Mentri Jalan mbak pajeng ba birau pok panuac tagok Thu tuong Rajaei ka burk brei pabak angan  du an saong urang dalam Mban tacei ba jalan di Karja dom danak dak pakat pakat negar, praong di gah Jalan mbak pajeng ba. Dalam nan hu pok likau pabak 8 danak dak jalan mbak peih drah samar tame dom angan du an praong pakat negar. 8 danak dak jalan peih drah samar hu likau pabak angan tame nan lac:  Tuyên Quang - Hà Giang, Hòa Liên - Túy Loan, Dầu Giây - Tân Phú, Tân Phú - Bảo Lộc, Bảo Lộc - Liên Khương, TP Hồ Chí Minh - Chơn Thành, Mỹ An - Cao Lãnh, Cao Lãnh - An Hữu.

Tui kuhria meng harei 10 tal harei 18-10 anak tal, Kapul pasang iek Uỷ ban châu Âu (EC) meda tapa Việt Nam pasang iek bruk pacang caga taong mek kaya ikan suan hukum, oh pathau khan saong oh tui adat (IUU). Piah caga ka bruk ini, UBND tỉnh Bến Tre hu padang jalan ngak saong pato tacei dom pakat, dom gah kham merat ngak pasiam dom bruk daok labaih - kurang piah khang hatai pacang cakak, yam tal palahik bruk gilai ikan ngak suan bruk taong cap ikan suan hukum, oh pathau khan saong oh tui njauk adat (IUU). Tapa nan, Bến Tre jeng hu peih mbang tabung glaong pathau khan pacang taong cap IUU; daok ngak ka nyu salah bruk đăng kiểm gilai ikan, pabak harak adat taong cap ikan ka taong abih dom gilai ikan.

Tỉnh Hậu Giang hu jao brei taneh piah padang labik daok birau ka dom baoh sang hadei di tuk njauk mek veik taneh piah padang ngak jalan peih drah samar Cần Thơ - Cà Mau. Labik tái định cư Bình Thành, huyện Phụng Hiệp lac sa dalam 4 labik tái định cư duh ka jalan peih drah samar. Labik tái định cư nan hu 295 labik taneh brei ka bhap bini. Taneh yaok labik praong 90 m2. Langiu di nan, daok hu labik ngak bein bingu, phun hijao, sang bac. Ralo bhap bini chreih chrai tuk taduan hu taneh di labik hu ginup ia, điện jalan mbak nao mai, pablei salih, pajeng ba hu lagaih. Hậu Giang lac tỉnh akok meti hu ngak salah labik tái định cư, hu labik daok tani tanat ka mikva gaok kan kandah kayua peih jalan kao toc.

1.200 paok mbang jala pandiak hu Công ty TNHH Bảo hiểm Shinhan Life Việt Nam jao ka dom uranaih njauk ruak saong gauk gar di uranaih njauk ruak pak Sang iek ruak Nhi đồng TPHCM. Dahlau di nan, 150 triệu đồng jeng hu Công ty payua alin piah daong jien taong ruak ka dom uranaih sit gaok kan kandah gam haong labaih 120 paok pandap tal kapul y bác sĩ saong uranaih njauk ruak daok taong ruak di Khoa Huyết học lâm sàng di Sang iek ruak. Bảo hiểm Shinhan Life Việt Nam caong lac dom paok pandap yaom lac sit ini meda lac prein khang piah pachreih ba, daong ka dom adei yam tapa kan kandah, jayah ruak kik.  

Harei pataom ao bà ba, ao tah – ao kumei  ngan haong kadha “ Duyên Dáng Phương Nam” meda hu peih ngak dalam 2 harei, mneg harei 13 -14/10 anak tal di Mblang Bein kraong Hậu, quận Ninh Kiều, ban Cần Thơ. Harei pataom nan hu dom bruk ngak piah meyaom ilamu siam gheih jeng yau piah pambak praong  hatai takre ao bà ba, ao tah. Bruk ngak nan jeng hu rik tame  yaih khan thaot binguk, anek manuac, bhum palei Cần Thơ jeng yau urang kumei Nam Bộ. Bruk praong di harei pataom lac lac bruk ngui cuk ao bà ba, ao tah  nao angaok jalan di 5.000 urang. Hadei di nan, lac danak dak  daoh tamia ngan haong 500 dien vien oh chuyen, urang mau.

Thái Lan hu khan brei thau dom jalan ngak piah ngak catang bruk pasang iek phao, dalam nan hu gam bruk brei padeih pabak harak blei meng negar langiu tame saong pablei salih phao biak saong phao ja hu ngak bahrau. Phó Thủ tướng gam lac akaok Mintri Nội vụ Anutin Charnvirakul ndem lac tok dom manuac urang hu thẩm quyền meng hu ba tui phao di dom labik hu rilo manuac. Dom jalan ngak bahrau hu khan brei thau piah langyah dom bruk daok haduh hatai di rahra hadei di mbang cuh phao di harei 3/10 meng blaoh di ban ine Bangkok. Urang cuh phao umo 14 thun hu pandar sa mbaik phao ja hu ngak bahrau, cuh tame ngak ka 2 urang metai saong 5 urang njauk rambuac.

Mentri Ngak nong Mexico birau brei thau ka bruk njom ruak manuk ada H5N1 akok meti di janih cim glai. Panuac khan nan hu ba tabiak dom mon hadei di tuk Rajaei tabiak panuac lac dalam taneh ia oh daok H5N1. Yau nan min, tui Mentri Ngak nong Mexico, bruk hu mboh sa drei cim glai njom ruak manuk ada birau, yau ye panuac kakei tal urang raong manuk ada, cim brim njauk paglaong hatai sangka piah pacang cakak jalan tame di dom janih cim glai njaom ruak. Dahlau di nan, bilan 10 thun blaoh, taneh ia ini hu mboh virus H5N1 di sa trang trại pablei salih raong 60.000 drei manuk ada.

Australia lac sa taneh ia tuk halei jeng caong urang ngak tame negar piah jhul patagok kinh tế. Pathau khan ka bruk ngak saong ilamo ngak bruk thun 2023 bahrau ba tabiak brei mboh lac dom urang oh hu bruk ngak di Australia daok di tanut bier, tui nan jeng hu makna lac dom urang ngak hu mbaok ngak bruk lac daok glaong. Yaom lac yau nan, min dalam thun ini, 36% gah daok kurang urang ngak. Dalam nan dom gah kỹ thuật saong pablei salih daok mboh bruk kurang biak trak di abih./.