Melam kabroi (6/8), rahra TP.HCM saong tuai damuai dalam taneh ia, tuai dunya hu maong iek danak dak daoh tamia “jalan kraong puac dalikan” di mangaok kraong Sài Gòn. Brei panuac di danak dak, ong Phan Văn Mãi, akaok UBND TP.HCM ndom lac: kraong saong ribaong oh lac rik daong tame ngak jeng thaik thaok, mbaok mata di Sài Gòn - Gia Định - TPHCM bo daok ba tui jalan ia nduac, bruk parilo janih ka ilamo piah pambuak gauk ba drei tame saong ngak jeng yaom glaong ilamo siam makre di gah maraong negar, ngak jeng jalan diukrai siam makre, bui sambai, hatai yam tabiak tasik praong di rahra TP.HCM.  danak dak yau panuac thau dhal phol tal rai dahlau hu peih taneh, yaokrai  rahra ba gauk mai daok, ngak bruk, mesuh metak piah dak padang, jao veik dom inem krung ilamo di jalan kraong ka rai hadei.

Urak ini di dom labik, dom tinh ban, hu bruk pataom blei padai brah biak rilo, tapa nan, jhul yaom padai brah dalam taneh ia tagok glaong oh njauk haong yaom biak di nyu. Piah khik kajap bruk siam mekre salamat padai brah pandap mbang di taneh ia, Thủ tướng Rajaei hu panuac ieu Akaok Mintri ngak nong saong Patagok palei pala dang tabiak, pambuak bruk haong akaok Mintri Tài nguyên & Môi trường, tacei pato dom puk palei, dom tinh ban pasang iek jalan ngak patagok dom bhum pala padai praong, chất lượng glaong, khik kajap taneh ngak padai, tui iek catang bruk langik tasik, bala meng langik tasik saong jit ruak piah samar ramik veik bruk pala ngak, khik kajap bruk ngak hu 43 triệu tấn padai sa thun dalam dom thun patui di nan; samar tacei pato, kakei dom tinh ban, dom doanh nghiệp saong dom sang urang ngak nong ngak catang tui dom adat di Việt Nam saong dom taneh ia blei brah tame.

Mintri ngak nong saong patagok palei pala brei thau lac: “pandap ikan pra di Việt Nam hu pablei tapa 140 darak pasa di dunya. Sa bruk siam lac ikan pra pablei tabiak negar langiu dom bilan jaik di ini brei mboh hu patagok. Dom ikan pra daok kadaong dalam kho di rilo taneh ia daok trun. Tui kuhria, kim ngạch ikan pra pablei tabiak negar langiu dalam thun ini meda mek hu 2 tỷ USD. Min, bruk salamat pandap mbang chuỗi sản xuất, ngak tabiak ikan pra jeng daok njauk haduh hatai. Dom labik raong daok pandar jru hóa chất, kháng sinh pakauk dalam bruk raong ikan pra saong oh hu langyah tal labik…

Hadei di 3 bilan trun khang, yaom hadang thẻ di dom tỉnh miền Tây daok tagok veik. Di Sóc Trăng, yaom hadang thẻ hu urang blei salih mai blei yaom 137.000 đồng janih 30 drei sa kg. Di tỉnh Cà Mau, sa dalam dom pasak di drei hadang, jeng daok chreih chrai tagok bruk pablei hadang. hadang thẻ tagok yaom khang di abih lac janih 30 drei sa kg (tagok 15.000 đồng/kg duk haong adit dahlau), dom janih hadang karei tagok meng 5.000 tal 10.000 đồng/kg. Yaom hadang tagok hasit nan ye rilo mikva raong hadang jeng daok cang yaom glaong jang piah pablei.

Hajan ia sua dalam dom harei tapa ngak khat lahik biak trak ka dom tỉnh Tây Bắc. Di tỉnh Sơn La, Lai Châu saong Yên Bái hu 7 urang metai, 3 urang njauk rambuac; rilo labik jalan njauk glut jaleih ngak gar jalan nao mai; ngak khat lahik tal yaok ratuh tỷ đồng. Urak ini, bruk pasiam kan kandah di bala hajan ia sua daok hu dom tinh, ban peih ngak samar drah, dalam nan hu brei ngak dahlau di abih lac bruk ba rahra tabiak truh labik glut jaleih; oh caik ka rahra iek lap ndih veik di hamu, puh atau tabiak kraong taong mek ikan, duan njuh tuk hajan ia tuh mai, gam tui di nan jeng jak ba dom sruh radaih, mac ngak thuan jalan samar drah di dom bhum labik njauk pacang cakak.

50 baoh kraong di Trung Quốc daok hu ia tagok glaong tapa tanut cảnh báo, kayua hajan praong. Dom labik kraong gah Đông Bắc taneh ia ini daok dang anak bruk ia dauk ia sua biak khang. Dom tỉnh gah Đông Bắc lac Liêu Ninh, Cát Lâm saong Hắc Long Giang tagok pakat 3, tuk ia di dom kraong tame bak dom mblang hamu, dauk sang danaok, ngak brei rahra panduan nao daok di labik karei. Tui rayo papar binguk negar Trung Quốc, labaih 40.000 menuac di ban Vũ Xương njauk ia dauk, hu ba nao daok di labik karei piah khik siam mekre, salamat.

Takik di nyu 25 urang metai saong 80 urang karei njauk rambuac hadei di tuk 10 toa di sruh radaih pui nyu blait baoh di harei 6/8 pak tỉnh Sindh, gah maraong negar Pakistan. Dom urang njauk bala hu ba nao taong ruak di dom sang iek ruak di pak nan, dalam tuk dom urang njauk bala meda daok patagok tuk sruh radaih pui ini pajeng biak rilo tuai. Kanja palei hu ba tabiak bruk samar drah di dom sang iek ruak, gam tui di nan bruk daong duah urang njauk bala jeng daok peih ngak samar drah. Urak ini dom jabat chức năng daok peih bruk pasang iek piah ngak cambaih laih makna ba tal bala.

Rayo ABC News brei thau, sa urang metai kayua njauk jru mek ia lac anai Ashley Summers, umo 35 thun, daok di bang Indiana, Mỹ. Urang dalam sang di anai brei thau, anai Summers mboh lac rup lahik ia, nan ye anai menyum jaik 2 lít ia dalam  20 minit. Min hadei di nan, anai mboh having akaok, pandik akaok saong var drei dalam sang caik radaih. Yaom lac hu ba nao cấp cứu di sang iek ruak min urang kumei ini oh tapa truh kayua njauk jru mek ia. Njauk jru mek ia lac sa bruk biak tagik gaok min kan kandah, nyu rah tabiak tuk sa urang menyum biak rilo ia saong menyum biak samar, ngak ka rup lahik bruk samu gauk di điện giải./.