Mbang ginum biai hu peih ngak dalam prong prang 

Dalam harei ngak bruk ka dua di Mbang nyaom ka 4, QH mbang XV, harei ini 21/10, QH palih ruah Tổng Kiểm toán karja vaktu 2021-2026; mbaoh harak brei pabak urang ngak Akok mentri Y tế  saong Akok Mentri Jalan mbak pajeng ba vaktu 2021-2026. Sa asar kadha hu makna praong veik di mbang nyaom harei ini lac QH pang Harak pathau khan ka dự thảo Sarak di QH ka vaktu langyah kỷ luật ngan haong urang jakar, công chức, viên chức. Bruk ba tabiak Sarak nan hu makna biak praong kayua tukvak tapa hu dom urang njauk kỷ luật Đảng min tapa langyah kỷ luật hành chính, dom jabat brei panuac oh langyah kỷ luật kayua abih tukvak brei ngak tui bruk ba tabiak kaoh tui hukum.

Tui Sở Công thương ban raya HCM, yaom lac dok rilo kan kandah, min, ban raya dok kham merat song dom DN khik ginup pandap pablei ka drak pasa, khik ka bhap bini oh kurang  xăng menyek. Anak panuac brei thau di báo chí ka bruk dom labik kurang xăng, Phaok Yam ndok Sở Công thương Lê Huỳnh Minh Tú brei thau, ini tok lac bruk di dom labik min song rah tabiak di  cửa hàng tư nhân. Ngan saong doanh nghiệp praong ye bruk pabak hu tani tanat kayua urang hu labik khik piah  song jalan pajeng ba.

 3/ Dom janih pandap ngak meng ikan pra palei tabiak negar langiu daok gaok rilo kan kandah, yaom tagok yau nan ye bruk raong kaya ikan ini di bhum taneran kraong Cuu Long daok peih praong. Urak ini, ikan pra tagok meng 35 ribau đồng tal jaik 50 ribau đồng sa kilo, tagok jaik 10% dut saong bilan dahlau. Min, ikan pajaih oh ralo, yau nan ye urang raong ikan pra biak kan blei hu ginup iakn pajaih. Tui Tổng cục Kaya ikan dalam ia, danao raong ikan pra pajaih  di bhum taneran kraong Cuu Long yaok thun sumu labaih 6.000 ha, rilo abih di dom tỉnh Long An, Đồng Tháp, Tiền Giang, An Giang.    

Piah duh ka bruk pasang iek,  duah thau, Công an TP.HCM hu panuac ieu  Sở Tài nguyên song  Môi trường ban raya  rà pasang iek, brei thau ka 156 sang danaok,  taneh riya  pambuak tal Vạn Thịnh Phát hu asal atau oh hu asal di karja. Dahlai d inan, harei 8/10, Gah Cảnh sát điều tra, Mintri Công an hu khởi tố, chap kreh  muk  Trương Mỹ Lan – akaok Tập đoàn Vạn Thịnh Phát piah duah thau ka duas “pasot blah mek drap ar”. Gam chap kreh song muk  Trương Mỹ Lan dok hu 3 urang karei.       

Sở Ilamu, The thao saong Dulich ban Cần Thơ birau peih nyaom xúc tiến, yaih khan dulich “Cần Thơ - đô thị bhum kraong ribaong” di Hà Nội. Nyaom pataom piah yaih khan pambak praong thaot binguk dulich Cần Thơ, pamaong tal dom darak pasar praong, pambuak saong ba tame pandar duh ka tuai dulich di labik bhum gah Barak saong Bhum taneran kraong Cuu Long abih di nyu lac Hà Nội. Tapa nan ba tame pandar, patagok jak jeng di jalan kapal haok Cần Thơ - Hà Nội. Nyaom pataom ba mbuan lagaih piah ka dom D.N dulich brei thau khaw tin, yaih khan dom pandap kaya, dịch vụ dulich, pambuak tour ba tuai; duah gah pambuak, mbaoh tangin tame pambuak bruk, pambuak bruk patagok gah dulich Cần Thơ saong bhum Bắc Bộ.

Dalam kadha ndom puac anak labik ka 10 jalan Downing harei 20/10, Thủ tướng Anh Liz Truss khan lac, muk padeih ngak akaok đảng Bảo thủ hadei di  6 adit tagok ngak, gam song nan brei thau urang  patui bruk di muk  hu palih ruah pok ngak di puac adit tal. Dalam kadha ndom puac di drei , muk Truss ndom lac: "Dahlak mboh lac, kayua bruk di urak ni, hulin oh daok ngak hu bruk bo đảng Bảo thủ pok ngak. Kayua yau nan ye, hulin hu pathau khan haong Patao ka bruk padeih pal akaok đảng".

Taliban bahrau ini kapauk sa urang vak mbao negar langiu mai Afghanistan kayua urang ini ba tin ndem puac pambak tal bruk Afghanistan njauk mesruh metak palai tayah. Kapul Dunya dom urang ngak báo (IFJ) hu panuac ka bruk Taliban brei takik nao mai ngan haong dom urang vak mbao mai rivang    Ca-bun saong khan lac bruk nan pacang caga  bruk tự do ndem biai saong “kateik greih truyền thông dunya”. Tui Gah Tui iek Nhân quyền, Taliban parilo mbang pacang brei takik dom gah truyen thong saong dom urang vak mbao taneh ia  ini brei thau urak ini biak kan piah ba tin meng Afghanistan.

Beir harei 19/10, tabung Sang megik praong di gah brak Jakarta, pasak roh duah Islam prong abih di ban ine Indonesia nyu khuah tuk dom urang ngak daok ngak veik tabung ni. Tui duah thau tuk camereip, dom urang ngak pandar  menyek am  piah am sre pandap pabak ka  bruk  caik kayau di tabung. Tuk daok ngak, apui meng menyek am prah tabiak  ba tal khuah./.

Urang lang: Hanipha- Ái Nghiêm -21/10