Urang gaok kan kandah hu dong brei tapak 

UBND TPHCM hu harak samar drah pathau khan Thủ tướng rajaei sanya tukvak peih phun jien buh tame ngak danak dak padang ngak jalan Vành đai 3 TPHCM. Dalam nan, bruk bayar jien, daong labik daok bahrau brei peih ngak meng quý III tal, saong ngak salah di quý II thun 2024, tui kuhria meda padang ngak salah taong abih danak dak di thun 2026. Daok bruk peih brei phun jien meng kadung jien karja vaktu 2021-2025 lac 61.056 tỷ đồng. UBND TPHCM saong dom tỉnh pambuak tal jeng njauk gauk pok panuac tagok Thủ tướng pasang iek, brei rami ramik phun jien meng kadung jien karja brei ka danak dak njauk tukvak ba tabiak. 

Ngak bruk haong tỉnh Đồng Nai ka bruk peih mbaok taneh piah ngak danak dak mblang kapal haok Long Thành, Thứ trưởng Mintri Jalan mbak Pajeng ba Lê Anh Tuấn brei panuac lac: Gah chức năng Đồng Nai njauk jhul samar bruk panduan ba dom sang bhap bini, khik hu bruk jao abih mbaok taneh vaktu 1 mblang kapal haok Long Thành ka po đầu tư di puac bilan 4 ini. Meyah ngak hu bruk ini, ye bruk peih mbaok taneh brei ka bruk padang ngak mblang kapal haok Long Thành hu jak jeng praong.

Dalam tỉnh Đồng Tháp hu 319 ribau mbang urang gaok kan kandah kayua jit Covid-19 hu daong tui Sarak 68 di Rajaei, ngan saong yaom jien abih tih labaih 550 tỷ đồng. Piah ka bruk ini daong hu siam lagaih, Đồng Tháp brei pasang iek tapa bruk Mban Thường trực Ủy ban Mặt trận Negar dom huyen, ban pathau khan samar yaok harei; tapa laik phone pandiak di Akok UBMT Negar Viet Nam dom pakat, tapa zalo khaw tin nội bộ, tapa panuac brei thau di Tổng đài 1022. Mbiah tal ini oh mboh thei yah bah ka bruk daong ini.

Yaom lac daok tame bilan paik mek pa-ok blait, min bilan pa-ok blait thun ini, urang ngak nong di Bà Rịa Vũng Tàu laik tame bruk mek jien tame hu biak takik, tuk yaom pa-ok blait daok 5.000-6.000 đồng sa kg. Kayua yaom pa-ok blait gam gam laik yaom nan ye dom thun jaik di ini rilo sang pala pa-ok blait daok kaoh klaak meneing bein pa-ok blait piah pala dom janih phun karei.

Dalam dom bruk di Nyaom pataom mbao pakat negar 2022 daok peih tabiak di H.Noi, di labik parang iek Rayo sap ndem Viet Nam ( VOV) hu rah tabiak danak dak angui cuk khan ao dom bangsa Viet Nam kayua dom urang vak, bien tap mai meng 13 sap bangsa di 6 jabat rayo dalam negar parang iek. Hu biak ralo sambo mau bingula meng dom blah khan ao bangsa takik bo dom urang bien tap angui cuk ndung bak ilamu biak siam gheih karei, hu ba mai brei ka urang tuai maong iek hu mbaok Nyaom pataom mbao thau rilo jang. Tamat danak dak, bruk parang iek angui cuk khan ao bangsa Cam di dom urang bien tap di jabat VOV Ban raya HCM mek hu giải klauk.

Mintri Ngoại giao Nga meda brei thau bruk taong phạt pamaong tame 398 urang di Quốc hội Mỹ saong 87 urang di Thượng viện Canada.  Ini hu maong lac bruk cagar veik bahrau abih di Nga hadei di tuk Mỹ gam gam ba tabiak bruk taong phạt taneh ia ini.

Hajan praong dui atah rilo harei tapa di Nam Phi ba tal ia sua dauk biak trak ngak brei labaih 300 urang metai. Tổng tống Nam Phi lac mbang ribuk ia sua ini lac bala trak, saong hu panuac sanya kham merat pacang bala meng langik tasik jeng yau brei daong dom urang gaok kan kandah.

Tui roh duah bahrau abih di dom urang ilamu negar Japon brei mboh lac, mbang klauk vaccine caga COVID-19 mbang ka 3 jeng daok hu siam lagaih dalam 3 bilan hadei meng klauk blaoh. Roh duah brei thau, yaom lac dom kháng thể trun daok jaik meteh dalam tukvak 3 bilan min jeng daok di tanut glaong saong nan ye, vaccine jeng daok hu prein siam khik caga anak virus SARS-CoV-2./.

Urang lang; Ái Nghiêm -Mousaphuong -14/4