Phó Thủ tướng Thường trực Rajaei Phạm Bình Minh hu mbaoh tangin tame Sarak 277/QĐ-TTg patabiak Paok bruk ngak salih bahrau jalan ngak, sarak daong Danak dak bruk ngak negar piah cak rok patagok kinh tế - xã hội bhum bhap bini bangsa takik saong bhum ciek tukvak 2021- 2030. Tui Sarak, bruk pasiam piah patagok anek menuac ka bhum bhap bini bangsa takik, dalam bilan 3/2022, Mintri Pato magru meda tabiak Sarak padang jalan peih ngak tukvak ka 2 Danak dak patagok sap Yuan ka uranaih mầm non saong anek saih tiểu học bhum bhap bini bangsa takik; ngak pasiam dự thảo Sarak ka bruk peih ngak saong bruk ngak di dom sang bac phổ thông gam bac gam daok saong dự thảo Sarak ka bruk peih ngak saong bruk ngak di dom sang bac bang sa gam bac gam daok.

UBND tỉnh Ninh Thuận bahrau peih mbang tabung glong  klauk jru bilan Xuân vaccine pacang COVID-19 thun 2022 meng harei  28/2 tal harei  31/3 song khang hatai peih mbang klauk ka 3 ka urang meng umo 18 thun tagok. Lambaok  Sở Y tế tỉnh Ninh Thuận brei thau, anak bruk rah tabiak kan thau dahlau di Omicron, bruk klauk mbang ka 3 vaccine pacang COVID-19 lac biak prong, piah khi saong pakhang hệ miễn dịch, patagok bruk pacang caga ruak.  Ninh Thuận, urak ni hu 72 labik gam song 142 papan klauk  vaccine pacang  COVID-19. Gah y tế Ninh Thuận kham merat ngak salah bloh mbang klauk ka 3 ka urang meng  18 thun tagok song klauk mbang ka  2 ka urang meng  12-17 thun dalam  thun ni.

Hadei di 2 adit nao bac tapak, harei 28/2/2022, gah pato magru tỉnh Long An hu peih bruk brei ka anek saih tiểu học saong ranaih mầm non nao bac daok viek labik bac gilac viek. Tui bruk di anak meta, dom labik pato magru meda pok panuac ka karja palei brei peih bruk pato bac tui jalan lagaih saong pato 2 mbang sa harei (atau daok viek labik bac).

Di tỉnh Kon Tum, tuk vak tapa jit  COVID-19 ngak ka rilo urang bangsa takik  njauk padeih ngak, lahik bruk ngak, song kan duah hu bruk ngak. Urak ni, dom jabat chức năng di tỉnh Kon Tum daok dong jhul khang bruk tacei jalan dong ka urang ngak duah hu bruk ngak, tani tant rai duik, song ngak hu bruk batabiak dalam thun ni lac dong duah bruk ngak ka labaih 6.200 urang bangsa takik . Mbuan lagaih urak ni lac bruk caong hu urang ngak di dom tỉnh gah merong yau: Bình Dương, ban raya  Hồ Chí Minh, Đồng Nai… dok biak glong.Gam song bruk dong urang ngak duah hu bruk ngak, urak ni, dom jabat  chức năng di tỉnh Kon Tum jeng dok khik dom sarakk piah dong, pachreih ba urang ngak yau dong jien test COVID-19; dong jien radaih, jien mbang huak tui jalan song brei menuac tacei pato ba urang ngak tal labik ngak bruk.

Công an tỉnh Đắk Nông brei thau lac bahrau taong tayah hu jalan kol  pablei salih ma tuý tapa negar karei. Hadei di sa tukvak suai lavik padang kapul tui iek, dah page harei 27/2, di jalan Roya 14, labik nao tapa xã Đắk Gằn (huyện Đắk Mil), Công an tỉnh Đắk Nông hu duah mboh 3 urang daok pajeng ma túy suan adat hukum. Dom urang nan hu: Giàng Seo Tú (umo 32 thun); Dương Văn Phương (umo 35 thun) saong Giàng A Ký (umo 29 thun) jeng daok di tỉnh Đắk Nông. Pasang iek dom urang nan, gah chức năng hu pataom mek 10 bánh ma tuý gam haong dom pandap panda, harak gar hu pambuak tal. di jabat công an, dom urang nan taduan lac pajeng ma túy tapa pabah mbang negar Bờ Y, di huyện Ngọc Hồi, tỉnh Kon Tum mai tal tỉnh Đắk Nông piah pablei.

Đại hội đồng Liên hợp quốc (LHQ) harei 28/2 hu peih mbang nyaom đặc biệt ka bruk  srau kadau Ukraine. Akaok  Đại hội đồng LHQ Abdullah Shahid ndom di mbang nyaom  : Sarak  LHQ tacei tabiak cambaih laih dom taneh ia  dalam LHQ njauk langyah bruk srau kadau meng dom jalan siam mekre, sron mbon,  oh kateik greik atau pandar phao ndao. Ong hu panuac ieu dom gah  padeih tong gauk, iek prong hukum nhân quyền song hukum nhân đạo dunya. Hadei di tuk  193 taneh ia dalam LHQ brei panuac dalam  3 harei rah tabiak mbang nyaom ini, Đại hội đồng brei peih bruk buh harei  2/3 piah brei tapa sa sarak ieu Nga ba lin di drei tabiak truh Ukraine. Meyah taduan hu 70% phiếu pachreih tui, sarak hu brei tapa. Min, dom sarak di  Đại hội đồng LHQ bhian ndung bak bruk biểu tượng, oh hu bruk pacap brei ngak tui.

Jabat khik ramik kênh đào Xuy-ê (Suez) di Ai Cập brei thau bruk mek jien pabak ngan haong dom sruh gilai tapa kênh đào, tagok tal 10%,  meng harei 1 bilan 3. Jabat khik ramik kênh đào Suez brei thau bruk ngak ini lagaih haong bruk patagok biak rilo dalam bruk pablei salih di dunya, bruk cak rok patagok di jalan tasik saong dịch vụ pajeng ba di Kênh đào Suez. Jabat khik ramik kênh đào Suez caong lac jien laba di kênh đào meda mek hu 7 tỷ đô la di thun 2022, dut saong 6,3 tỷ đô la di thun 2021.

Tui bruk batabiak meng harei ni 1/3, Japon brei adat ka urang negar langiu tame taneh ia piah oh lac nao ravang me-in – mbang camereip abih kuhria meng di puac bilan 11 thun bloh.Tui kuhria dom urang negar langiu tame di dom mblang kapan haoh dunya di Japon meda tagok biak rilo, nan ye, rajaei Japon hu tacei pato bruk patagok pacang caga jit gam song pambuan dom harak gar piah patrun tuk vak pataom rilo menuac urang di mblang kapan haoh./.

Urang lang: Thu Thao & H.Pha - 1/3/2022