Tuai mai rivang main di dom labik du lịch biak rilo hadei di rilo bilan joa lange kayua jit COVID-19

Pasang iek labik ngak, pachreih ba urang ngak di danak dak jalan radaih peih samar Mỹ Thuận – Cần Thơ saong labik padang ngak tatua Mỹ Thuận 2 di biar harei kabroi 6/2, Thủ tướng Rajaei Phạm Minh Chính hu pok meyaom, pachreih ba urang jakar, urang ngak, urang ky thuat daok ngak bruk di dua danak dak nan. Gam haong nan, Thủ tướng hu panuac ieu dom gah salih jalan padang ngak piah jhul samar bruk ngak; bhian pasang iek piah ngak hu siam, khik brei salamat dalam tuk ngak bruk; karja palei daong gah padang ngak, abih di nyu lac bruk klauk vaccine Covid-19 piah urang ngak hu ginup prein yawa, sanang hatai ngak bruk.

Dalam tuk Tết sak rimong 2022, rilo tỉnh ban taduan raok tuai biak rilo jang dut song tuk vak ni thun bloh. Di tỉnh Bình Thuận taduan raok labaih 60.000 tuai dalam dom harei akaok thun bahrau, rilo jang 3 mbang dut song tuk vak ni thun bloh. Di ban Vũng Tàu, tỉnh Bà Rịa – Vũng Tàu, tal beir harei kaboi (6/2) hu taduan raok labaih 204 ribau tuai. Daok dom tỉnh gah pai yau An Giang, Kiên Giang song ban Cần Thơ jeng hu taduan raok tuai mai rivang main di dom labik du lịch biak rilo hadei di rilo bilan joa lange kayua jit COVID-19.

Hadei di tuk padeih Tet thun sak Rimong, harei 6/2 bhap bini meng dom tỉnh, ban tuh tame Ban raya HCM ngak brei dom jalan tame ban raya saong Jalan rayo 1A gar jalan. Di labik tuai trun radaih di Mblang radaih miền Đông, tuk tabung glong hu 400-500 sruh radaih tame labik mblang radaih. Mblang radaih Miền Tây jeng hu yaok rituh sruh radaih tuai meng dom tỉnh gah Pei gam gam tuh tame mai. Rilo jalan yau jalan peih samar Trung Lương - Mỹ Thuận, jalan roya 1A di labik jalan tame gah Pei saong gah Timun, jalan roya 13 saong jalan peih samar Ban raya HCM - Long Thành - Dầu Giây labik tapa dom tỉnh Bình Dương, Đồng Nai labik halei jeng gar jalan. Daok labik phà Cát Lái pambuak TP.HCM saong Đồng Nai, ôtô patui gauk dak atah jaik 1km.

Kapul caoh blong kamei Việt Nam dit mbang kapul Đài Bắc Trung Hoa 2-1 di mbang dit rah tabiak tuk beir harei kabroi (6/2). Meng mbang dit janeh ini, kapul chaoh blong kamei Việt Nam ngak hu bruk praong dalam sajarah, tuk mbang camereip di abih mek hu harak vé tame pakacah dhi chung kết World Cup chaoh blong kamei 2023. Hadei di tuk jayah, Akaok negat Nguyễn Xuân Phúc hu pok meyaom tong abih dom urang dalam kapul caoh blong song mBan huấn luyện. 

Tui Cục Cảnh sát giao thông, dalam 9 harei padeih Tet meng harei 27 bilan Mat tal harei 6 bingun, dalam negar rah tabiak 216 mbang bala ngaok jalan mbak, ngak brei 121 urang metai, 138 urang njauk rambus. Dalam 5 harei padeih tet, kuhria meng harei 29 tal harei 4 bingun Tet, Mentri Y tế brei thau lac hu 2.781 mbang cấp cứu kayua taong gauk.  

Di mbang nyaom pakat glong abih yaok thun di Liên minh châu Phi AU tamat di harei 6/2, urang ngak praong pakat glong di AU brei thau, AU hu panuac lên án bruk đảo chính jiak di ni ngak ka rilo taneh ia dalam Liên minh brei padeih ngak thành viên. Urang dang akaok Hội đồng an ninh song sron mbon di AU, ndom lac: "Tong abih dom urang pal akaok dalam hội đồng jeng hu panuac lên án bruk salih rajaei tui jalan suan hukum negar." Mbang camereip dalam dak rai di AU, dalam 12 bilan hu 4 taneh ia njauk brei padeih tư cách thành viên di AU, dalam nan hu Mali, Guinea, Sudan song Burkina Faso

Ấn Độ hu jeng taneh ia akok meti di dunya brei pandar vaccine pacang Covid-19 công nghệ DNA, hu angan ieu lac ZyCov-D. Janih vắc xin ZyCoV-D hu klauk 3 mbang, abih di nyu lac vaccine nan oh pandar jarum klauk. Dom bac sỹ pandar sa pandap jhul ia jru áp suất glong piah ba vaccine tame rup tapa kalik.

Takik di abih 74 uranaih di Afghanistan metai kayua ruak sởi hadei di tuk ruak njom mbak ni tamuh tabiak di tỉnh gah brak Badakhshan. Jabat y tế hu panuac ieu bhap bini piah pacang jit ruak, ba uranaih nao iek ruak di dom labik y tế jiak di abih tuk uranaih mboh pandiak, tabiak mban, viêm màng kết song patuk.Tui gah y tế, dom uranaih ruak sởi di Afghanistan meda hu rilo jang, abih di nyu lac di labik bhum ceik di gah Đông Bắc negar ni./.

Urang lang: Hani Pha – Bhumi – 07/02 10:30:59