Di Mbang nyaom ka 17, HĐ bhap bini Ban raya HCM mbang X, vaktu 2021-2026, harei kabroi UB bhap bini TPHCM hu harak pathau khan ka danak dak padang ngak patagok jalan pasei ndo thị TPHCM tui Ket luan 49 di Mentri Chinh tri ka jalan patagok jalan pasei Viet Nam tal thun 2030, pamong tal thun 2045. Tui danak dak, tal thun 2035, Ban raya HCM hu padang ngak salah 183 km jalan pasei đô thị. Tal thun 2045 padang ngak labaih 168km  piah ngak salah 7 jalan  pasei do thi  tui Danak dak ramik pasiam Quy hoach padang ngak TPHCM mbiah tal thun 2040, pamong tal thun 2060, kuhria abih tih jalan pasei ndo thi tagok labaih 351 km…

Di huyện Tân Hồng, tỉnh Đồng Tháp, Đảng bộ Sang bac ĐH Bách khoa, ĐH Quốc gia TPHCM bahrau pambuak bruk haong Tỉnh đoàn Đồng Tháp peih bruk ba tame Đảng 16 urang đảng lac SV halan hatian di sang bac hu mbaok tame danak dak "Bilan hè hijao" thun 2024 di Đồng Tháp. 16 urang đảng bahrau ini, lac SV halan hatian, hu rah tapa tukvak kham merat ngak bruk dalam dom bruk ngak di Đoàn, Hội, abih di nyu lac danak dak halan hatian "Bilan hè hijao", hu sang bac mboh, thau saong pato pasram paglaong ilamu piah ba tame Đảng. Hadei di tuk ngak adat ba tame đảng, dom urang halan hatian daok ba tangin tame ngak dom bruk dalam danak dak.

Pahadar harei Thuong binh – Liet si 27/7 thun ini, tỉnh Tiền Giang brei padang birau saong jao brei 85 baoh sang anit ranam, yaok baoh yaom 60 trieu dong; pasiam veik 240 baoh sang khut, taik tahak(yaom 40 trieu đong sa baoh sang) piah daong ka dom urang buh prein ka cach mang hu sang daok tani tanat bruk ngak mbang saong raidiuk. Tukvak tapa,  Tiền Giang  samar peih ngak sumu rilo sarak daong, kuhria ka baoh sang hu buh prein ka taneh ia. Tapa nan, daong urang yam tapa kan knadah, tani tanat raidiuk saong sahanang hatai ngak mbang, abih di nyu nan lac sangka langyah  bruk sang daok ka urang hu buh prein ka taneh ia, meng bruk ba tangin tame daong di bhap bini.

Sa urang ngak nong di huyện Chợ Lách, tỉnh Bến Tre bahrau roh duah saong pala hu sa pajaih phun durian bahrau chất lượng glaong. Dahlau di nan, dalam mbang nao ravang me-in taneh ia langiu 6 thun dahlau, ong Nguyễn Duy Hiền daok di palei Vĩnh Lộc, xã Vĩnh Bình, huyện Chợ Lách, tỉnh Bến Tre mboh hu sa janih baoh durian biak bingi, karei jang dom janih baoh durian dalam palei. Nan ye ong Hiền ba pajaih mai pala angaok taneh bein di sang. Thun bloh, phun durian ini tabiak hu dom baoh, thun ini hu labaih 20 baoh biak bingi. Bilan 6 meng bloh, Sở Ngak nong saong Patagok palei pala tỉnh Bến Tre brei angan ka phun durian ini ieu lac Duy Hiền DH.1.

Tỉnh Kiên Giang pacang hu ruak sởi, oh luai tamuh jeng jit ruak, abih di nyu lac di Ban Phú Quốc. Meng bilan 4 mboh hu urang ruak tagok baoh dreih yau ruak sởi akaok meti di Ban Phú Quốc, mbiah tal ini, dalam tỉnh hu 127 mbang urang ruak sởi di 6 huyen, ban, dalam nan hu Ban Phú Quốc ralo abih, lac labaih 100 mbang urang ruak. Tuk mboh hu dom urang ruak akok meti, So Y te Kien Giang dang tabiak peih ngak pacang sumu ruak sởi, thau dom urang ruak, peih bruk caga ruak sởi. Langiu di nan, Vien Pasteur TPHCM hu rilo mbang pasang iek daong dom bruk piah caga ruak sởi, kuhria iek bruk klauk jru vaccine gam haong bhum palei. Meng nan, Phú Quốc pacang ruak sởi hu siam.  

Hadei di tuk Nyaom roya pakat negar di đảng Cộng hòa peih tabiak tuk biar harei kabroi (tui mon di Mỹ), lambaok dom tiểu bang njauk gauk brei ka ong Donald Trump lambaok đảng dalam bruk pakacah tame Nhà Trắng thun ini. Ong Trump hu kadha ndom puac taduan bruk nan di harei Jip, lac harei puac abih di nyaom roya. Ini lac mbang ka 3 ong Trump lambaok ka đảng Cộng hòa tabiak tranh cử Tổng thống kuhria meng thun 2016. Jeng dalam harei, ong Trump hu khan brei thau menuac tabiak tranh cử haong ong lac Thượng nghị sỹ Ohio James David Vance. Dom jalan sahneng gah chính trị di ong Vance hu rilo labik dreih yau jalan ngak di ong Trump.

Dom D.N Nhật Bản dak harei dak ba mbuan lagaih ka urang likei hu padeih adat piah iek glang sangka anek sit. Ini lac sa dalam dom bruk daong piah trun naong trak ka urang likei jeng yau kumei dalam bruk sangka baoh sang, meng nan pachreih ndih tapui anek dalam tuk bhap bini Nhat Ban dak harei dak taha. Tui yaok pataom, bruk metian anek di dom kong ty hu tagok ralo hadei di tuk hu harak khan ka urang ngak thau oh lac likei atau kumei hu padeih adat piah iek anek kuman birau ndih tapui.  

Tui yaok pataom di gah Y tế Dunya (WHO) saong Kadung jien Uranaih Liên hợp quốc (UNICEF), bruk klauk jru vaccine ka uraniah di dunya njauk dang veik dalam thun 2023, ngak ka labaih 2,7 triệu uraniah oh hu klauk jru atau klauk taki jang tuk dahlau di hu jit praong di thun 2019. Tapa nan ngak ka urang mboh huac lac meda ba tal tamuh dom jit ruak yau sởi. Angaok dunya hu tal 6,5 triệu uraniah oh klauk ginup vaccine pacang ruak bạch hầu, uốn ván saong ho gà mbang ka 3 piah hu khik pacang plaih di dom ruak ini tuk daok sit. Mbang ka 3 hu makna biak praong dalam bruk klauk jru vaccine di dunya./.