Mbang ka 6, Quoc hoi mbang XV hu peih tabiak di harei 23/10 anak tal, tui kuhria dahlau meda tamat di harei 29/11, hu peih ngak jeng 2 mbang. Taong abih tukvak ngak bruk lababaih 22 harei meteh. Mbang nyaom ka 6 QH brei langyah, khan tapa 9 danak dak hukum, sa dự thảo sarak, gam brei langyah 8 danak dak karei. Lac mbang nyaom puac thun saong kreh nhiem ky, di mbang nyaom ini, QH hu ngak rilo bruk biak praong, rilo asar kadha hu makna dalam, caong khin brei hu asar siam, ngak samar, rik tame khik ramik ngak brei salah bruk ba tabiak dalam taktu ngak bruk.

Dalam tỉnh Tiền Giang urak ini hu 189 HTX ngak nong, samu 71% dom HTX dalam tỉnh; dalam nan hu 13 HTX padeih ngak bruk. Abih tih phun jien ngak bruk di dom HTX ngak nong lac jaik 190 tỷ đồng. Dom HTX ngak nong tagok samar min bruk ngak oh ka tani tanat saong khang kajap. Njauk caik hatai lac bruk pambuak gauk di HTX haong dom gah pambuak gauk dalam chuỗi giá trị kaya nong oh ka biak biai khang kajap, yaom pandap ka oh glaong, rilo HTX hadei di tuk padang tagok, ngak bruk takik kein laba nan ye padeih ngak, dom puk palei padang HTX tui jalan mblah tui gauk, nduac tui tiêu chí...

Meng harei 27 tal 29/10 anak tal, di TPHCM meda peih tabiak Adit pandap OCOP saong pandap kaya bingi karei di bhum palei thun 2023. Ini lac mbang akok meti hu peih ngak bruk nan hu mbaok di 38 tỉnh, ban di 5 bhum hu mbaoh tangin sanya pambuak bruk kinh te - xa hoi TPHCM. Dalam nan pataom hu 439 D.N ngan haong jaik 1.200 pandap hu ba tame, hu 756 pandap OCOP mek hu meng 3 tal 5 patuk. Ta-eng Ban raya HCM hu 20 D.N, po pandap OCOP ngan haong 80 pandap hu mbaok tame. Bruk nan piah jhul pasamar jang bruk cak rok patagok kinh te so saong daong dom pandap OCOP.

Dalam 1 bilan tapa, urang nong tỉnh Hậu Giang bui sambai tuk yaom ikan salat hu urang mai blei haong yaom 75.000-80.000/kg. Ikan salat lac 1 dalam 5 janih kaya nong praong di Hậu Giang, dalam tỉnh hu labaih 70ha raong ikan salat. Tukvak tapa, gah ngak kong tỉnh hu padang rilo bruk raong kaya ikan lagaih haong puk palei saong hu kein laba glaong, dalam nan hu ikan salat. Rilo sang urang nong hu mbaok tame kapul pambuak bruk, HTX raong ikan salat saong hu rilo HTX hu ngak meng bruk raong ikan pajaih, pabak padap mbang raong ikan ka dom xã viên, duah labik pablei tani tanat

Kayua langik hajan praong, 3 urang daok di xã Tân Thuận, huyện Vĩnh Thuận, tỉnh Kiên Giang nao ngak hamu daok pandaok ala phun, cang njuk pruh ia tame hamu ye cala klaak ba tal 1 urang metai chip, 2 urang hu paklak bala. Rajaei bhum palei hu mai rivang urang gaok bala, camreip hu daong 5 ,5 trieu đồng ka urang plang lahik. Ong Võ Hoàng Nguyên, Chánh Văn phòng Mban Chỉ huy pacang caga bala meng langik tasik, duah daong urang gaok bala saong pacang dân sự huyện Vĩnh Thuận kakei dahlau, urak ini langik biak sraw kadau, mikva nao tabiak mblang hamu atau tabiak jalan mboh langik hajn jhuk ye samar mai veik sang danaok, juai daok ala phun kayau praong biak mbuan gaok bala.

Thủ tướng Thái Lan Srettha Thavisin hu tacei dom jabat karja blei radaih điện piah salih ka dom radaih ô tô klak, ieu brei padang rilo jang dom bilai sạc điện dalam taneh ia saong ba tabiak dom pok bảo hiểm haong yaom mbiah ka radaih điện. Tacei pato ini daok dalam bruk praong di Rajaei Thái Lan piah jhul khang bruk pandar dom radaih nao mai “hijao”, meng nan daong patrun patakik khí CO2 tathuak tabiak saong ba Thái Lan jeng pasak ngak radaih điện haong phụ tùng radaih điện dalam bhum. 

Liên minh châu Âu (EU) khan brei thau peih bruk pasang iek ngan haong mạng xã hội Facebook saong TikTok piah ngak cambaic laic dom jalan bo dom mạng nan peih ngak piah pacang cakak bruk pambak dom asar kadha saong khaw tin oh njauk pambak tal bruk mesruh gauk di phong trào Hồi giáo Hamas saong Israel. Dalam panuac payua tal Tik Tok, UB chau Au jeng caong khin hu thau jang ka bruk mạng xã hội nan brei ngak tui bruk ba tabiak ka bruk khik iek uranaih angak mạng. Adit dahlau, EU jeng hu peih bruk pasang iek langyah dreih yau nan ngan haong mạng xa hội X, dahlau diah lac Twitter.

Mbang hajan ia sua dui atah meng kreh bilan 9 tal ini daok ngak brei rilo khat lahik, ngak kan kandah tal 12 dalam abih tih 25 tỉnh, thành di Campuchia, ngak brei 4 urang matai, ngak kan kandah tal labaih 58.000 baoh sang. Ini lac mbang hajan ia sua ka 3 kuhria meng bilan hajan tal ini di Campuchia. Dalam nan, mbang hajan ia sua di bilan 8 ngak kan kandah tal labaih 20.000 baoh sang, ngak brei 4 urang matai, khut yaok pluh rabau hecta phun pala saong rilo jalan mbak, cơ sở hạ tầng.