Tui pathau khan di Mban pato tacei pakat negar dom danak dak bruk ngak negar tukvak 2021-2025, tal quy 3/2022, dom kapul nyaom, manuac urang negar langiu hu daong trun kan kathaot, khik tani tanat an sinh xã hội, padang ngak cơ sở hạ tầng, cak rok patagok ngak jalan mbak, y tế, pato pasram ilamo ka urang jakar lac urang bangsa takik, urang ngak nong hu chất lượng glaong. Tui kuhria dalam tukvak 2013-2020, taong abih tih kadung jien dalam taneh ia jak ba hu labaih 98.000 tỉ đồng. Dalam nan, kadung jien daong oh biyar gilac lac labaih 60.000 tỉ đồng; kadung jien đối ứng meng kadung jien kanja saong dom kapul, manuac urang, doanh nghiệp dalam taneh ia jaik 11.000 tỉ đồng saong kadung jien masaiy laba lap jaik 27.000 tỉ đồng.

Mentri Thông tin Truyền thông birau peih bruk pasram paglong ilmau pathau khan sarak, hukum ka cong chức, viên chức dom sở Thông tin Truyền thông saong phóng viên, biên tập viên báo, đài piah peih ngak Danak dak 6 – Danak dak sit patrun kathaot ka khaw tin di Danak dak pakat negar patrun kathaot khang kajap vaktu 2021-2025. Nyaom biai pabak dua asar kadha nan lac: Jalan ngak, jalan sahaneng di Ndang, sarak, hukum di Karja pambuak tal bruk bangsa dalam tukvak birau urak ini; ilamu pathau khan ka bhum urang bangsa takik, bhum ceik.

 Parang iek Quốc phòng dunya Việt Nam 2022 hu mbaok di 29 taneh ia, dalam nan hu Mỹ, Nga, Arab Saudi, Pháp, Đức hu peih tabiak meng harei 8 tal harei 10/12 di Hà Nội. Dom doanh nghiệp quốc phòng dalam taneh ia saong dunya meda yaih khan dom sruh ahaoh mesuh, công nghệ, phao ndao, rami ramik ka lin tasik, lục quân, không quân jang yau dom kapul lin ngak bruk di không gian mạng... Labik parang iek di Việt Nam pataom tame công nghệ, pandap panda ndung mbak ilamo phòng vệ saong bruk mesuh di bhap bini. Ini lac tukvak piah parilo dom kênh pambuak gauk piah pablei salih, taduan mek, ba brei công nghệ piah ngak tabiak dom pandap panda kỹ thuật, hậu cần phao ndao, pabak hu bruk di bol par phao kraong.

Công ty Điện lực Bà Rịa- Vũng Tàu brei thau, meng puac bilan 10/2022 tal urak ini, 3 baoh mac hu abih tih prein 3.800kW di Côn Đảo rilo mbang gaok kan kandah di kỹ thuật, njauk brei padeih nduac. Gah dien di kaoh pulao njauk kurang labaih 4MW/ngày, gah điện lực hu harak payua dom tuai pandar praong abih ieu kakei lac trun manieng bruk pandar điện, nduac mac phát điện eng drei hu dalam tuk daok cang ngak pasiam veik bala. Meng di thun 2017, huyện Côn Đảo hu 9 mac phát điện daok ngak bruk ngan haong abih tih prein nduac labaih 12,3MW. Dom thun jaik di ini, prein pandar điện di Côn Đảo tagok labaih 30% nan ye njauk buh tame 100 tỷ đồng yaok thun.

Akaok Hội đồng châu Âu Charles Michel daok caga gaok Akaok negar Trung Quốc Tập Cận Bình. Tui khau tin tuk camriep, di mbang taom gaok di Bắc Kinh harei 1-12, dua urang par akaok meda ginum biai ka dom kan kandah di dunya dalam nan hu gam bruk mesuh gauk di Ukraine, bruk catang tagok di Đài Loan saong dom suh sah di EU ka dom bruk pambuak gauk gauk gah kinh tế daok lahik cân bằng.