Dalam thun bac 2022-2023, tui kuhria di ban raya HCM tagok rilo jang 21.800 anek saih

Piah ka yaok uranaih hu sambai ma-in Tết Trung thu thun 2022, Mentri LĐ, TB saong XH hu panuac ieu UB bhap bini dom tỉnh, ban di Trung ương tacei pato dom sở, dom gah saong dom pakat brei parabha jien, jak ba dom kapol, urang rik jien, nao rivang, alin pandap Trung thu ka uranaih; sangka tal uranaih hu radiuk kan kandah, uranaih sang kan kathaot, uranaih bhum bangsa takik, bhum atah bayah, bhum taphia negar, kaoh pulao, uranaih metui saong uranaih gaok kan kandah kayua jit COVID-19.

Dalam thun bac 2022-2023, tui kuhria di ban raya HCM tagok rilo jang 21.800 anek saih. Bruk tagok rilo anek saih nan, hu rilo di ban TP.Thủ Đức, Quận 12, Bình Tân, dom huyện Hóc Môn saong Bình Chánh, kayua dom labik ini hu bruk đô thị hoá samar, hu rilo labik ngak kong. Urak ini, ban raya HCM jeng daok kurang gru pato, abih di nyu lac gru pato sap Anh haong Tin học di dom quận, huyện bhum langiu ban yau ye Bình Chánh, Hóc Môn, Củ Chi, Cần Giờ, Nhà Bè.

Di tỉnh Bình Dương, kayua anek saih tagok samar ba tal bruk kurang gru pato, kateik trak tagok gah pato megru. Ong Nguyễn Văn Phong – Phaok Yam ndoc Sở Pato megru tỉnh brei thua, meng pakat mầm non tal THCS daok kurang 3 ribau gru pato. Langiu di nan, daok kurang 538urang jakar ngak bruk karei di gah pato megru. Meng kaok thun 2021 tal bilan 4/2022, gah pato megru hu 527 gru pato  padeih bruk. Sở Pato megru Bình Dương daok palih ruak gru pato tame;  tui nan padang ngak bruk meng ini tal thun 2025 brei pato pakai 1.200 gru pato.

Piah hu jalan tham mưu, pok tagok UB bhap bini tỉnh Kiên Giang haong Mintri Padang ngak taong yaom Đồ án quy hoạch ban Phú Quốc tal thun 2040, UB bhap bini ban Phú Quốc daok peih bruk pataom mek panuac di dom jabat, kapul nyaom, menuac urang saong bol bhap rahra ka đồ án quy hoạch. Bruk quy hoạch ban Phú Quốc tal thun 2040 lac di taong abih mbaok taneh praong 589,27km2 gam haong 2 phường Dương Đông, An Thới saong 7 xã lac: Cửa Cạn, Gành Dầu, Bãi Thơm, Hàm Ninh, Cửa Dương, Dương Tơ haong Thổ Châu. Daok mbaok tasik hu tacei tabiak dalam tuk padang đồ án saong tui ranh giới khik caga takai tasik di labik padang quy hoạch tui njauk adat hukum.

Di tỉnh Bến Tre urak ini hu labaih 130 ha brein la-u ruak halak akok juk palai. Tukvak tapa, dom gah chuyen mon hu daong ka po bein pacang caga hala akaok juk meng rilo jalan ngak yau: pruh jru, palao dom janih dako di phun min oh hu siam lagaih. Urak ini halak kok juk  palai kaik la-u njom mbak tapa rilo tỉnh karei di Bhum taneran kraong Cuu Long. Rajaei, dom gah chức năng  saong urang ngak nong dom tỉnh nan daok samar pacang caga halak akok juk piah khik caga bein la-u.

Mintri Ngoại giao Nga ndom lac dom bruk taong tame di gah Ukraine pamaong tame sang mac điện hạt nhân Zaporizhzhya lac bruk “khủng bố hạt nhân” saong mbuan ba tal rilo bala. Phaok Yam ndok Vụ Thông tin saong Báo chí di Mintri Ngoại giao Nga hu panuac lac, dom bruk taong tame sang mac điện hạt nhân oh njauk lac ngak khat lahik gah kinh tế saoh, bo meda ba tal sa bala hạt nhân praong jang rilo duk haong bala di sang mac điện hạt nhân Chernobyl dahlau daih.

Pasak kuhria mboh dahlau bruk langik tasik pakat negar Trung Quốc daok tabiak bruk brei thau dahlau di tanut sambo màu kanyik, lac tanut glong ka 2 dalam 4 pakat pandiak glong tuk langik pandiak dui atah di rilo tỉnh ban. Dalam 10 harei anak tal, Thượng Hải kuhria mboh dahlau meda pandiak catang gac ngan haong nhiệt labaih 37 độ C, tabung glong tal gok tal 40 -41 độ C. Pasak kuhria mboh dahlau langik tasik kakei bhap bini palik njiak dom bruk ngak langiu tuk langik pandiak catang.

Ia patau di Nam Cực daok ralai samar jang tui kuhria. Kadha trak damak lac dom candaih ia patau praong oh lac lapih nao bo dom kraong ia patau tapen Nam Cực jeng daok klaoh tabiak, daok laik trun ia ngak ka dom ia patau di Nam Cực daok trun samar jang 2 mbang duk haong dahlau daih. Tui jabat Hàng không - Vũ trụ Mỹ (NASA), dom ia patau laik trun meng dom kraong ia patau dalam 1/4 abap tapa samu haong 37 rabau km vuông, jaik samu mbaok taneh di Thụy Sỹ. Kayua yau nan ye, NASA tabiak panuac lac, meyah oh ngak brei suai veik bruk pandiak tagok di baoh taneh, trun bruk tathuak tabiak dom khí ba tal hiệu ứng sang camin, ye dalam dom abap tal, ia tasik meda tagok glaong jang dom mét./.

Urang lang: M. Phuong & Bhumi – 13/08