Tinh ndoan Dak Lak pambuak haong Bo Chi huy Bol lin Bien phong tinh Dak Lak, Tinh ndoan Binh Duong saong Tinh ndoan Lam Dong bahrau  peih ngak danak dak “ Bilan Klau tapen negar” ngan haong kadha “Anit ranam bhum tapen negar” di xa Ia Lốp saong xa Ia Rvê, huyen tapen negar Ea Súp, tinh Dak Lak. Yaok rituh urang ndoan, dam dara  hu mbaok tame danak dak peih ngak rilo bruk hu makna siam gheih yau: Rivang, alin pandap ka Amaik VNAH; pok bingu kakuh labik Rup patau Wa Ho; alin 10 paok pandap ka baoh sang urang dalam sarak karja; alin 30 paok jien bac ka ank saih; jao brei dom danak dak dam dara ngak  Jaln gom truac hadah jalan tapen negar saong Jalan gom truac hadah jalan bhum palei; alin pandap ka 4 urang lin  Bien phong hu raidiuk kan kandah daok ngak bruk di bhum tapen negar.

Tinh ndoan Dong Thap birau peih ngak Harei tabung glong “Dam dara halan hatian padang ngak ilamo do thi” dalam Bilan Dam dara thun ini. Di var nan, Tinh ndoan Dong Thap hu alin brei 40 thung ia tasau ka uranaih hu raidiuk kan kandah, alin brei kalaoh ban do Viet Nam pachreih bruk jak ba “ Hadah mbaok meta taneh riya kraong tasik”, alin sa baoh sang Ranam yaom 60 trieu dong; 20 paok pandap  ka bhap bini hu raidiuk kan kandah. Tinh ndoan Dong Thap daok pambuak bruk haong Sang iek ruak Da khoa Tâm trí Dong Thap peih bruk, brei jru oh mek jien 250 mbang ka urang kan kathaot.

Meng ngak siam bruk pacang caga pandiak bhang, njom ia mbak mbiah tal ini, taneh ngak padai saong pala phun di tinh Soc Trang tamuh siam, oh hu taneh klak saoh. Di huyen Long Phú hu rilo ribong kraong dalam mblang hamu hu caga piah ginup ia pruh ka phun pala. Di xa Tân Thạnh, dom mblang hamu padai dalam tuk jaik yuak khik hu padai siam. Tui urang ngak praong di huyen Long Phú, thau kuhria caga dahlau atah ka bruk njom ia mbak thun ini rah tabiak srau kadau, mai samar jang yaok thun yau nan ye huyen kakei bhap bini juai trun pajaih padai  bilan Dong Xuan laik hadei.

Ben Tre lac labik pala rilo li-u dalam negar. Birau ini, taneh pala drak, baoh siam saong phun li-u dak harei dak hu paglong, dang dhi ka 2 dalam bruk pablei tabiak negar langiu di tinh. Urak ini, Ben Tre hu labaih 79 ribau hecta phun li-u, brei baoh 700 trieu baoh. Taneh pala li-u  dak harei dak rilo kayua pablei tabiak negar langiu rilo; dalam nan hu jaik 16.000 hecta phun li-u xiem mek ia menyum. Thun ini, dom pandap ngak meng li-u pablei tabiak negar langiu  ralo tagok labaih 10% dut saong tuvak ini thun dahlau. Baoh li-u that pablei tabiak negar langiu mek jien tame labaih 36 trieu USD.

Page ini 18/3, di Quan 8, TPHCM peih bruk ba danak ar pacang saong braong pacang ia ndik di ribong Cầu Sập tame pandar. Ini lac danak dak daong pacang sir labik danak dak  pacang ia dauk tuk ia ndik di Ban raya Ho Chi Minh vaktu 1, hu kuhria caga bruk langik salih karei. Danak dak  kuhria abih tih jien buh tame jaik 240 ti dong meng kadung jien  karja ban raya piah pacang ia sua, ia ndik, pacang ia dauk meng kraong Cần Giuộc tame danak dak hu Phuong 7, Quan 8 saong xa Phong Phú, huyen Bình Chánh.

Trung Quoc birau ini ngak tabiak robot duah mek kaya kan angaok langik camereip kayua dom urang roh duah di gru Lưu Tân Hoa di Dai hoc Khai khoang saong Kong nghe Trung Quoc ngak, oh lac lagaih haong bruk harit di baoh taneh haong angaok langik, bo daok peih hu di labik glong biar oh sumu gauk di dom baoh hanh tinh. Karei jang dom janih robot thaok binguk yau manuac saong asaw robot  yau urak ini, robot duah mek kaya kan angaok langik hu 6 gah takai haong 3 baoh radaih saong 3 tangin hu kakau haluak.

Karja ban Jinju, Han Quoc brei thau bahrau cuh hu siam mekre ve tinh kayua ban ini roh duah saong ngak tabiak, meng ten lua jhul kayua kong ti  kapal ahaok  vũ trụ SpaceX di Mỹ ngak pabah. Hadei tuk cuh par tabaik truh ten lua jhul tagok quy dao saong pambuak hu siam tal pasak di baoh taneh. Ini lac mbang akok meti sa ban di Han Quoc  ngak hu bruk roh duah, ngak tabiak saong cuh ve tinh drei ngak tabiak mek hu jak jeng siam mekre. 

         Piah caga ia ribuk sua jaik ini ngak jak tal labaih 120 ribau urang, karja Indonesia peih ngak siam sa bruk praong pasiam veik langik pandiak hajan piah ngak takik hajan di dom labik mbuan rah tabiak ia ribuk di Bhum do thi Jakarta. Jabat Trun takik bala di bhum Jakarta khan lac 12 tan sara hu drak tagok langik dalam bruk ngak pasiam langik  dui atah 6 harei piah ngak hajan takik veik. Peih 15 mbang par, dui atah labaih 30 mon, ba tame ngak jeng aih taginum./.