Ramik veik yaom xăng menyek tui jalan lac 10 harei sa mbang

Thủ tướng Rajaei Phạm Minh Chính bahrau mbaoh tangin brei tabiak Công điện ka 679/CĐ-TTg harei 31/7/2022 ka bruk patagok dom jalan khik ramik, ba tabiak yaom kaom. Dalam nan, Thủ tướng ieu pasang iek yaom pandap panda, dịch vụ hadei di tuk xăng manyek trun khang saong njauk tani tanat yaom kaom, oh caik rahtabiak bruk kurang pandap, khik piah pandap, padauk pandap piah tagok yaom.

Dalam bruk hu pagam tal, beir harei ni 1/8, dua mintri Công Thương – song jien padai brei thau bruk rimik veik yaom xăng menyek tui jalan lac 10 harei sa mbang Yaom xăng meda trun mbang ka 4 gam gam, min, kan trun dalam, kayua yaom menyek di dunya jiak di ni nyu tagok veik, hadei di tuk Mỹ tagok khang yaom jien jhung

Meng harei ini hu rilo sarak bahrau hu ba tame pandar, pambak tapak tal raidiuk di bhap bini, dalam nan, Sarak ka 45/2022/NĐ-CP, hu pandar meng harei 25/8, tabiak adat lac taong abih dom baoh sang, manuac urang oh neh rabha hareik khang dalam sinh hoạt, oh pandar kadung caik hareik khang tui adat meda njauk phat jien meng 500.000 - 1 triệu đồng. Bruk ini piah patrun trak damak ka dom labik langyah nerak saong daong khik alam môi trường, plaik palai pajoa hareik hareim.

Meng mon 12 melam bloh, taong abih dom jalan nduac samar dalam taneh ia jeng hu pandar bruk mek jien tự động oh padeih. Kayua tuk camereip peih ngak oh ka samu gauk, nan ye, mesup ni, di dom labik thu phí rah tabiak bruk gar jalan trak, abih di nyu nan lac jalan nduac samar ban raya Hồ Chí Minh- Long Thành. Makna lac kayua urak ni jeng dok hu meng 30-40% radaih peih di angaok jalan nduac samar oh ka tuah thẻ ETC. Dom radaih ni, brei padeih, piah ngak dom harak gar tuah thẻ, ba tal pacang veik dom radaih hu thẻ dahlau di nan, ngak brei gar radaih. Bruk ni, hu kuhria mboh lac dok dui atah dalam dom harei tal.

Tui Phó akaok UBND xã Xuân Phú (H.Xuân Lộc, tỉnh Đồng Nai), dalam xã hu 128 baoh sang njauk mek veik taneh piah duh ka danak dak, jaik meteh dom dom baoh sang ini lac baoh sang bangsa takik. Tapa pathau khan, jak ba saong daong dom bruk pambuak tal, mikva bangsa takik jeng pachreih tui saong ngak njauk bruk mek veik taneh, biyar jien, rami ramik labik tái định cư piah ba mbuan lagaih ka dom danak dak peih ngak.

Sa harei hadei di tuk bang New York (Mỹ) tabiak bruk samar drah, ban New York jeng tabiak bruk samar drah gah y tế công kayua ruak đậu mùa khỉ njom mbak di ban ni. Tui harak khan brei thau harei 30/7 di Thị trưởng ban New York Eric Adams: New York urak ni, lac pasak hu labaih 150.000 rahra mbuan si njom ruak đậu mùa khỉ.

Thổ Nhĩ Kỳ brei thau lac sa sruh gilai pajeng ngũ cốc camriep abih meda tabiak truh pabah lamge Odessa di Ukraine harei ini (01/08). Dom kuhri kuhria di Liên Hợp Quốc brei mboh lac jaik 50 triệu urang daok dang anak bruk kurang pandap mbang di dunya kayua mai meng bruk mesuh gauk di Nga - Ukraine. Yaom lúa mì trun khang dom mon hadei di tuk thỏa thuận ngũ cốc hu mbaoh tangin di dom gah di Thổ Nhĩ Kỳ. Sa dalam klau binah lúa mì pabak ka dunya lac meng Nga saong Ukraine.

Pasak Khí tượng pakat negar Trung Quốc daok tabiak tanut cảnh báo sambo katam ka nhiệt độ glong tuk sa mbang pandiak khang daok dui atah di rilo bhum palei di taneh ia ni.Tui kuhria mboh dahlau, dalam harei ni, dom labik Tân Cương, Thiểm Tây, Hồ Bắc, Hồ Nam, Tứ Xuyên, Trùng Khánh, Quảng Đông, Quảng Tây, Chiết Giang song Phúc Kiến hu nhiệt độ tagok tal labaih 35 độ C, nhiệt độ di dom labik dalam Tứ Xuyên song Trùng Khánh meda yam tapa 40 độ C. Dalam bruk cảnh báo ka langik tasik hu 4 cấp độ, hu mã hóa meng sambo màu, ye sambo meriak brei mboh ka langik jhak di abih, patui di nan lac sambo kanyik, katam song hajao./.

Urang lang: Hani Pha & Thu Thảo – 01/08