Kapol Dam dara, Kapol Urang kumei Bol lin Bien phong tỉnh Kiên Giang birau peih ngak Danak dak  “Ma-in sambai Tet Trung thu” ka uranaih, anek saih sang kan kandah di labik bhum taphia negar di 2 huyen Hòn Đất saong Giang Thành. Dalam mbang alin pandap Trung thu mbang ini hu 200 uranaih, anek saih hu taduan pandap, yaom labaih 40 trieu dong. Danak dak hu daong sangka dom adei hu sa Trung thu  sambai, haniem siam piah khang hatai jia, kham merat, pasram patia yam tagok dalam bruk bac da-a, piah hu jeng urang anek salut mbut, anek saih naih joi, cháu ngoan di Wa Ho.

Tui panuac khan di Công an TP.HCM, tuk camereip peih bruk pasang iek taong abih dom sang trọ, chung cư mini di dalam ban hadei di bruk khuah chung cư mini di Hà Nội, Công an TP.HCM mboh hu 1.541 labik ngak suan, taong phat labaih 2,4 tỷ đồng, brei padeih ngak 6 labik. Langiu di nan, gah chức năng jeng hu langyah 4 labik ngak suan gah padang ngak, 41 labik njauk langyah gah tut angan pablei salih saong 16 labik ngak suan gah tut angan thường trú, tạm trú.

UB bhap bini huyện Bù Đăng, tỉnh Bình Phước daok pambuak saong dom jabat, đơn vị pambuak tal brei ramik pasiam jalan nao tapa craoh  Lạnh njuak hajan ia sua ba theik, daong ka bhap bini nao mai hadei di sa tukvak njauk pacang cakak. Tui duah thau, kayua langik ap thap nhiet doi, di xã Đường 10, huyen Bù Đăng hu hajan  praong di  ralo labik dom harei jaik ini. Ia di craoh Lạnh nduac khang ba tal brong tathuak ia gar tavak, ngak talah, tayah  labaih 50m jalan betong tapa craoh Lạnh. Tui kuhria mboh dahlau, hajan praong di ralo labik daok rah tabiak  dalam tukvak anak tal, ngak khut tayak jalan mbak ngak tạm; mbuan ba tal bala khat lahik drap ar, metai manuac urang.

Dalam 4 harei jaik ini, tỉnh Cà Mau hu labaih 6.100 urang ruak pandik mata bhong. Bruk njauk duh hatai nan lac, dom urang ruak rilo meng ruak trak blaoh meng nao tal labik iek ruak, hu dom biến chứng meng hu ba tagok dom sang iek ruak pakat tỉnh. Bruk ini brei mboh hatai iek lap di bhap bini dalam bruk iek ruak, taong ruak. Tapa nan jeng brei mboh lac, dom menuac njauk ruak dalam bhap bini meda hu rilo jang. UBND tỉnh Cà Mau hu tacei Sở Y tế jhul khang pathau khan pacang caga ruak pandik mata bhong pambak praong, abih di nyu lac dalam sang bac, labik bac ta-a. 

Anak bruk rah tabiak sraw kadau di jit ruak pandiak tabiak darah saong birau hu sa urang metai di quận Ô Môn, Akok UB bhap bini Ban raya Cần Thơ jao ka Yam ndoc Sở Y tế  dang kaok dalam bruk pambuak haong akok đơn vị  hu pambuak tal tui iek, tacei  ba urang ruak pandiak tabiak darah tui hukum ba tabiak. Tui nan, peih ngak dom bruk  pametai lang quang pacang caga ruak SXH pambak tame bhap bini, pasang iek jamoh saong peih bruk pasram ilamu pacang caga ruak pandiak tabiak darah, ilamu pathau khan saong jalan pasang iek, tui iek ka quận, huyen. Tui iek catang  bruk ngak brei hacih sruh jit ruak SXH di puk palei. 

Mboh lac rajaei Mỹ meda kreik pabah mbang di puac adit ini tuk dom nghị sỹ đảng Dân chủ tah klaak panuac di akaok Hạ viện Kevin McCarthy ieu Tổng thống Joe Biden thỏa hiệp. Dahlau di nan, Thượng viện Mỹ hu brei tapa sa dự luật kadun tukvak kreik pabah mbang rajaei di harei 17/11, saong di anak meta brei khik phun jien yau urak ini piah hu tukvak ka dom mbang ginum biai saong pabak yaok tỷ đôla daong ka Ucraina, daong ka bruk njauk bala meng langik tasik. Min rilo nghị sỹ đảng Cộng hòa maong iek dự luật này metai blaoh kayua Hạ viện daok ba tabiak sa jalan ngak di anak meta, dalam nan hu dự luật ka biên giới gam haong cakak khang bruk cai pandar di rajaei. 

Gah Vệ binh CM Hoi giao Iran cuh hu ve tinh quan su mbang ka 3 angan Nua 3 tagaok langik, brei mboh bruk yam tagok hu makna praong dalam  di Bol lin taneh ia ini. Dahlau di nan, bilan 4 thun 2020, ve tinh quan su mbang ka 1 angan Nua 1 hu Iran cuh tagok langik glong 425km saong ve tinh ka 2 lac bilan 3 meng blaoh glong 500km. Mỹ tuk halei jeng hu panuac lac cong nghe đạn đạo atah pandar  piah ba ve tinh tame quỹ đạo meda brei adat Iran peih ngak dom phao ndao meda ba đầu đạn hạt nhân. Iran hu atah klaak panuac ndem pauac nan.

Dom kraong ia patau di Thụy Sĩ daok ralai biak rilo dalam thun ini. Nan lac panuac hu ba tabiak dalam sa pathau khan kayua Jabat pasang iek kraong ia patau di Thụy Sĩ peih ngak. Tok dalam dua thun mai ini, abih tih dom kraong ia patau di Thụy Sĩ trun 10%, samu haong dom ia patau ralai dalam 3 pluh thun dahlau di thun 1990. Pathau khan pasang iek 176 dalam jaik 1.400 kraong ia patau di Thụy Sĩ brei mboh lac dalam thun ini, dom tuyết laik biar gam haong sa bilan ia patau ralai di bilan pandiak mai aval jang saong abih suai jang ba tal dom ia patau ralai lahik biak praong./.