Tal Tết  Qúy Mão – Anek sak Tapai thun 2023 LĐLĐ Ban raya HCM peih bruk nao rivang saong tadhau ayuh tết doanh nghiep ( DN) hu ngak siam dom sarak ka urang ngak, đơn vị hu labik ngak bruk gaok kan kandah; po sang trọ ngak siam bruk oh mek jien, trun jien apah sang ka urang ngak; urang nghiệp đoàn hu radiuk kan kandah. Tui nan, peih ngak rilo danak dak  yau “ Harak vé anit ranam” alin harak vé  radaih, ve radaig pui, ve kapal haok ka urang đoàn; peih bruk uan raok tet ngan haong kadha “ Tet jum pataom – Xuan dhar phol” ka dom baoh sang urang đoàn, urang ngak hu raidiuk kan kandah, oh hu jien nao palei mbang tet…

Bảo hiểm xã hội tỉnh Bình Dương bahrau peih Danak dak Alin thẻ bảo hiểm y tế - klah rabha anit ranam ka bhap bini gaok kan kandah daok di 4 phường dalam ban sit Bến Cát. Ong Nguyễn Duy Hiểu - Phó Yam ndok BHXH tỉnh Bình Dương brei thau, ini lac danak dak hu makna praong, rik daong dom sang gaok kan kandah trun manieng yaom jien iek ruak saong hu pambuak haong bruk iek glang prein yava siam. Dalam thun 2021, Tổng Công ty Becamex IDC jeng hu alin 1.000 thẻ bảo hiểm y tế ka bhap bini gaok kan kandah kayua jit ruak COVID-19.

Mbiah tal puac bilan 10 meng blaoh,  Đồng Tháp palao raong ikan pra trun danao praong labaih 2.300 ha, mek hu 441.000 tấn ikan, yaom pablei meng  29.000 - 30.000 đồng sa kilo. Meng yaom nan,  urang raong ikan hu laba labaih 1,7 tỷ đồng sa ha. Tỉnh Đồng Tháp ba tabiak bruk lac tal thun 2025, patagok danao raong ikan  pra lac 2.450 ha ngan haong ikan mek tame 555.000 tấn; taong abih labik raong ikan pra dalam quy hoach hu brei ma so; labaih 50% taneh  raong ikan pra pablei hu ngak tui saong taduan hu tanut chaun dalam bruk raong kaya ikan  yau VietGAP, ASC, BAP, GlobalGAP…

Dalam dua harei tapa, ia tagok glaong ngak brei dauk trak rilo labik dalam tỉnh Hậu Giang. Kayua lac bhum taneh bier gam haong ia tagok nan ye yaok ratuh baoh sang di bhap bini njauk kan kandah. Langiu di nan,  ia ndik tagok jeng ngak khat lahik trak tal bruk ngak nong. Tui Sở ngak nong saong patagok palei pala, ia ndik tagok ngak brei dauk labaih 77 ha padai; 8.500 ha phun mbang baoh, labaih 1.000 ha menaih saong tabau. Urak ini gah ngak nong daok jak ba mikva njuk ia tabiak piah patakik bruk dauk ia di padai, phun mbang baoh, njam patam piah patakik khat lahik kayua ia dauk dui atah.

UB bhap bini ban sit Phước Dân, huyện Ninh Phước, tỉnh Ninh Thuận brei angan NNUT Võ Kệ di Kalup kapol Đờn ca tài tử palei Bình Qúy. Ong Võ Kệ  hu labaih 50 thun tapa pambuak pagam haong mblang daoh cải lươnh saong nghệ thuật  Đờn ca tài tử.  Lac urang Phaok akaok Kalup kapol Đờn ca tài tử palei Bình Qúy, ong paneh tabiak rilo kadha birau saong peih ngak rilo mbang parang iek danak dak daoh Đờn ca tài tử duh ka bruk pamere chính trị, ilamu saong dom harei roya praong di bhum palei. Birau ini, ong Võ Kệ hadah mbaok meta  hu Akok negar brei taduan angan NNUT hu buh rilo prein yawa jak gheih dalm bruk khik ramik saong patagok ilamu phi vật thể di bangsa.  

Mỹ, Nhật Bản saong Hàn Quốc daok ngak brei salah dom sanya piah caga ka bruk taom gaok di dom urang par akaok 3 gah di kreih bilan ini. Dom bruk ginum biai anak tal meda lac jalan piah ka Mỹ, Nhật Bản saong Hàn Quốc brei mboh bruk jum pataom gauk dalam tuk bruk dalam bhum daok catang tagok, hadei di tuk Triều Tiên peih dom mbang cuh tên lửa đạn đạo, dalam nan hu sa baoh tên lửa đạn đạo cuh tapa bhum karei, cuh hu atah saong meda lac akaok đầu đạn hạt nhân. 

Trung Quốc brei ba tame ngak bruk danak dak ghang am meng năng lượng hạt nhân akaok meti di bhum Đông Bắc taneh ia ini. Danak dak pandar nhiệt lượng labaih di sang may điện hạt nhân piah pabak ka he thong ghang am di bilan la-ar ka jaik 20 ribau bhap bini di labik  ini. Labik ghang am di danak dak  praong labaih 24 ha, me-om abih ban sit Hồng Duyên Hà di ban Đại Liên, tỉnh Liêu Ninh. Tui kuhria, danak dak nan meda daong brei trun takik pandar dang labaih 5.700 tấn  saong takik tathuak labaih 14.000 tấn khí carbon dioxit yaok thun.

Ranaih kumei umo 8 thun lac uranaih akaok meti di negar Anh hu ngak 2 gah takai ja điện toán hóa, meng nan ranaih kumei ini eng drei nao mai hu. Tui dom urang roh duah saong ngak tabiak pandap panda ini, dua gah takai ini brei ka ranaih kumei ini nao mai hu rilo jang meng hu ilamo trí tuệ nhân tạo. Urak ini dom urang roh duah ilamo daok daong ka ranaih kumei ngak randap haong bruk nao di jalan glaong biar, hu kanyan saong oh samu tapak meng dua gah takai ja di drei./.

Urang lang: Thu Thảo & Bhumi