Pasang iek hu siam dom janih ruak kik

Di var peih pakak mbang nyaom ka 4, QH mbang XV peih tabiak tuk page ini, puac harak pathau khan ka jak jeng di bruk patagok kinh te – xa hoi thun 2022; jalan cak rok patgaok kinh te -xa hoi thun 2023, Thủ tướng Phạm Minh Chính ndom lac: Dalam tukvak anak tal, brei ngak dahlau bruk khik kajap kinh tế vĩ mô, pasang iek lạm phát, jhul pakhang bruk cak rok patagok, brei sumu gauk dom bruk praong di kinh te. Pasang iek hu siam dom janih ruak kik. Pataom tame padang ngak, pasiam sarak, adat hukum, paglong jak jeng di bruk tacei ba jalan saong ngak tui hukum; jhul pakhang bruk pacang, caga tham nhũng, tieu cuc, palai pajua. Jhul pakhang bruk cak rok patagok, pandar ilamu cong nghe, salih birau hadah krah, salih pandar số, salih tapa pandar hijao. Jhul pakhang bruk salih birau hành chính, ramik veik urang jakar ngak bruk, brei takik urang jakar bien che, ngak brei lagaih bruk buh jien tame ngak mbang pablei salih…

Meng harei ini (20/10), Sarak ka 59/2020/NĐ-CP di Rajaei ka bruk brei angan saong xác thực điện tử hu ba tabiak ngak tui. Meng harei ini, bhap bini meda pabak khau tin tapa định danh điện tử (lac căn cước công dân di rahra mangaok điện tử tapa ứng dụng VNeID) piah brei thau ka rup di drei, piah ngak harak gar saong dom bruk giao dịch dân sự salih ka căn cước công dân pagam chip yau urak ini.

Mentri Công thương birau hu harak văn bản payua samar tal Gilang pariak Karja Viet Nam ieu daong lang talaih dom kan kandah ka D.N pablei salih xăng menyek. Tui nan, Mentri Công thương hu padang angan 16 D.N pablei salih xăng menyek piah ieu Gilang pariak Karja Viet Nam tacei pato dom gilang pariak pablei salih daong brei mesre phun jien, paglong jien brei mesre, hu mesre jien negar langiu piah blei xăng menyek.

Yam tame bilan hajan ribuk, rilo jalan nao mai di tỉnh Tiền Giang mbaih mbaoh biak khang. Yau ye jalan tỉnh lộ 864 – lac jalan nao mai tapen kraong Tiền (pambuak dom huyện Cai Lậy, Châu Thành saong ban Mỹ Tho) daok khut trak. Dua gah takai jalan hu rilo labik gluh baok kayua ia kandaong, ba tal rilo mbang radaih jaleih, radaih ginuh gauk, gam haong radaih ô tô praong pajeng pandap meng labik ngak kong nao mai rilo. Bruk njauk biai nan lac UBND tỉnh Tiền Giang hu pasang iek brei ngak danak dak jalan tỉnh 864 haong yaom jien labaih 3.260 tỷ đồng; dalam nan hu bruk brei peih praong jalan ini min tal urak ini jeng oh ka hu peih ngak. 

Tỉnh Cà Mau hu 94 ribau hecta taneh glai pataom sa labik, ralo meng lac glai tapen tasik saong glai tràm mbuan khuah di bilan thu lagu. Piah khik caga saong  pacang apui khuah glai, UB bhap bini tỉnh Cà Mau tacei pato dom đơn vị pambuak tal caga dom jalan saong pandap njauk brei caga. Dom po khik glai brei samar padang jalan pacang caga padam khuah, pacang khuah glai dalam bilan pandiak thu lagu thun 2022 -2023 di labik khik iek, pok tagok pasang iek, mbaoh tangin. Tui nan, pasang iek pandap, mac jamraih brei ngak pasiam piah duh siam bruk pacang khuah padam apui khuah glai.

Harei ini, dom urang pan akaok 27 taneh ia dalam Liên minh châu Âu (EU) ginum biai mbang nyaom pakat glaong abih di ban ine Brussels di Bỉ. Asal kadha praong di danak dak ginum biai lac bruk srau kadau khí đốt. Nyaom biai lac jalan piah pasang iek dom jalan patui di nan meda daong patrun yaom khí đốt. Bruk ini brei hu bruk jum pataom saong yasa di châu Âu. Salih ka bruk bayar yaom glaong jang, urang châu Âu njauk blei khí đốt haong gauk. Chủ tịch Hội đồng châu Âu caong lac nyaom biai meda langyah dom bruk darak pasar di anak meta saong suai lavik, pagap yau sa jalan ngak di EU piah pacang yaom khí đốt tagok ka bruk ngak tabiak điện.

Akok mentri jien padai Nhật Bản jeng daok ndom lac, Rajaei meda samar hu dom jalan ngak lagaih piah pacang bruk trun tagok oh karo di darak pasar jien ndo. Panuac di Akaok Mentri Jien padai Nhật Bản ba tabiak hadei di tuk jien Yên hu laik yaom biar di abih kuhria meng thun 1990 di harei kabroi 19/10, ngan haong yaom 1 đôla salih hu 149,91 Yên, yam tapa hatai sahaneng ka bruk jien ndo trun lahik yaom.   

Liên hợp quốc hu panuac lac bruk mesruh gauk di Nam Sudan daok dak harei dak kan kandah saong raidiuk di yaok triệu rahra dak harei dak rambah rambup jang, saong hu panuac ieu samar daong ka taneh ia châu Phi ini hu sron mbon veik. Urang iek gah quyền anek menuac di Liên hợp quốc daok di Nam Sudan brei thau, yaok bilan Liên hợp quốc mboh hu yaok rabau menuac nduac tapa jalan tapen negar, nduac tame labik kayua Liên hợp quốc bảo hộ atau nduac dauk grauk labik piah plaih bruk srau kadau dak harei dak tagok khang. Dalam tuk nan, dom kapul daong ngak pahla daok glaih glar piah hu ginup jien blei pandap mbang ka menuac sia taneh ia ini./.

Urang lang: Bhumi & M. Phương – 20/10