Piah peih jalan Hồ Chí Minh tapa bhum Taneran kraong Cửu Long, Mintri Jalan mbak pajeng ba (GTVT) payua tagok Rajaei pathau khan roh duah bruk kuhria peih ngak Danak dak buh jien tame padang ngak jalan Hồ Chí Minh labik Rạch Sỏi - Bến Nhất, Gò Quao - Vĩnh Thuận (tapa Kiên Giang saong Bạc Liêu). Abih tih phun jien buh tame jaik 4.000 tỷ đồng meng kadung jien kanja. Mayah hu brei ngak, Mintri Jalan mbak pajeng ba kham merat brei ngak salah di thun 2025. Tuk labik jalan ini hu ba tame pandar meda pambuak jalan roya 61 haong dom pasak Rạch Giá, Vị Thanh saong jalan roya 63 nao Vĩnh Thuận, Bạc Liêu saong Cà Mau; ba kein lagaih jhul patagok gah ngak kong, đô thị, du lịch, dịch vụ di bhum taneran kraong Cửu Long.

UB bhap bini tỉnh Cà Mau birau mbaok tangin brei peih ngak danak dak pabak ia hacih ka bhap bini bhum palei pala dalam tỉnh haong yaom phun jien abih tih labaih 74 tỉ đồng, meng  kadung jien karja  tỉnh. Danak dak meda pabak ia hacih tani tanat, khang kajap ka labaih 13.860 baoh sang, ngak jeng danak dak praong, rik daong patagok kinh te XH di tỉnh. Gam haong nan brei paglong  prein yawa di bhap bini, pasiam alam moi truong, piah patrun dom ruak kik meng halau ia.

UBND tỉnh Đồng Nai bahrau ba tabiak jalan ngak pacang caga ruak kik di manuk ada, athur raong, kaya ikan dalam tỉnh. Dalam nan, tui kuhria phun jien buh tame pacang caga jit lac jaik 29,4 tỷ đồng meng kadung jien kanja tỉnh, huyện. Meng jalan khuria ngak ini, dom puk palei meda kuhria dahlau pok jien pacang caga jit ruak di manuk ada, athur raong, kaya ikan; padang ngak dom asal kadha pathau khan, peih tal pasram ka bruk pacang caga jit ruak, pato tacei, jhul samar, pasang iek bruk pacang caga jit ruak.

Công an  tỉnh Vĩnh Long birau peih bruk pok meyaom Công an xã Thành Lợi ( huyen Bình Tân) saong 2 urang duah mboh samar bruk blah tiem ameh di ban sit Bình Minh. Akok UB bhap bini ban sit Bình Minh jeng hu alin harak meyaom ka 10 urang naih gheih dalam bruk pagui mek hu samar menuac blah  nan. Dahlau di nan, di jala pandiak harei 31/01 rah tabiak bruk blah tiem ameh di phường Thành Phước, ban sit Bình Minh. Meng ilamu ngak bruk, dom urang Kong an chap hu Huỳnh Dũng Em, daok di xã Thành Lợi, huyện Bình Tân lac urang tame blah. Tapa pasang iek mek hu veik 48 trieu 445 ribau đồng saong sa yau parik tanye ameh.

Pasak Y tế huyện Chợ Mới hu taduan taong ruak ka 35 urang njauk jru mek kayua mbang bu ratak bhong di xã Long Điền A. dalam dom urang ini, hu 4 urang njauk jru mek pandap mbang trak, hu ba tagok Sang iek ruak Đa khoa pasak An Giang. Dalam nan hu 2 urang ruak njauk suy đa cơ quan, njauk halang darah rilo mbang saong njauk taong ruak hồi sức tích cực, mbuan metai. Dahlau di nan, dom urang ruak hu mbang bu ratak bhong kayua amuk Nguyễn Thị Ánh T. (daok di xã Long Điền A) ngak di bier harei 3/2. Tal dah page 4/2 amuk T. alin bu ka rahra oh mek jien. Hadei di tuk mbang bu, tal maong 11 melam, rilo urang mboh pandik tung, aih traoh rilo mbang, takhaoh ta-ok, pandiak hu pajeng nao cấp cứu di pasak Y tế huyện Chợ Mới.

Kuhria tal urak ini,  dom menuac metai dalam mbang megei baoh taneh rah tabiak tuk subuh page harei 6/2 di Thổ Nhĩ Kỳ saong Syri tagok tal labaih 3.600 urang. Tapa thaok binguk meng Thổ Nhĩ Kỳ saong Syri  brei mboh biak pandik harao, dalam tuk kuhria mboh lac dom menuac metai meda hu rilo jang dalam tukvak anak tal jeng yau dom harei tal, kayua daok yaok rituh urang daok gar tavak  dalam dom sang jaleih.  Dom kapol daong urang gaok bala di dua taneh ia daok gaok kan kandah kayua hajan saong tuyet piah duah dom urang daok diuk. Rilo taneh ia di dunya brei thau lac halan hatian daong Thổ Nhĩ Kỳ saong Syri pasiam dom kan kandah di bala megei baoh taneh.

Đảng Lao động Triều Tiên hu brei tapa sarak ka bruk cak rok patagok ngak nong. Tui sarak bahrau, piah gah ngak nong cak rok patagok tani tanat saong khang kajap, Triều Tiên njauk brei cak rok patagook dahlau di abih ilamo saong công nghệ pandar dalam gah ngak nong. Asal kadha sarak jeng brei thau lac, sa dalam dom bruk ngak hu makna saong samar drah di urak ini di Triều Tiên lac padang jalan cak rok patagok gah ngak nong ka nyyu njauk. Mintri Chính trị Ban Chấp hành trung ương Đảng Lao động Triều Tiên jeng brei peih mbang ginum biai dalam abih gah peih praong mbang ka 7 di puac bilan 2 piah taong yaom bruk peih ngak danak dak salih bahrau puk palei dalam thun 2022.

Dalam tuk kinh te dunya daok gaok rilo kan kandah, Indonesia jeng hu bruk patagok kinh te glong abih dalm jaik pluh thun tapa. Kuhria taong abih pandap ngak tabiak dalam negar  Indonesia thun 2022 tagok 5,31% dut saong tukvak ini thun dahlau. Ini lac tanut patagok glong abih di gah kinh te Indonesia kuhria meng thun 2013. Dom gah pablei salih hu tagok sumu gauk meng cong nghiep, pablei salih, ngak nong, khai khoang saong padang ngak. Langiu di nan, kinh te hu patagok gilac  daok pambak tame bruk pablei salih, blei pandar dalam sang saong gah dulich hu pasiam veik./.