Tuai palih ruah jalan kapan haoh piah nao pelei biak rilo 

Pahadar 92 thun harei padang Đảng (3/2/1930-3/2/2022), patui bruk ba sarak nyaom roya  mbang ka  XIII di  Đảng tame dalam rai duik, melam kabroi  (26/1), di Nhà hát Lớn Hà Nội, Báo Điện tử Đảng Cộng sản Việt Nam, di  Ban Tuyên giáo Trung ương peih danak dak nghệ thuật hu angan “Giữ trọn niềm tin”. Danak dak hu padang ngak biak gheih  ngan song  10 kadha  di dom lagu doh, tamia  hu padang ngak biak siam  tui jalan  âm nhạc, sap ndom  nghệ thuật bhap bini saman ini. . Tapa nan, dong ka urang iek dak thau song hadah mbaok meta  ka bangsa  Việt Nam, ka  Đảng Cộng sản Việt Nam gireih  mesruh metak kayua  độc lập tự do di taneh ia, kayua haniem phol di bhap bini.

Dalam tukvak tabung glaong, dom tuai nao haoh biak rilo, mblang kapar haoh dunya Tân Sơn Nhất bahrau ba tabiak khau tin ka dom bruk njauk caik hatai ka tuai nao kapal haoh dalam tuk Tết Nguyên Đán saong harei roya  thun sak rimaong 2022. Dahlau di nan, mblang kapar haoh ieu kakei bhap bini caga rami ramik tukvak ngak harak gar dahlau di tuk kapal haoh par lac 120 minit. Langiu di nan, di quầy ngak harak gar meda kariek 40 minit dahlau di tuk par ngan haong dom mbang par dalam taneh ia, pambang tabiak kapal ahaoh meda karieh 15 minit dahlau di tuk par. Piah plaih bruk biak rilo manuac, tuai brei takik gauk gar ba, raok saong oh nao biak avak dut saong tuk par.

Tui ủy quyền di urang pal akaok  Ủy ban bangsa  (UBDT), mBan bangsa  tỉnh Bình Thuận bahrau brei  kapul nao rivang ,  alin brei 20 pok pandap di UB bangsa  payua ka dom boh sang kan kathaot, boh sang dalam sarak karja, urang bangsa takik di dom  xã Hàm Trí, Thuận Minh, La Dạ saong ban sit Ma Lâm- huyện Hàm Thuận Bắc. Gam haong nan, brei pandap ka 3 kapul nyaom  mban điều hành palei pablak; 4 taha palei song 12 urang hu angan je dalam bhum mik bangsa takik  di  huyện Hàm Thuận Bắc dalam tuk  Tết Nguyên đán anek sak rimong 2022.

Bier harei 26/1 (lac 24 Tết), darak bingu Tết thun sak rimaong 2022 di Quận 5 -TPHCM hu peih pakak, pabak ka darak pasa pablei salih bingu kiểng ka bhap bini. Darak pasa bingu Tết sak rimaong 2022 di mblang main Dạ Trạch hu labaih 40 lô bingu di dom sang bein mai meng Bến Tre, Tiền Giang, Đồng Tháp, Vĩnh Long, Bình Định jang yau dom palei bingu mai Thủ Đức, Bình Chánh, Hóc Môn, Gò Vấp, dom sang pablei salih bingu di quận 5… ba mai biak rilo bingu, phun cảnh… pabak ka bhap bini ngan haong yaom kaom biak tani tanat.

Harei 26-1, Jabat  CSĐT Công an TPHCM bahrau hu harak oh  khởi tố vụ án hình sự bruk lac hu menuac urang  pathau ong Võ Hoàng Yên (ndih tapui thun 1975, dok di tỉnh Bình Thuận) pasoh pagat dalam bruk iek ruak, dalam nan hu muk Nguyễn Phương Hằng (ndih tapui thun  1971, dok di  quận 1, TPHCM). Tapa pasang iek tal urak ini, oh hu  hagait mboh lac ong Võ Hoàng Yên pasoh  piah muk  Nguyễn Phương Hằng jia tame song ye jien. Jeng jeng oh  mboh hagait lac ong Võ Hoàng Yên pandar jien  tame bruk suan hukum, pasoh pagat piah blah mek..

6 # Tal urak ini, Mỹ hu parabha 400 triệu mbang vắc-xin caga Covid-19 ka bhap bini di dunya, rilo jang dom vắc-xin di taneh ia halei karei hu parabha, rami ramik pacang caga haong Covid-19 di Nhà Trắng, Ong Giép Di-ần (Jeff Zient), hu pathau khan tanut hu makna praong ini di mbang nyaom biai di harei 26/01 (tui maong di Mỹ), ndem lac 400 triệu mbang vắc-xin hu Mỹ payua tal 112 taneh ia saong bhum taneh lac oh mek jien saong oh brei hu bruk sanya hagait.

Dom urang pal akaok gah  Y tế dunya (WHO) harei  26/1 brei thau, biến thể patui  di  Covid-19 mbuan njom mbak jang biến thể Omicron. Tui  urang roh duah di WHO, biến chủng patui di Covid-19 meda nyaih hu vaccine rilo jang, ngak ka dom janih vaccine urak ni takik kein lagaih jang . Dahlau di nan, dalam harei 25/1, Pfizer/ BioNTech hu ngak iek dom janih vaccine mong tame  biến thể Omicron kayua huac kanda lac dom mbang klauk jru urak ni oh pacang hu biến thể ni

Mbang ginum biai pakat cố vấn ngoại giao tui định dạng Normandy di dom urang jakar ngoại giao Pháp-Đức-Nga-Ukraina harei 26/01 di ban ine Paris piah ngak patrun dom kan kandah di Nga-Ukraina urak ini tamat hadei di labaih 8 maong ginum bo oh mboh siam hagait min dom gah njauk gauk meda taom gaok gauk viek hadei di 2 adit tra di ban ine Berlin, Đức. Taong abih 4 gah jeng pachreih tui bruk padieh cuh saong ngak njauk tui dom jalan dalam harak padieh cuh hu ba tabiak di harei 22/07/2020, gam taong abih dom bruk oh njauk gauk di dom asal kadha karei pambuak tal bruk peih ngak dom sanya Minsk./.

Urang lang: Thu Thảo -Hanipha- 27/1