Abih tih dom danak dak jalan nduac samar daok padang ngak lac labaih 1.700 km di grauk labik dalam taneh ia, meng dom danak dak jalan nduac samar di gah barak – maraong, dom danak dak pambuak tui gah Đông - Tây, pambuak bhum Tây Bắc, Tây Nguyên. Dalam nan, hu labaih 1.200 km tui kuhria meda ngak salah di thun 2025.

Tỉnh Trà Vinh daok kuhria pala jaik 72.000 ha; dalam nan hu 71.000 ha padai Thu Đông 2024 saong 925 ha lúa Mùa. Bilan Thu Đông brei trun pajaih meng harei 5/8 tal harei 30/9, pataom tame 2 mbang praong. Gah palei pala Trà Vinh kakei urang ngak nong  ngak njauk tukvak trun pajaih piah caga dom bruk langik tasik oh lagaih yau ye hajan, rabuk, ia ndik tagaok glaong, saong piah patrun khat lahik kayua jit ruak, halak halin palai kaik. Gam haong nan hu kakei lac, tui bruk di palei bo meda trun pajaih ka nyu lagaih haong yaok labik, min brei ngak samu gauk di yaok mblang hamu.

Halak akaok jhuk daok tamuh khang di bein li-u tỉnh Tiền Giang. Tui So Ngak nong saong patagok palei pala tỉnh, jit ruak halak akaok jhuk daok rahtabiak rilo di huyện Chợ Gạo ngan haong abih tih mblang taneh praong 211ha li-u njauk njom ruak, dom xa hu bein li-u njom ruak biak trak, meng 70% tal 100%. Dalam nan, dom mblang taneh pala li-u njom ruak trak oh daok prein pasiam veik hu. Gah ngak nong kakei po bein njauk pandar dom jalan ngak gah hoa hoc piah samar drah pacang caga samu blaoh meng patui veik pandar dom jalan ngak sinh hoc yau danko ký sinh.

3.000 drei lamo ia tasau di 2 huyện Đơn Dương, Đức Trọng dalam tỉnh Lâm Đồng daok klaak mbang, aih craoh tabiak darah, dalam nan hu labaih 100 drei matai, ngak ka urang raong biak duh hatai. Urang raong brei thau cambaih bruk tapon limo jien tỷ njauk ruak hadei di tuk klauk vắc-xin pacang ruak viêm klik, ndon baoh. Karja palei jeng daok duah thau makna ba tal ruak saong jalan taong ruak. Hu thau, tỉnh Lâm Đồng peih bruk klauk vắc-xin pacang ruak ka tapon lamo ia tasau di 2 huyện ini, abih tih lac mangaok 10.000 mbang vắc-xin. Vắc-xin kayua Cty jru thú y Trung ương NAVETCO (jabat daok di tỉnh Bình Dương) njauk thầu saong pabak brei

Dalam dom harei tapa, hajan khang dui atah ngak kan kandah tal bruk yuak padai Hè Thu pak tỉnh Sóc Trăng. Min pabak veik lac yaom pablei glaong nan ye jaik abih urang ngak nong jeng hu laba jang meng 20-30%.  Pagap yau di Hợp tác xã Tân Lộc Thành, ban sit Ngã Năm urak ini yuak hu blaoh jaik 300ha, padai mek hu labaih 55 tấn/ha. Yaom padai urang kak kaiy mai blei di pak hamu lac meng 7.600 - 7.800 đồng/kg, kaoh tabiak dom phun jien buh tame, urang ngak nong hu laba meng 35 triệu đồng tagok yaok ha.. Tui bruk di anak mata, yaom padai urak ini tui kuhria tagok hasit meng 25 - 225 đồng/kg. Tui yaom padai yau urak ini, urang ngak nong hu laba jang  meng 20-30% dut saong tukvak ini di thun blaoh.

Tổng thống Venezuela Nicolas Maduro hu mbaoh tangin tame sa sắc lệnh samar drah piah pacang mạng xã hội X dalam 10 harei tal. Tui panuac khan meng rajaei, bruk pacang mạng xã hội X lac bruk njauk ngak piah khik caga sron mbon taneh ia saong pacang cakak bruk pambak tabiak khau tin oh njauk meda ba tal srau kadau dalam rahra”. Min bruk ngak ini gaok njauk panuac cagar veik biak khang meng dom gah nhân quyền saong dom menuac ngak gah quyền anek menuac, ndom lac bruk ini, lac sa bruk kateik greik tự do ndom puac saong patrun patakik quyền truy cập thông tin di rahra.

Australia saong New Zealand brei thau pok jien daong 42,6 triệu AUD ka danak dak padang ngak bilik khik piah pandap panda daong pacang bala di 14 taneh ia daok dalam bhum Thái Bình Dương saong Timor Leste. Paok jien ini meda hu pandar piah blei pandap panda daong khik piah dalam kho piah caga pajeng ba tal dom labik daok njauk bala dalam 48 maong. Dalam tuk dom bala langik tasik dak harei dak hu rilo di Thái Bình Dương dalam tuk dom kan kandah di bruk biến đổi khí hậu dak harei dak mboh cambaih laic, danak dak ini meda ba Australia saong New Zealand gam haong dom taneh ia karei daong ka bhum taneh pacang caga haong bala.

Quốc hội Iraq bahrau peih mbang bac camereip abih ka dom salih bahrau hu ba tabiak ka sa hukum brei adat anek naih kamei hu tok pasang dahlau di umo 15 thun. Meyah hu brei tapa,  dự luật pasaim veik nan hu brei adat ka urang Iraq pilih ruah ngak tui dom hukum agama piah khik ramik dom bruk pambuak tal lakhah caga saong baoh sang. Abih di nyu lac, hukum salih bahrau hu brei bruk ka dom ong hakim ong Imam ngak dom adat lakhah caga langiu adat hukum karja ka dom uraniah. Dom menuac gah jak ba quyền anek menuac jeng mboh lac, dự luật meda ngak brei klah rabha jang dom gah, dom kapul nyaom./.