Danak dak “ Blah vé anit ranam” Tet Qúy Mão 2023 di Công đoàn Ban raya HCM tui kuhria hu alin hadiah 35.000 harak vé radaih, vé radaih apui, vé kapal haok ka urang đoàn saong urang ngak gaok kan kandah rilo thun  oh hu jien nao palei mbang Tet thun anek sak Tapai thun 2023. Pasak Daong dam dara urang ngak kong di Thành Đoàn Ban raya HCM hu brei ngak danak dak  “ Radaih pajeng bilan Xuan” alin hadiah 1.500 harak vé brei  dam dara, urang ngak  nao palei mbang Tet Qúy Mão thun 2023.   

 Meng harei 1/7/2023, tuk jien bilan cơ sở tagok tanut 1,8 triệu đồng sa bilan meda ngak brei tagok tanut daong jien ka urang ngak lac urang kumei tuk ndih tapui anek. Tui kuhria abih tih yaom jien bo urang ngak hu mbang tui meda tagok jang 1 triệu đồng duk haong dahlau daih. Yaom daong jien 1 mbang hadei di ndih tapui anek jeng hu tagok, urang ngak lac urang kumei meda hu taduan jien daong 1 mbang ka yaok anek samu 2 mbang yaom jien bilan cơ sở di bilan ndih tapui. Meyah ndih tapui anek min tok hu  ta-eng ame blei bảo hiểm xã hội ye urang ame hu taduan mek pok jien ini.

  HĐ bhap bini tỉnh Bình Phước birau brei tapa Sarak tabiak yaom jien daong yaok bilan  ngan haong urang hu daong bảo trợ xã hội di baoh sang kathaot oh hu prein ngak bruk dalam tỉnh, vaktu 2023 -2025. Tui nan, dom urang di bhum palei pala hu daong 1,2 trieu dong sa bilan; dom urang di bhum thành thị hu daong 1,7 trieu dong sa bilan. Jien daong nan oh kuhria gam jien daong urang hu daong BTXH hu mbang jien daong xa hoi yaok  bilan meng kadung jien karja tui hukum ba tabiak.

Tui Sở Y tế tỉnh Đồng Nai, yaom lac yaok harei daok hu jaik 20 urang njauk ruak, min adit blaoh di Đồng Nai dom urang njauk ruak COVID-19 mboh lac tagok jang labaih 53% duk haong adit dahlau di nan. Urak ini hu 30 urang daok suak yava meng oxy, dom urang ruak trak jeng hu rilo jang 8 urang duk haong adit dahlau di nan. Kayua yau nan ye dom chuyên gia y tế hu panuac kakei bhap bini nao klauk vaccine mbang pabak, abih di nyu lac urang hu ruak dalam rup.

Tukvak tapa di tinh Ben Tre, bruk blei sara di bhap bini gaok rilo kan kandah kayua sara oh siam, jalan mbak, kraong ribaong oh sumu gauk. Piah paglong siam mekre ka asar sara, paglong jien mek tame ka urang ngak sara, Bến Tre daok peih ngak danak dak ngak sara tauk bạc saong buh jien tame ngak brei patagok hạ tầng huyện Ba Tri, haong yaom jien 60 tỷ đồng. Danak jeng buh jien tame padang ngak jalan mbak, ribong  piah duh ka bruk ngak sara. Langiu di nan, Pasak pachreih nông pakat negar hu daong 2 tỷ đồng. Urak ini, taneh ngak sara di Bến Tre trun daok takik kayua bhap bini salih tapa raong hadang thẻ, raong ikan, pala hareik brei ka athur mbang.

Meng hu 278 phiếu pachreih tui dalam abih tih 349 phiếu, Quốc hội Thụy Điển brei tapa bruk pasiam veik hukum negar, brei adat ba tabiak dom hakum bahrau piah patrun patakik bruk padang kapul nyaom ngan saong dom kapul nyaom hu mbaok tame atau daong bruk khủng bố. Tui Ủy ban thường trực di Quốc hội ka dom bruk pambuak tal hukum negar, pasiam veik ini meda brei adat “hình sự hóa” praong dalam jang bruk hu mbaok tame sa kapul khủng bố atau pakauk kapul khủng bố. Tổng thống Thổ Nhĩ Kỳ ndom lac, Thụy Điển meda peih tabiak ngak praong di puac thun ini saong akaok thun bahrau, daong ka dom jabat peih ngak adat hukum di taneh ia ini hu rilo jang quyền pacang khủng bố.

 Suai di abih lac puac thun 2023, Đức tamat bruk hu mbaok tame kapul khik ramik hòa bình di LHQ pak di Mali. Bol lin Đức hu mbaok di Mali meng thun 2013 haong hu mbaok di 1.400 urang lin dalam dom bruk ngak di LHQ pak di Mali. Dahlau di nan, Anh jeng brei thau lac ba bol lin tabiak, lac 250 lin, daok ngak bruk ka LHQ di Mali.

Cục Hàng không dân dụng Anh (CAA) hu brei harak adat ka mblang kapal haoh vũ trụ camereip abih, peih jalan ka bruk phóng vệ tinh akaok meti di taneh ia ini dalam thun ini. Mblang kapal haoh ini hu pabak dom bruk salamat, sron mbon saong hacih sa-at piah jeng sa mblang kapal haoh vũ trụ. Bruk brei adat ka mblang kapal haoh vũ trụ Cornwall ba negar Anh yam tal jaik jang haong bruk jeng taneh ia camereip abih peih ngak dom bruk cuh vệ tinh tame quỹ đạo meng sa mblang kapal haoh vũ trụ di châu Âu. Ini jeng lac sa kadha praong karei piah ba Anh jeng taneh ia cuh vệ tinh dang akaok./.