Tui Akok Mentri, Akok UB Bangsa  Hầu A Lềnh, dalam bruk peih ngak Danak dak pakat negar patagok kinh te - xã hội bhum urang bangsa takik saong bhum ceik mblo tabiak rilo bruk kan kandah, tavak tavaiy, njauk brei pathau khan piah Quoc hoi lang talaik, pasiam. Dalam nan, dom urang hu pok panuac brei ramik pasiam, pabak nan lac:  Dom đơn vị  sự nghiệp di karja gah bangsa, labik pato megru, labik pato bruk ngak, sarak ka bruk ngak ilamo bangsa naih gheih, balai y te…hu makna praong dalam jeng yau bruk pambak tapak dom bruk ba tabiak di Danak dak. Yau nan min, dom jabat, đơn vị, gah ini oh hu ba tabiak bruk tacei ba di Danak dak  ba tal kan kandah dalam bruk bayar jien ka bruk hu jao brei.

Kadung jien daong uranaih Việt Nam bahrau mbaoh tangin sanya ngak danak dak “Thả lưới ước mơ” haong Cty CP Acecook Việt Nam. Tui nan, thun ini Cty Acecook meda daong 1,1 tỷ đồng piah daong ka 166 uranaih (6 triệu đồng sa adei sa thun) di 18 tỉnh, ban daok tapen tasik meng Quảng Ninh tal Cà Mau, Kiên Giang. Dom uranaih hu daong lac anek di dom urang ngak ikan gaok kan kandah, piah daong ka dom adei hu nao bac ta-a, gam haong nan, pachreih ba dom urang ngak ikan sahanang hatai tabiak tasik, tani tanat raidiuk, daong peih ngak bruk an sinh xã hội di mangaok dom bhum tasik pulao. 

Tỉnh Tây Ninh hu labaih 10.000 bhap bini bangsa Khmer. Dalam dom harei Tet Chol Chnam Thmay meng blaoh, dom bhum urang bangsa Khmer hu peih ngak rilo bruk ilamo, le hoi biak gheih piah uan raok Tet amuk kei, dom bhum palei dak tuk dak chreih  chrai sambai suka. Ong Kiên Sô Phát, Trụ trì baha BôtTum KiRiRăngSây (xã Thạnh Tân, thành phố Tây Ninh) mboh lac, thun ini, bol bhap Khmer mbang Tet praong jang dom thun dahlau kayua yuak kuak hu rilo, kaya nong pablei hu yaom. Urang Khmer  tuk halei jeng ngak siam dom sarak di Đảng, hukum di Karja, kham ngak siam dom bruk jak ba gauk pakacah anit ranam taneh ia, dom bruk jak ba di bhum palei. 

Dahlau di tuk tame bilan paik baoh durian di miền Tây ye yaom durian trun khang tal jaik meteh. Urak ini janih 1 yaom daok 80.000 đồng/kg, janih 2 yaom 65.000 đồng/kg. Yaom durian trun ngak srau tal hatai sahneng saong raidiuk di urang ngak nong. Langyah ka bruk ini, ong Đặng Phúc Nguyên - Tổng thư ký Hiệp hội njam patam baoh kraoh Việt Nam brei thau, urak ini dom taneh ia jaik taphia jeng daok tame bilan paik baoh durian, nan ye yaom trun lac bruk oh plaih hu. Yaom lac yau nan, min yaom durian di tuk ini jeng daok glaong, urang pala jeng daok hu laba. 

Pambuak tal bruk rilo mblang hamu padai saong phun njam patam di xã xã Châu Pha, thị xã Phú Mỹ, tỉnh Bà Rịa - Vũng Tàu metai ralo bo Rayo sap ndem Viet Nam  hu khan brei thau blaoh, Sở Tài nguyên - Môi trường tỉnh Bà Rịa Vũng Tàu tame ngak bruk duah thau kayua meng halei. Tapa pasang iek, labik ala ar binek di xã Châu Pha hu rilo baoh sang raong limo, palao limo tapen craoh Giao Kèo. Taong abih asar nerak hu tahtuak tabiak  tame craoh , ngak nerak. Meng bruk pasang iek, jabat chuc nang iew UB bhap bini ban sit Phú Mỹ samar tui iek saong langyah catang bruk ngak nerak halau ia  mek meng craoh Giao Kèo.

Dalam mbang ndom biai tapa phone haong akaok Mintri Quoc phong Trung Quốc Đổng Quân, akaok mintri Quốc phòng Mỹ Lloyd Austin brei mboh yaom glaong di bruk daok brei peih dom jalan talei phone taom gaok gah quân sự di Mỹ saong Trung Quốc. Akaok mintri Quốc phòng Trung Quốc ndom khang tal yaom glaong di bruk iek praong quyền tự do pajeng ba nao mai angaok tasik tui adat hukum dunya, abih di nyu lac di tasik Biển Đông saong bruk Đài Loan lac kein laba praong di Trung Quốc.

Hạ viện Anh birau brei tapa hukum pacang uranaih njuk pakao. Hadei tuk hu brei tapa, hukum birau brei pakauk pablei pakao ka urang ndih tapui hadei harei 1/1/2009, tui nan yaok thun meda tagok umo thun njuk pakao hala veik 1 thun mbiah tal tuk hu pandar ka taong abih bhap bini. Ini lac sa dalam dom bruk ba tabiak pakauk njuk pakao catang abih di dunya urak ini. Njuk pakao hala lac bruk njak ba tal 1/4 dom urang metai kayua ung thư, ngan haong 64 ribau urang metai yaok thun di negar Anh.

Cảnh sát Philippines hu cap mek 1,8 tấn ma túy đá dalam bruk cap khik ma túy praong abih di taneh ia Đông Nam Á ini. Tui kuhria, yaom dom ma túy ini labaih 230 triệu USD. Urak ini cảnh sát daok duah thau dom ma túy nan meng halei mai. Tổng thống Philippines brei thau, gah chức năng hu peih bruk pagui mek biak tani tanat, oh caik rah tabiak bruk mesruh gauk, oh hu urang metai atau njauk rambus. Dom thun jaik ini, Philippines hu peih ngak rilo jalan piah jhul khang bruk mesruh pacang ma túy.