Patui viek danak dak mbang ginum biai ka 10, dah page ini (26/4), Ủy ban Thường vụ Quốc hội hu brei panuac ka danak dak patui jalan salih bahrau, paglaong chất lượng, siam lagaih mbang nyaom Quốc hội saong bruk pasiam viek, pabak Adat mbang nyaom Quốc hội. Danak dak patui jalan salih bahrau, paglaong chất lượng, siam lagaih di Mbang nyaom Quốc hội hu kuhrai caga dahlau biak tani tanat, taong yaom, roh duah biak catang dom adat urak ini ka mbang gianum biai Quốc hội. Meng nan, pilih ruah, ba tabiak dom asal kadha patui jalan salih bahrau, paglaong jang chất lượng, siam lagaih mbang nyaom di Quốc hội. Bier harei ini, dahlau di tuk akaok Quốc hội Vương Đình Huệ brei panuac di tamat, Ủy ban TVQH ginum biai kadauk, brei panuac ka pathau khan quyết toán kadung jien kanja thun 2020 saong pathau khan jien padai kanja thun 2020.

Nyaom roya pakat negar  Kapul dong urang jaoh jo song uranaih metui  Việt Nam mbang ka 6 (tuk vak  2022-2027) hu peih tabiak tuk  mesup ni  (26/4), di Hà Nội. Hu mbaok di nyaom roya hu  350 urang hu palih ruah meng  47 tỉnh, ban, hội, hiệp thương song dom jabat  di Trung ương, dom menuac urang naih gheih. Abih di nyu nan lac, hu rilo urang lac urang  jaoh jo atau prong tagok  meng uranaih metui, urak ni, lac urang jakar hội, lac doanh nghiệp atau dom menuac urang kham merat dalam bruk  dong ka urang jaoh jo, uranaih metui.

TP.HCM hu panuac ieu Mintri pato magru jao ka UBND TP.HCM pasang iek, taong yaom saong ba tabiak paok asal kadha ilamo pato magru puk palei; jao quyen caga dahlau ka ban raya ka chỉ tiêu tal bac thường dalam sang bac THPT chuyên piah peih dom asal kadha sarak đặc thù cak rok patagok dom sap negar langiu saong peih ngak dom danak dak di ban raya. Langiu di nan, TP.HCM jeng hu panuac kakei brei ka dom labik pato magru di kanja hu pambuak gauk, salih tapa saong brei pandar bản quyền dom danak dak pato magru dunya haong dom labik pato magru di negar langiu, anek saih hu mbaok tame saong bac salah danak dak mayah ngak hu panuac ieu kakei di mbang pacacah pakat puac meda hu pabak brei harak bằng Việt Nam saong dunya.

  Pahadar 47 thun harei peih paha gah merong negar, yasa taneh ia (30/4/1975-30/4/2022), dhar kapul gru jru ranaih umo  huyện Ninh Hải, tỉnh Ninh Thuận pambuak bruk song kapul dam dara  pasak Y tế huyện bahrau peih bruk iek  ruak, brei  jru song brei pandap ka mik va Raglai palei Cầu Gãy xã Vĩnh Hải. Di labik ni, kapul hu iek ruak, song brei  jru ka labaih  150 urang, gam haong nan, hu brei  90 pok pandap, dalam nan hu dom pandap mbang huak  ka dom boh sang kan, ngan song yaom jien abih tih labaih 35 triệu đồng.

  Sang iek ruak Chợ Rẫy bahrau taong ruak hu siam mekre ka 1 urang njauk ruak laka jalan tung pruac, njom jru mek kim loại trak, meng jru nam. Urang ruak Nguyễn Thị H. (umo 27 thun, daok di tỉnh Đắk Lắk) mboh ruak viêm cột sống dính khớp, bhian nao iek ruak di khoa Nội cơ xương khớp, sang iek ruak Chợ Rẫy saong hu bác sĩ brei jru taong ruak. Min hadei di nan, kayua pang tui panuac  di urang daok jaik taphia, lac jry nam taong ruak viêm cột sống dính khớp siam jang jru prang nan ye urang ruak salih tapa manyum jru nam tui panuac khan di urang karei saong abih yaok rituh triệu đồng dalam 2 thun manyum jru nam.

Tổng thư ký Liên hợp quốc (LHQ) António Guterres) hu nao rivang  Matxcơva song Kiev, gam song nan, kuhria ginum biai ka bruk padeih cuh song dong ka rahra Ucraina. Harei  26/04, Tổng thư ký LHQ António Guterres hu nao tal Matxcơva piah ginum biai song Ngoại trưởng Nga Sergei Lavrov, hadei di nan Tổng thống Vladimir Putin hu taduan raok ong. Dalam harei  28/04, ong António Guterres hu tal Kiev song hu taom gaok Tổng thống Ucraina Volodymyr Zelensky. Dalam 2 mbang taom gaok nan, dom bruk ginum biai jeng kayua Tổng thư ký LHQ ba tabiak.

Kapul phi hành gia tư nhân camriep abih tagok Bilai vũ trụ dunya (ISS) hu tabiak vũ trụ harei 24/4 piah mai gilac baoh taneh, tamat mbang du hành dui atah 2 adit hu maong lac kadha hu makna praong ngan haong bruk ngak mbang gah du hành vũ trụ. Mayah oh hu hagait kandah kandaiy, gilai Dragon meda patauk trun Đại Tây Dương, langiu ar tasik Florida di  maong 1 bier harei 25/4 tui maong di Mỹ (lac maong 12 melam 26/4 tui maong di Việt Nam).

Ấn Độ brei padeih bruk brei visa du lịch ka tuai Trung Quốc. Sarak di Kapul pajeng ba jalan kapan haoh dunya brei thau, dom visa du lịch hu brei blaoh ka tuai  Trung Quốc jeng oh daok brei pandar. Tuai damuai lac rahra  Ấn Độ di negar langiu atau dom urang hu  thẻ urang asal Ấn Độ  song dom urang hu hộ chiếu ngoại giao hu brei adat tame  Ấn Độ. Dahlau di nan, Ấn Độ hu ngak bruk song Trung Quốc pagam tal bruk sinh viên Ấn Độ oh hu adat gilac veik bac daa di dom sang bac đại học Trung Quốc kayua dom tavak tavaiy dalam hukum  pacang caga jit Covid-19 di rajaei Trung Quốc./.

Urang lang: Thu Thao & H.Pha – 26/4/2022