UBND ban Cần Thơ bahrau patabiak Harak ka bruk peih ngak Danak dak cak rok patagok pandar dữ liệu ka rahra, định danh saong xác thực điện tử. Tui nan, dalam thun ini, jabat, kapul di pak ini pasang iek tal tal abih tih dom urang jakar, công chức, viên chức oh ieu rahra ba tabiak dom harak gar karei brei thau ka khau tin hu blaoh di mangaok Căn cước công dân pagam chip tuk ngak dom adat hành chính. Pathau khan rahra pandar tài khoản VNeID piah tame Cổng dịch vụ công taneh ia. Ieu kakei taong abih dom urang jakar công chức, viên chức njauk peih ngak dịch vụ công online saong pathau khan ka gauk gar pandar dịch vụ công online patakik bruk nộp harak gar tapak…

Thun ini, tỉnh Cà Mau daok jhul khang bruk salih birau hành chính, pasiam bruk buh jien tame ngak mbang, pablei salih, pachreih urang buh jien tame ngak mbang piah jhul patgaok kinh te tui jalan patagok kinh te - xã hội 5 thun, vaktu 2021 -2025 hu HĐ bhap bini tỉnh brei tapa. Dalam nan, tỉnh hu iew da-a urang buh jien tame ngak dom danak dak hu makna  praong  piah ngak brei patagok kinh te saong brei pasang iek piah khik kajap dom jalan ngak, dom danak patagok kinh te – xa hoi lagaih haong bruk quy hoạch. 

Gah CARE Dunya di Việt Nam daok peih ngak danak dak “Kham marat – patagok jalan ngak mbang khang kajap”, piah daong ka urang nong xã Ea Drông saong xã Cư Bao, ban sit Buôn Hồ, tỉnh Đắk Lắk. Danak dak pamaong tal bruk jhul samar, cak rok patagok jalan ngak mbang ka dom sang ngak nong sit, abih di nyu nan lac urang kumei saong mikva bangsa takik tapa dom bruk daong rahra hu pandap panda ngak mbang, khau tin ka darak pasa saong dom prein khang caong hu. Bruk pamaong ngak lac rik daong pasiam raidiuk ka labaih 4.000 urang kumei saong mikva bangsa takik daok di ban sit Buôn Hồ.

Dalam bilan 1 thun 2023, tỉnh Vĩnh Long hu labaih 1.900 mbang urang mai klauk jru pacang ruak gila( meruai), urang njauk asaw, meyao kaik tagok rilo. Meng vaccine klauk di tangin, mikva brei klauk 5 mbang piah caga ruak meruai. Nan ye, bruk pabak ginup vaccine piah klauk caga lac bruk hu makna biak praong. Pasak pasang iek ruak kik Vĩnh Long hu caga dom jalan pabak, caga vaccine meng aval. Ruak meruai lac ruak njom mbak cấp tính, tuk meruai, bhian metai.   Nan ye, dom urang ilamu hu kakei bhap bini  brei tame dom labik y te klauk jru tuk njauk athur kaik piah pacang caga metai kayua ruak meruai.

Urak ini dom bein pa-ok blait di tỉnh Bình Phước daok tame tukvak tabung glaong tabiak bingu, ndam baoh. Min, bein pa-aok blait pala njauk atau oh mikva urang pala jeng oh ka kuhria mboh dahlau hu. Kayua meng di tuk Tết nguyên đán tal urak ini hu rilo mbang hajan suan bilan, oh siam ka pa-aok blait kayua langik tasik. Urak ini, rilo urang pala pa-aok blait daok kham merat sangka bein pa-aok blait piah daong ka phun cak rok patagok praong siam dalam tuk phun daok tabiak bingu, patrun patakik dom khut khat di langik tasik.

Kadung jien Dunya (IMF) birau ini brei thau sa harak pathau khan ka bruk kinh te Trung Quốc, dalam nan, hu ndom tal gah sang danaok taneh riya di taneh ia ini. IMF mboh lac, Bắc Kinh brei hu dom jalan ngak pabak piah padeih dom bruk di drak pasar taneh riya. IMF pok meyaom  dom jalan ngak dalam tukvak jaik ini di karja Trung Quốc. Thun blaoh, darak pasar sang danaok taneh riya Trung Quốc laik tame  sraw kadau tuk rilo kapol nyaom praong gah sang danaok taneh riya tavak sre. Hadei di nan, dom urang jakar taneh ia ini hu dom jalan ngak  piah tani tanat darak pasar, pasiam veik hatai jia di urang blei sang.

Cảnh sát pacang caga jru aphin tỉnh Bokeo, Bắc Lào bahrau taong tayah sa bruk pajeng jru aphin praong abih trak 500 kg. Dom aphin ini hu dom urang kadauk saong khik piah di mangaok radaih ôtô bán tải piah ba nao pablei. Tui jabat pasang iek, ini meda lac sa jalan pajeng aphin tabiak negar langiu piah pablei biak rilo. Urak ini jabat chức năng daok peih bruk pasang iek, peih praong bruk. Lào hu jalan tapen negar atah saong jaik taphia  rilo taneh ia. Kayua yau nan ye, rilo nyaom urang pablei salih, pajeng jru aphin hu pambauak tame labik bhum tapen negar piah ngak bruk.

Kapol Meta brei thau lac hu peih veik bruk pandar Facebook saong Instagram di Tổng thống Mỹ dahlau diah lac Donald Trump hadei di dua thun. Yau nan min, Meta brei thau lac meda ba tabiak dom adat taong phạt glong jang meyah Tổng thống Mỹ dahlau diah ngak suan dom sarak ka asal kadha. Dahlau di nan, Meta pacang oh brei Tổng thống Mỹ dahlau diah tame Facebook saong Instagram hadei di bruk srau kadau di Đồi Capitol di bilan 1 thun 2021. Kuhria tal bikan 1 thun 2023, ong Trump hu 23 trieu urang tame iek Instagram saong 34 triệu urang tame Facebook./.