Patui mbang nyaom ka 3, Quốc hội mbang 15, dah page ini, Quốc hội ginum biai, brei panuac ka Danak dak hukum pasiam, pabak dom paka di Hukum Sở hữu trí tuệ. Tui taong yaom, Danak dak Hukum pasiam, pabak dom paka bahrau di Hukum Sở hữu trí tuệ hu rilo bruk bahrau njauk caik hatai tal, min jeng hu dom asal kadha daok hu rilo panuac karei di gauk, yau ye: bruk jao quyen tut angan ngak bahrau, kiểu dáng công nghiệp, padang ngak, rami ramik lac tabiak meng bruk ilamo saong công nghệ pandar kadung jien kanja; bruk patakik veik urang taong phat bruk ngak suan dalam gah sở hữu trí tuệ... Bira harei, dom urang QH meda ginum biai di kapul ka danak dak Hukum pacang, caga bruk taong paoh dalam sang hu ramik pasiam veik saong Danak dak peih ngak dân chủ di cơ sở.

Iek tui bruk ramik caga di anak meta, tui panuac cong di dom jabat hu pagam tal, Quốc hội brei kandun veik tuk vak pok tagok brei thau  5 danak dak padang ngak  jalan nduac samar : Châu Đốc - Cần Thơ - Sóc Trăng (tuk vak ka 1); Khánh Hòa - Buôn Ma Thuột (tuk vak ka 1); Biên Hòa - Vũng Tàu (tuk vak ka 1) song  2 danak dak padang ngak  jalan vành đai (jalan Vành đai 4 labik ban ine Hà Nội song jalan  Vành đai 3 TPHCM) meng harei  31-5 trun tal harei  6-6-2022.

Tỉnh Đồng Nai hu ngak salah bruk yaok iek bruk pandar taneh ngan haong dom baoh sang saong kapul nyaom hu taneh njauk mek veik piah pabak ka bruk ngak jalan ka 1 saong jalan ka 2 pambuak mblang kapar haoh Long Thành. Piah padang ngak 2 jalan pambuak mblang kapal haoh Long Thành, gah chức năng njauk pataom mek labaih 140 ha taneh di labaih 600 baoh sang saong kapul nyaom. Hadei di tuk ngak salah bruk yaok iek taneh riya, dom jabat chức năng daok pambuak gauk peih bruk pasang iek, brei thau cambaih  asal di taneh riya nan. Tui kuhria, quý 3 ini, meda peih bruk biyar jien, daong tái định cư ka bhap bini daok di bhum danak dak.

Pahadar harei dunya uranaih  1/6 song Bilan ngak bruk kayua uranaih thun  2022,  Sở Lao động – Thương binh song  Xã hội tỉnh An Giang pambuak bruk song dom jabat hu pagam tal bruk jao brei labaih  800 pok pandap, yaok pok pandap  yaom 250.000 đồng ka uranaih hu rai duik biak kan kandah; uranaih njauk njauk tong paoh, uranaih njom HIV/AIDS, uranaih metui medar kayua Covid-19,… tapa nan, dong ka dom adei ba drei tame cộng đồng, hu iek glang rai duik hatai sahneng dak harei dak siam jang.

Pambuak tal bruk anek saih di sang bac Quốc tế TPHCM - American Academy (ISHCMC - AA) taong gauk, harei ini So pato magru TP.HCM hu pathau khan payua tagok UBND TP.HCM ka bruk ini. Dahlau di nan, So pato magru hu ieu kakei Sang bac Quốc tế TP.HCM samar drah hu jalan langyah oh  ngak pambak rilo tal bruk bac di anek saih dalam sang bac. Gam tui di nan jeng ieu kakei sang bac tuk ngak cambaih bruk ye suan tal halei ye tui adat bo langyah, taong phat, kỷ luật anek saih bo sang bac hu ba tabiak tui njauk adat.

Dalam mbang ginum biai song  Tổng thống Thổ Nhĩ Kỳ, Tổng thống Nga brei thau, Nga halan hatain daong palagaih ka bruk pablei tabiak negar langiu ngũ cốc meng dom pabah lamnge tasik  di Ucraina song pambuak gauk di Thổ Nhĩ Kỳ.Nga song Ucraina meblah 29% tổng lượng pablei tabiak negar langiu lúa mì dunya . Nga dok cong khin  tame sa bilan pataom mek dalam thun ni, song pandap pablei tabiak negar langiu hu pajeng ba tabiak truh dom mblang pabah lamnge tasik prong mangaok Biển Đen di Nga, dalam tuk  Ucraina dok njauk bol lin Nga pacang veik.

Sang mac dien pandar năng lượng ia harei gam ia tasik tagok camriep abih di Trung Quốc hu ba tame pandar. Ngan haong mblang taneh praong 133 ha, sang mac dien hu prein khang 100 megawatt, tui kuhria yaok thun sang mac ini meda ngak tabiak điện labaih 100 triệu kwh, pabak hu bruk pandar dien yaok thun di labaih 30.000 baoh sang. Tui kuhria, sang mac dien meda patak pataom hu labaih 31.600 tấn dhang tiêu chuẩn, gam tui di nan jeng trun manieng khí thải carbon dioxide jaik 84.500 tấn yaok thun.

Gah Y tế dunya  (WHO) brei thau, di tuk vak urak ni, WHO oh jia lac mbang tamuh ruak  đậu mùa khỉ gah langiu  châu Phi hu ba tal sa jit prong. Dalam bilan 5, dunya hu labaih 300 urang medhi song hu duah thau njom ruak  đậu mùa khỉ, rilo meng lac di châu Âu. WHO dok pasang iek  jalan rah tabiak ruak đậu mùa khỉ hu mong lac bruk  y tế công cộng samar ba tal huac kanda ka dunya ngan song  COVID-19 atau  Ebola halei oh, tapa nan dong jhul samar bruk roh duah song dong ba piah pacang cakak jit prong./.

Urang lang: Thu Thao & H.Pha - 31/5/2022