Di Nyaom biai sơ kết 3 thun peih ngak Danak dak bruk ngak negar cak rok patagok KT-XH bhum urang bangsa takik saong bhum ceik tukvak 2021-2023 hu peih tabiak di dah page ini (3/7) di Cần Thơ, ong Hầu A Lềnh - Akaok Mintri, akaok Uỷ ban Bangsa, Phó akaok mban pato tacei di Trung ương dom Danak dak bruk ngak  negar tukvak 2021 - 2025 brei thau lac, tui  pato tacei di Thủ tướng saong mban pato tacei dom Danak dak bruk ngak negar njauk ngak 3 bruk: ka 1 lac peih Mbang nyaom piah taong yaom bruk peih ngak meng akaok tukvak tal luac harei 30/6; ka dua lac jalan langyah meng urak ini tal thun 2025, kol drei kham marat peih ngak Danak dak yau habar; ka 3 lac pasang iek, ramik pasiam, gam tui di nan jeng brei thau cambaih laih dom bruk daok bier, dom caong maong di anak mata piah kol drei ramik ngak pasiam sa danak dak lagaih jang ka tukvak 2026-2030. Taong abih tih lac njauk ngak habar piah mikva bangsa takik di kol drei yaom lac di pak ini jeng hu mbang tui dom sarak hu lagaih.

Anak panuac likau di UBND tỉnh Bình Dương ka bruk ngak, jalan ngak danak dak jalan cao tốc TPHCM - Chơn Thành, Phó Thủ tướng Trần Hồng Hà ieu tỉnh Bình Dương taduan mek panuac di dom mintri, dom gah, brei ka tỉnh Bình Phước ngak po đầu tư tuk neh tabiak danak dak labik tapa tỉnh Bình Phước jeng danak dak karei saong pandar phun jien đầu tư công; pasang iek phun jien buh tame ngak, khik ka phun jien karja buh tame oh tapa meteh yaom phun jien buh tame ngak, thau cambaih phun jien daok kurang di dom danak dak binah dalam nyu. Danak dak jalan cao tốc TPHCM - Chơn Thành, meng jalan Vành đai 3 TPHCM tal Bình Phước atah 60,4km.

Tui Taong cuc yaok pataom, quý 2/2023, darak pasa urang ngak di Việt Nam daok gaok rilo kan kandah dui atah di jit ruak Covid-19, taong abih tih caong di dunya trun. Rilo doanh nghiệp daok kurang bruk ngakm urang ngak njauk padeih piah trun bruk, brei padeih bruk, lahik bruk jeng daok rahtabiak. Kayua yau nan ye, dalam quý 2 dalam taneh ia hu labaih 217.000 urang ngak k lahik bruk ngak. Dalam nan, Bình Dương meblah labaih 83.200 urang saong TP.HCM hu labaih 30.400 urang. Dom urang ngak lahik bruk pataom rilo manuac abih di dom gah jhik, takhaoh kalik, ngak tabiak pandap panda saong pandap điện tử, ngak tabiak kayau.

Yaom padai bhum taneran kraong Cuu Long daok di tanut glaong. Yaom brah 5% makuac yaom meng 500-510 USD sa tấn, glaong di abih kuhria meng adit camereip di bilan 4/2021. Di Sóc Trăng, padai pahe 8 yaom 8.100 đồng sa kg; OM 5451 yaom 7.800 đồng sa kg. Yaom padai ST di Bến Tre jeng daok hu yaom 8.000 đồng sa kg; Trà Vinh lac 7.200 đồng sa kg. Yaom padai tagok glaong lac kayua rilo tỉnh hu padang bhum pala praong pambuak haong pablei padai, tapa hợp tác xã jhul patagok bruk pala ngak tui jalan khang kajap. Langiu di nan, dom taneh ia blei brah daok pakhang bruk khik piah brah, piah khik kajap “an ninh lương thực”.

Dalam tuk labik glut jaleih klaak ka oh hu ngak pasiam, ye dah page ini (3/7), di  takai gah maraong kraong Ba Rài, xã Hội Xuân, huyện Cai Lậy, tỉnh Tiền Giang rahtabiak labik glut jaleih biak trak damak cakak jalan mbak. labik glut jaleih atah  di jalan 54B tapen kraong atah labaih 20 mét ngak ka ia tagok mbang tame dalam meng 4 tal 5m. labik glut jaleih ini cacak abih jalan ngak gar jalan kan kandah dalam bruk nao mai saong pajeng ba kaya nong di rahra dalam bhum ini. 

Khau tin meng Ấn Độ brei thau, hu takik di abih 12 urang metai kayua hajan khang saong ia sua ia dauk di bang Gujarat, gah pai Ấn Độ dalam dom harei tapa. Hu rilo palei saong tatua jaleih tuk ia di dom kraong dalam bang Gujarat daok tagok glaong meng dom mbang hajan praong oh padeih. Dom bruk daong urang gaok bala daok hu peih tabiak ngak di dom labik njauk ia sua ia dauk. Gah Khí tượng Ấn Độ kuhria mboh lac hajan praong, tal biak praong daok dui atah tal abih harei 5/7.

Pasak Khí hậu negar Trung Quốc hu mboh hu pandiak trak damak abih dalam 6 piluh thun tapa. Tal luac bilan 6, Trung Quốc hu mboh 4 harei hu nhiệt  do tui kuhria labaih 35°C dalam thun ini. Ini lac mbang nhiet do glaong abih meng di tuk hu dom pathau khan ka bruk langik tasik di thun 1961. Dom mbang langik pandiak meda patui veik rahtabiak di dom bhum gah barak saong Tây Nam Trung Quốc, ngan haong nhiệt độ glaong jang meng 1-2°C dut saong yaok thun. Dalam tuk nan, di dom tỉnh Tây Nam rahra daok pacang caga haong hajan khang saong glut jaleih taneh ngak ka 6 urang metai.

Bruk bầu cử thun anak di Indonesia meda pilih ruah tabiak dom urang pan akaok saong dom urang gah lập pháp dalam 1 thun saong gauk. UB Bầu cử Negar Indonesia hu mbaoh tangin brei tapa labaih 204 triệu cử tri ka mbang pilih ruah di taneh ia ini thun 2024 piah pilih ruah urang ngak Tổng thống saong dom urang ngak praong dalam karja palei. Ini meda lac mbang camereip dalam sajarah taneh ia, cử tri pilih ruah tabiak urang pan akaok saong dom urang gah lập pháp dalam sa thun saong gauk./.