Pho Thu tuong  Trần Hồng Hà birau hu panuac iew UB bhap bini dom tỉnh An Giang, Đồng Tháp, Vĩnh Long brei cuah dahlau chip ka dom danak dak ngak jalan peih drah samar Cần Thơ - Hậu Giang saong Hậu Giang - Cà Mau di danak dak jalan cao toc  Bắc Nam labik tapa Cần Thơ - Cà Mau), ngan haong dom cuah di thun ini tui tacei pato di Thu tuong  Rajaei di mbang nyaom ka 5 Mban tacei jalan Karja dom danak dak hu makna praong pakat negar, makna praong di gah Jalan mbak pajeng ba. Dahlau di nan, dalam harak van ban payua Thu tuong, Mentri Tai nguyen saong moi truong brei thau, kuhria abih tih cuah piah ngak danak labaih 18 trieu met khoi, dalam nan, bruk pandar dalam thun 2023 labaih 9,1 trieu  met khoi.

Danak dak pabak Vitamin A ka uranaih daok hu peih ngak di dalam taneh ia, saong jeng lac Harei Vi chất dinh dưỡng. Dom sang hu anek dalam umo thun jeng hu taduan ginup khau tin ka harei brei manyum vitamin A meng bilai y tế xã/phường, abih di nyu nan lac sahaneng mboh cambaih jang yaom glaong di janih vi chất ini ngan saong bruk cak rok praong tagok di uranaih. Min piah pacang caga bruk kurang vi chất dinh dưỡng, ye abih di nyu nan lac pasiam veik bruk mbang huak yaok harei, brei pandar pandap mbang hu rilo vi chất dinh dưỡng saong raong anek meng ia tasau amaik dalam 6 bilan camereip.

Tui Sở Pato megru Ban raya HCM, thun ini ban raya hu 85.453 anek saih tut angan pakacah tamat THPT thun 2023.  Dalam nan hu 9. 985 anek saih hu mien pakacah mon Ngoại ngữ. Mbang pakacah tamat THPT thun 2023 meda peih tabiak dalam dua harei 28 saong 29-6. Anek saih  tal bac 12 njauk brei ngak 4 kadha pakacah piah langyah brei tamat. Dalam nan, hu klau kadha pakacah karei di gauk lac toán, ngữ văn, ngoại ngữ saong sa dalam dua kadha  lac Khoa học tự nhiên, khoa học xã hội. Tanut pakacah THPT meda brei thau di mong 8 page harei 18/7. Anek saih meda pandar tanut pakacah piah tut angan palih ruah tame đại học.

Di ban Cần Thơ, hadei di tuk mehit lac jalan cao tốc Châu Đốc - Cần Thơ - Sóc Trăng meda nao tapa, dom urang di huyện Thới Lai hu padang ngak sang danaok di taneh ngak nong, atau pala rilo janih phun piah cang hu biyar. Bruk ini  ngak kan kandah tal bruk peih mbaok taneh di danak dak, mbuan ba tal srau kadau, lahik an ninh trật tự dalam rahra. Dom urang khin ngak suan atau pambak tame bruk biyar jien, peih mbaok taneh di danak dak piah duah kein laba ka drei njauk hu langyah catang, oh caik ngak kan kandah tal bruk peih ngak danak dak jalan mbak praong pakat negar.

Dom harei jaik ini, di bhum taneran kraong Cuu Long gam gam rah tabiak dom mbang mblung ia  biak pandik harao. Dalam nan meng harei 27/5 mbiah tal ini, rah tabial 3 mbang mblung ia ngak ka 7 uranaih metai. Hu sa baoh sang  hu tal 3 urang mblung ia. Di dom jalan kraong, ribong bhum palei pala, bruk uranaih pataom gauk menei ia kraong jeng daok mboh hu. Urak ini, rilo anek saih  yam tame bilan padeih he. Dom adei hu rilo tukvak ma-in haong ayut sahabat. Yau nan ye, amaik ame njauk bhian pato padar dom adei  juai ma-in labik ia dalam, ia nduac khang piah plaik njiak dom bruk pandik harao.

Jabat An ninh Liên bang Nga (FSB) hu duah mboh sa jalan ngak jhak di Jabat An ninh negar Mỹ (NSA), pandar mã độc hại bahrau tapa dom labik huan dalam phần mềm di phone par tangin Apple kayua Mỹ ngak tabiak, piah tame pataom mek dữ liệu. Dalam nan, hu gam dom phone pan tangin pandar thuê bao dalam taneh ia di Nga. Jabat An ninh Liên bang Nga brei thau lac, jalan ngak ini brei mboh “bruk pambuak gauk biak catang” di Apple haong Jabat Tình báo saong An ninh negar Mỹ.

Bruk lạm phát tagok glong dalam tukvak tapa ngak ka rilo urang Prang brei salih bruk bhian randap blei pandap. Rilo urang di Prang brei patrun meneing pandap mbang atau klak tapa dom bruk brei ngak catang gah asar pandap mbang. Tui kuhria mboh di Jabat Yaok pataom negar Prang, jien blei pandap mbang di dom baoh sang di taneh ia ini trun ralo abih 10% dalam bilan 4 meng blaoh, trun biar abih kuhria meng bilan 3 thun 2009. Kadha ini rah tabiak  hadei di tuk yaom pandap mbang  di Prang tagok glong jaik 16% dalam bilan 3 dut saong thun 2022.

Baoh taneh daok yam tapa dom tanut salamat ngan haong anek manuac kayua nhiệt độ tagok, jalan ia klaih klaoh saong alam langik tasik njauk palai pajoa. Ini lac bruk brei thau meng sa roh duah bahrau hu ba tagok blah tạp chí Nature. Roh duah mboh lac, tanut salamat ka bruk patagok nhiệt độ dalam dunya lac 1 độ C dut saong zaman dahlau di tuk tamuh tabiak bruk ngak kong. Min, tanut nhiệt độ anak meta lac 1,1 atau 1,2 độ C. Tui dom urang roh duah di Ủy ban Baoh taneh brei thau lac, tanut ini tagok 1,5 độ C, labaih 500 triệu menuac meda njauk gaok bruk kan kandah meng tanut ia tasik ndik tagok.