Mentri Jalan mbak pajeng ba daok pataom tame bruk pambuak gauk haong dom tỉnh ban ngak harak pathau khan roh duah meda ngak hu danak dak jalan pasei peih drah samar  TP.HCM - Cần Thơ, haong phun jien abih tih labaih 7 tỉ USD. Tui quy hoạch, jalan pasei TP.HCM - Cần Thơ, atah labaih 174 km nao tapa 6 tỉnh, ban , bruk roh duah , buh jine tame dahlau thun 2030. Bruk buh jien tame ngak danak dak  hu makna praong dalam bruk pambuak pasak bhum kinh te praong di gah Meraong, haong pasak bhum kinh te praong di Bhum taneran kraong Cuu Long, paglong prein meriak gauk, daong pabak pandap di bhum pablei tabiak darak pasar.

 Dah page ini (21/6), jaik 100 adei hu mbaok tame mbang tabiak mbaok di danak dak mbang bac bol lin kayua Thành đoàn TP.HCM pambuak haong Bộ Tư lệnh ban raya peih tabiak di tukvak hè 2023.  Meng phun jien abih tih meng kadung jien kanja, dom adei sit hu mbaok tame danak dak meda hu ba drei tame raidiuk dalam bol lin di Sang bac Quân sự Ban raya, hu mbaok tame bac taa, pasram dom ilamo, jalan ngak, adat di sa urang lin Wa Ho. Tapa nan piah pato ka hatai anit ranam taneh ia, hatai ranam baoh sang, dom bruk klah rabha, ba drei tame, abih di nyu nan lac dom danak dak nao hành quân dã ngoại, rivang iek labik inem krung di địa đạo Củ Chi, hu mbaok tame cuh pui lửa trại.

Labaih 32 ha taneh glai pacang caga di Đồng Nai hu likau brei salih tapa  peih ngak danak tái định cư ka labaih 4 ribau 500 bhap bini tavak tame danak dak jalan radaih peih drah samar Biên Hòa - Vũng Tàu. Danak dak jalan peih drah samar Biên Hòa - Vũng Tàu padang ngak di harei 18/6, yau nan min jalan tapa tỉnh Đồng Nai atah 53 km di 2 danak dak urak ini oh ka brei bayar jien, peih taneh.

Tal urak ini, urang nong di dom huyen bhum ia dauk di gah pai di tỉnh Tiền Giang: Cai Lậy, Cái Bè, Tân Phước,… hu yuak samar drah padai Hè Thu. Meng ngak samu gauk dom jalan ngak thâm canh tui ilamo, urang pala njauk, yaom glaong nan ye mikva biak chreih chrai. Năng suất tui kuhria meng 60 tal  70 tạ/ha, saong pablei hu yaom meng 6.500 đồng kg tagok, yaok ha laba hu labaih 20 triệu đồng.

Sang bac  Đại học Trà Vinh roh duah, peih ngak hu jak jeng pajaih la-u sáp meng kỹ thuật raong pagam phôi, raong pagam mô. La-u  sáp pagam phôi oh salih pajaih phun, brei salih jalan pagam pajaih brei baoh la-u sáp tal 80 - 90%. Langiu di nan, la-u ini daok lagaih haong BĐKH, brei baoh la-u sáp tani tanat. Urak ini tỉnh Trà Vinh daok peih ngak dom bruk daong ka baoh sang ngak tabiak pandap pablei salih, doanh nghiep hu caga pandap tamo ka pandap OCOP, abih di nyu  lac dom pandap OCOP meng la-u sap mek hu 5 patuk.

Tổng thống Iran Ebrahim Raisi brei thau lac, taneh ia ini meda oh likau dalam dom mbang ginum biai sanya hạt nhân. Tui dom khau tin brei thau lac, Mỹ daok ginum biai haong Iran piah cih tabiak dom jalan ngak meda patakik veik danak dak hạt nhân di Iran, biyar veik bruk tu do ka dom rahra Mỹ njauk cap khik saong biyar veik drap ar di Iran pak di negar langiu. Bilan dahlau, Ngoại trưởng Iran  Abdollahian brei mboh siam mekre ka mbang ginum biai daok hu peih tabiak piah pasiam veik bruk sanya hạt nhân thun 2015 saong yah klaak dom adat taong phat di gah phương Tây. 

Gah Thú y Dunya hu brei tapa panuac khan brei thau di Nhật Bản ka bruk tamat abih mbang jit cúm menuk ada độc lực glaong tamuh tabiak dahlau nan, ngak ka menuk ada njauk ba nao am cuh klaak biak rilo di abih. Nhật Bản oh hu mbang cúm menuk ada halei tamuh tabiak kuhria meng harei 7 bilan 4 thun ini saong Harak khan brei thau dom jalan pacang cakak bruk njaom mbak di jit ruak, dalam nan hu gam bruk am cuh klaak saong pruh jru pametai anek ruak dom labik raong praong hu ngak salah blaoh meng harei 13/5. Dahlau di nan, mbang cúm menuk ada tamuh tabiak meng bilan 10 thun bloh ngak ka taneh ia ini njauk am cuh klaak 17,7 triệu drei menuk ada.

Kapul urang roh duah ilamo di Sang bac Đại học negar Seoul di Hàn Quốc brei thau lac bruk mek ia dalam haluk di dunya daok ngak salih khối lượng di baoh taneh saong ngak ka baoh taneh ini megei. Tui kapul urang roh duah ilamo brei thau lac, meng thun 1993 tal thun 2010, kol drei hu kuac mek ia dalam haluk tal tanut bo baoh taneh pableng 78,5cm di gah timun. Bruk njauk mayai nan lac, dalam tukvak nan, anek manuac hu njuk 2.150 tỷ tấn ia dalam hakuk, samu  haong labaih 6 mm tanut ia tasik tagok. Bruk trục baoh taneh salih labik meda ngak ka dua gah maraong saong barak taduan hu rilo ia harei jang saong jhul samar bruk ralai ia patau./.