Dom kadha pakacah mbang ini tui jalan trắc nghiệm. Dalam harei pakacah akok meti, dalam negar hu 22 anek saih ngak suan hukum njauk brei padeih pakacah, dalam nan hu 05 anek saih ba saong pandar tài liệu dalam bilik pakacah, 17 anek saih  hu ba phone tangin tame pakacah.

Dalam 6 bilan tapa, dom pakat ủy hu peih bruk pasang iek labaih 24.700 tổ chức Đảng saong labaih 106.600 urang đảng. Dom pakat ủy haong chi bộ hu kỷ luật 142 tổ chức Đảng saong 6.519 urang đảng. dalam nan, mBan Chấp hành Trung ương hu kỷ luật brei tabiak truh Đảng 2 UVTW, Bộ Chính trị hu cảnh cáo 6 tổ chức Đảng, khiển trách 2 urang đảng; Ban Bí thư cảnh cáo 2 tổ chức Đảng, 19 urang đảng. Bruk ini hu khan brei thau dalam nyaom biai pakat negar pataom iek veik bruk pasang iek dalam 6 bilan akaok thun, ba tabiak jalan ngak ka 6 bilan puac thun 2022, kayua UB Kiểm tra TW peih tabiak di harei 7/7.

Peih tabiak meng harei ini tal harei 9/7, Adit jhul khang Bruk salih số Patagok bruk ngak kinh te bhum - Hậu Giang 2022 hu mbaok  di 32 tỉnh, ban dalam taneh ia di 04 gah: Khaw tin saong Truyền thông; Ngak nong saong patagok palei pala; Ilamu, The thao saong Dulich; Công Thương. Adit nan daok hu mbaok labaih 200 D.N, hội, hiệp hội dalam taneh ia. Urak ini, Hậu Giang  daok kham merat, pasamar peih ngak dom jalan brei salih tapa pandar số dalam taong abih dom gah, dom bruk  dalam tỉnh piah ngak brei cak rok patagok  bruk ngak kinh te số, XH số. Kayua yau nan ye, Adit Jhul khang Bruk salaih số Patagok bruk ngak kinh te bhum - Hậu Giang 2022 meda peih tabiak  dom bruk mbuan lagaih pambuak bruk buh jien tame ngak mbang haong dom kapol nyaom, gam haong nan lac panuac da-a urang buh jien tame ngak mbang di Hậu Giang.

Di mbang họp báo brei thau ka COVID-19 haong dom bruk KTXH TP.HCM biar harei 7/7, phó chánh văn phòng Sở Y tế Lê Thiện Quỳnh Như hu khan brei thau dom kan kandah, tavak tavaiy di gah y tế TP hadei di mbang jit COVID-19 meng bloh. Tui nan, gah jien meyaom bao gam haong harak meyaom kayua Sở Y tế brei ka meuac ngak y tế saong urang halan hatian pacang jit dalam TP, tui kuhria lac 40.000 menuac hu pok meyaom haong yaom jien 19 tỉ đồng, urak ini Sở Y tế hu padang bloh angan min oh ka payua hu harak meyaom saong jien meyaom kayua kurang jien.

Đại tướng Tô Lâm, Ủy viên Mentri Chính trị, Akok Mentri Công an hu Harak thư  meyaom payua ka Binh nhì Quan Ngọc Hoàng, urang lin ngak bruk di Jabat Cảnh sát Pacang khuah, padam khuah saong Daong duah urang gaok bala tỉnh Tuyên Quang  ka bruk oh huac metai daong sumu 105 anek saih tabiak truh labik  ia sua. Dah page  29/6, di huyen Lâm Bình, tỉnh Tuyên Quang langik hajan khang. Sang bac THPT Lâm Bình lac sa dalam dom labik njauk ia dauk dalam abih, hu labik dalam labaih 2m. Abih di nyu, dalam ky tuc xa di sang bac hu rilo anek saih daok nội trú daok gar veik, mbuan ba tal metai lahik, jhak ka prein yawa meyah oh hu daong samar. Yaom lac dalam tuk padeih phép, Binh nhì Quan Ngọc Hoàng oh huac langik hajan khang, melam sup, jalan glut jaleik biak mbuan gaok bala, caluai ia tapa kraong ia nduac khang, samar tame labik piah daong ka anek saih.

Hội đồng Bộ trưởng Pháp harei kabroi (07/07) hu yaih khan cambaih laih taong abih pok jien yaom 20 tỷ euro piah langyah kan kandah  dahlau di abih lac patagok prein blei saong pacang jalan tagok di lạm phát tui kuhria tagok tal 5,8% dalam bilan 6 meng bloh. Rajaei Prang meda brei dui atah bruk patakik tagok yaom điện di tanut 4% saong dang veik yaom khí đốt mbiah tal bilan 10/2022. Yaom daong 18 cent ka yaok lít xang menyek jeng hu khik tal bilan 9, hadei di nan brei trun meneing tapa yaok bilan dahlau di tuk klaak abih di bilan 12/2022. Langiu di nan, jaik 12 triệu sang hu jien mek tame takik meda taduan hu 1 pok jien daong năng lượng meng 100 tal 300 euro.

Jabat Khik ramik jru tavao chau Âu (EMA) peih jalan ka dom janih vaccine pacang COVID-19 rai anak tal, dalam tuk hu rilo urang ruak njom mbak kayua dom janih anek ruak birau di biến thể Omicron. Cagar veik jalan sahaneng  di Jabat Khik ramik jru tavao chau Âu, Jabat Khik iek Pandap mbang saong  Jru tavao Mỹ (FDA) duah jalan ba dom chủng BA.4 saong  BA.5 birau jang  di biến thể Omicron tame mbang klauk jru birau  halei nan hu pandar dalam taneh ia.

Hadei di labaih 2 thun jit praong Covid, mbang camereip abih, palei  Mecca, labik ngak rukin haji di urang Islam hu peih pabah mbang veik. Bruk ini hu ba bui sambai ka dom urang Islam saong dom urang pablei salih. Dom mbang nao ngak rukun Haji hu ba jien tame rilo ka A-rập Xê-út. Dahlau di tuk jit praong rah tabiak, A-rập xê-út yaok thun duah hu 12 tỷ đô la meng bruk ngak rukun Haji di dom urang Islam./.

Urang lang: M. Phuong & Bhumi – 08/07