Urang ngak hu blei sang dok xa hoi dalam tuk vak anak tal 

4 bilan akaok thun ini, ikan pra pablei tabiak negar langiu mek hu jaik 900 triệu USD, tagok labaih 89% dut saong tukvak ini thun 2021. Tui Kapul Chế biến saong pablei tabiak negar langiu kaya ikan Việt Nam, hadei di tuk yaom ikan pra di bhum taneran kraong Cửu Long tagok glaong abih di puac bilan 1-2022, yaom pablei tabiak negar langiu ikan pra phi lê caik laar jeng tagok khang. Yaom lac darak pasa ikan pra di dunya mboh daok siam tagok, đơn hàng jeng tagok min ikan tamo piah ngak daok kurang. Tui kuhria bruk kurang ikan tamo meda daok dui atah tal puac quý 2 ini.

Dalam thun ni, tỉnh Long An peih ngak danak dak patagok sang dok ngan song mblang taneh tagok rilo jang labaih 6,8 triệu m2. Dalam nan, tui kuhria hu labaih  60.500 boh sang hu padang ngak, dalam nan hu : sang pablei salih; sang dok  xã hội; sang dok ka urang ngak; sang  tái định cư. UBND tỉnh Long An hu panuac ieu Sở Padang ngak song dom  jabat pagam tal, jhul samar bruk padang ngak, mboh tangin brei ngak quy hoạch, ba tabiak brei thau dom đồ án ka bruk quy hoạch hu mbaoh tangin tame bloh, piah palagaih ka bhap bini  padang ngak sang dok tui njauk bruk ba tabiak.

Ar pacang glut jaleih takai kraong Tiền di xã Bình Thành, huyện Thanh Bình, tỉnh Đồng Tháp hu buh tame ngak jaik 100 tỷ đồng yaom lac ka oh abih tukvak bảo hành min nyu daok glut jaleih. Bruk glut jaleih bahrau abih rahtabiak di harei 4/4 meng blaoh ngak ka labik tabung ar glut tame, mblieng labaih 60m, mbaok ar njauk khut tayah biak trak. Urang par akaok tỉnh Đồng Tháp hu pato tacei dom kapul hu pambuak tal samar drah ngak pasiam.

UBND tỉnh Cà Mau brei klaak sang iek ruak dã chiến ka 1 kayua jit  COVID-19 hu trun khang. Gam song nan, meng harei ni tỉnh brei padeih bruk di labaih 100 bilac  y tế nao mai. Tuk vak tapa, Bilac y tế nao mai  hu patagok biak siam, lac  “gah tangin pambuak atah” biak khang di jabat  chức năng Cà Mau dalam bruk pacang caga jit Covid-19.

Harei pataom Du lịch TPHCM mbang ka 18 thun 2022 meda hu peih tabiak meng harei 14.5 tal 17.5  di Mblang bein Lê Văn Tám (Quận 1) ngan haong asal kadha “Sống động từng trải nghiệm”. Tui kuhria meda hu labaih 100 kapul di labaih 50 tỉnh, ban ngak mbang gah vụ du lịch saong 11 nhà hàng, dom hãng kapar haoh gam hu mbaok tame. Harei pataom ini piah pasiam veik, ngak jeng suan yava bahrau ka du lịch dalam taneh ia saong jeng lac sa bruk mbeik drei piah palagaih hadei di tuk njauk kan kandah di jit ruak COVID-19.

Thủ tướng Hungary hu panuac lac negar ni  song Liên minh châu Âu (EU) oh ka kuhria batabiak bruk  pakauh menyek meng  Nga. Dom jalan tong  phạt brei hu tapa dalam tuk vak bo tong abih dom bruk praong hu pabak di tong abih dom taneh ia  thành viên. Dahlau di nan, Liên minh châu Âu dok caga batabiak bruk tong phạt mbang ka  6 cagar veik Nga, dalam nan hu bruk lac, dom taneh ia  EU oh blei tame menyek tamo  di  Nga dalam 6 bilan song blei tame dom pandap meng xăng menyek dalam thun 2023.

Amuk Juliane Kokott, Tổng biện hộ di Tòa án Công lý châu Âu, brei thau, dom Rajaei EU meda njauk trách nhiệm mayah oh pabak hu dom sanya ka chất lượng không khí. Panuac ini hu ba tabiak hadei di tuk rahra Paris ieu Rajaei France biyar 21 triệu Euro, kayua mboh lac bruk tachrauk nerak alam langik tasik dak harei dak tagok di ban ine di France nyu ngak kan kandah tal prein yava di urang ini.

Sa nyaom roh duah di sang bac Đại học Tôn Trung Sơn, Đài Loan (Trung Quốc) brei thau, dom asar katak biak sit hu duah mboh dalam dom  pandap ikan thu  di grauk châu Á. Nyaom nan hu  roh duah 14 lô ikan thu tasik  meng  7 taneh ia, labik châu Á piah pasang iek dom janih ikn thu  dok njauk nerak yau habar  kayua asar katak biak sit. Tapa nan mboh lac dom bhum tasik Đông Bắc Á taom dar Japon lac labik pandiak di bruk ô nhiễm kayua asar katak sit. Nyaom roh duah brei thau, brei hu  rilo roh duah jang piah tong yaom bruk di anak meta tal pren yava di menuac urang, meyah mbang njauk dom janih ikan thu njom katak sit./.

Urang lang: Hanipha- Thu Thảo -7/5