Hu mbaok var peih ngak dom paok thầu di danak dak Jalan Vành đai gah Pei Ban Cần Thơ page ini 17/11, Thủ tướng Rajaei Phạm Minh Chính lac, tuk peih ngak danak dak meda brei hu asar siam abih, njauk bruk ba tabiak min brei dui katut tukvak peih ngak danak dak meng bruk salih jalan padang ngak, jalan ngak, jak ba abih prein khang di po thầu. Ngan haong dom baoh sang tavak tame danak dak, Thủ tướng brei  peih ngak labik daok birau ka bhap bini sumu atau siam jang labik daok klak. Danak dak jalan gah Pei Ban Cần Thơ kuhria abih tih jien buh tame labaih 3.837 tỉ đồng. Tuk danak dak  ngak salah blaoh  hu ngak jeng jalan mbak pambuak gauk, daong ka bruk pajeng ba pandap, tuai damuai di ban saong dom tỉnh jaik taphia hu mbuan lagaih.

Di nyaom biai “Ngak brei tagok samar jang gah ravang me-in saong pablei salih di TP HCM haong tỉnh Vĩnh Long" rah tabiak bahrau ini, urang pan akaok dom sở, ngành di TP HCM haong Vĩnh Long hu mbaoh tangin tame 13 asal kadha pambuak bruk patagok pablei salih, ravang me-in. Tui UBND TP HCM, bruk pambuak pagam TP HCM haong tỉnh Vĩnh Long dalam tukvak ini peih tabiak jalan ka bruk cakrok kinh tế - ilamu - xã hội di tỉnh Vĩnh Long, jeng yau ĐBSCL saong TP HCM dalam tukvak tal. Gam haong nan, daong palagaih ka doanh nghiệp padang jalan cakrok darak pasar, buh tame dom prein khang piah peih praong bruk ngak mbang, pablei salih hu tani tanat.

Huyện Bình Tân, tỉnh Vĩnh Long birau peih bruk taduan Quyết định di Thủ tướng  Rajaei brei angan huyen mek hu tanut chuan palei pala birau. Ini lac sa dalam dom bruk ngak piah pahadar 100 thun harei menek Thủ tướng Võ Văn Kiệt.Hadei labaih 10 thun, hu bhap bini njuak hatai ngak tui, huyen ngak birau saong peih praong 107 jalan mbak dalam palei kuhria abih tih atah labaih 245 km. Baoh sang kathaot daok 149 baoh, trun 2.040 baoh sang dut saong thun 2011. Taong abih baoh sang bhap bini hu pandar điện saong ia hacih. Dom adat ilamu, pato megru, y tế, an ninh chính trị, trật tự an toàn XH…hu tani tanat.  

Harei ini (17/11) Mintri Pato Megru hu sarak brei pambuak bruk peih pakacah mek chứng chỉ sap Anh IELTS di Việt nam ka Cty TNHH Giáo dục IDP (Việt Nam) saong IELTS Australia Pty Ltd (Úc). Tukvak pambuak gauk peih bruk pakacah lac 5 thun, kuhria meng harei sarak ini hu ba tabiak pandar. Anek saih pakacah mek chứng chỉ IELTS di IDP di 4 labik dalam taneh ia, lac 2 labik di Hà Nội, 1 labik di Đà Nẵng saong 1 labik di 161-161A jalan Hai Bà Trưng, phường Võ Thị Sáu, quận 3, TP.HCM.

Tal tukvak ini, hu 8 D.N, HTX pablei salih dịch vụ di tỉnh Tiền Giang  tut angan tame Danak dak khik piah, pabak pandap pandar dalam tuk Tết nguyên đán Anek sak Tapai Qúy Mão kuhria yaom pandap khik piah labaih 450 tỷ đồng, tagok 13% dut saong  Tết thun blaoh. Dom thun tapa, Tiền Giang tui ngak danak dak khik piah pandap Tết piah duh ka bruk blei pandar  di bhap bini  saong oh caik rah tabiak bruk kurang pandap tagok yaom.

Tổng thống Mỹ Joe Biden – urang pan akaok di Đảng Dân chủ hu payua panuac tadhau ayuh tal dom urang dalam Đảng Cộng hòa tuk meblah hu rilo kik jang di Hạ viện, hadei di mbang pilih ruah kreih nhiệm kỳ di adit dahlau. Dalam sa panuac hu Nhà Trắng ba tabiak, Tổng thống Mỹ khan lac meda pambuak bruk haong dom nghị sĩ Cộng hòa piah yasa dom bruk, dom jalan ngak, piah ba mai raidiuk siam mekre di abih ka bol bhap rahra. 

Triều Tiên birau hu panuac brei thau dahlau ka “ dom phản ứng quân sự khang jang” ngan haong Mỹ saong dom đồng minh, anak bruk Mỹ brei thau lac meda parilo bol lin dalam  bhum gam haong dom đồng minh. Akok Mintri Ngoại giao Triều Tiên lac, Mỹ daok peih ngak sa “bruk praong metai diuk” bo jia lac meda ba tal dom bruk khat lahik biak damen.

Ủy ban châu Âu (EU) daok kuhria ba tabiak tanut yaom glaong di abih ngan saong yaom khí đốt tự nhiên hadei di harei 24/11 tal piah pacang cakak bruk srau kadau. Dalam rilo bilan tapa, EU neh rabha gauk ka bruk lac njauk ba tabiak tanut yaom glaong abih ka khí đốt halei oh dalam tuk EU daok kham merat pacang lạm phát saong yaom năng lượng tagok glaong kayua Nga cakak trun bruk pabak khí đốt. Rilo taneh ia hu panuac ieu EU ba tabiak tanut yaom glaong di abih ka khí đốt dahlau di harei 24/11 saong brei thau lac meda pacang dom sarak karei di EU meyah bruk ini oh hu ba tabiak./.