Akok mentri, Akok Ủy ban Bangsa Hầu A Lềnh brei thau, hu dom gah di karja ngak bruk gah bangsa yau, dom sang bac gam bac gam daok, dom inem krung pakat negar di dom bangsa takik, Pasak y te huyen, sang iek ruak pakat huyen…kurang  pandap nda,  mac jamraih iek ruak, brei hu bruk buh jien tame daong di karja. Nan ye, Rajaei pok panua tagok Quoc hoi brei ramik pasiam  ngak brei cambaic laic , labik urang njuak buh jien tame ngak Danak dak oh ka hu labik ngak bruk di dom xã, palei bhum urang bangsa takik saong bhum ceik tui harak angan hu pakat hu thẩm quyền mbaoh tangin blaoh.

Tỉnh đoàn Long An pambuak haong Tỉnh đoàn Tây Ninh bahrau jao alin 100 lốc ia manyum janih 500ml, labaih 500 kalaok ia janih 20 lit saong rilo kadung caik ia janih praong 1.000 lít, 2.000 lít, abih tih hu yaom labaih 100 triệu đồng brei ka rahra di bhum gaok kan kandah kayua pandiak bhang, tua riya, njom ia mbak di xã Nhựt Ninh, huyện Tân Trụ. Tui ong Trịnh Phước Trung, Akaok UBND huyện Tân Trụ, bruk mikva daok pak bhum pandiak bhang hu alin dom bồn caik ia biak hu makna, daong ka mikva hu pandap panda khik piah ia pandar, oh lac dalam thun ini bo daok lac ka dom thun hadei.

Thun ini, Ninh Thuận kham merat hu veik meng 2-3 xã mek hu tanut chuan palei pala birau, 3-4 xã palei pala birau paglong, 1 xã tanut chuan palei pala birau kieu mau; 78 palei mek hu tanut chuan palei pala birau. Piah ngak hu dom bruk ba tabiak, Ninh Thuan pataom tame tacei ba saong brei daong dahlau dom bhum palei kham merat ngak hu tanut chuan ba tabiak dalam thun 2024; abih di nyu brei caik hatai tal dom tanut chuan, tanut kan ngak, kan khik, yau: jien mek tame, kathaot rilo gah, padang bruk ngak tabiak saong patagok kinh te palei pala, bhap bini hu blei BHYT, alam moi truong saong salamat pandap mbang…

Piah peih ngak hu siam lagaih, khang kajap gah kaya tasik, tỉnh Cà Mau hu pathau khan, jak ba labaih 18.000 sang rahra mbaoh tangin sanya oh ngak tabiak, pablei salih, khik piah, pajeng ba suan hukum saong pandar janih patuh, xung điện, jru mek piah taong mek kaya tasik. Langiu di nan, abih tih dom xa, phuong, ban sit jeng hu rami ramik peih ngak laik phone pandiak piah taduan dom panuac pathau khan di dom kapul nyaom, manuac urang ka dom bruk ngak suan hukum dalam peih ngak saong khik piah kaya tasik. Tal kreih bilan 5 ini, gah chức năng hu pataom mek saong am cuh klak 141 pandap kích điện.

Pambuak tal bruk apui khuah sang trọ di Hà Nội ngak brei 14 urang metai saong 3 urang njauk rambuac di page 24/5, di dah page ini, Phó Thủ tướng Trần Hồng Hà haong urang pan akaok UB bhap bin ban Hà Nội, Mentri Công an, Jabat Rajaei, Jabat Quốc hội...hu mbaok di labiik apui khuah, tacei ba jalan pasiam bruk hadei pui khuah. Pho Thủ tướng caong khin Mentri Công an, dom gah chức năng patui bruk peih ngak catang, ngak khang tui dom jalan tacei ba di QH, rajaei, Thu tuong Rajaei ka bruk pacang caga apui khuah. Bhian pasang iek do  labik mbuan khuah, abih di nyu nan lac dom chung cư sit, labik brei pah daok trọ hu rilo manuac daok.

Hàn Quốc hu ba tabiak bruk taong phat ngan haong 7 urang negar Triều Tiên saong 2 sruh gilai di Nga ngan haong panuac lac pablei salih phao ndao saong dom bruk ngak karei, ngak suan dom sarak di Hội đồng Bảo an Liên hợp quốc. Mintri Ngoại giao Hàn Quốc khan lac, 2 sruh gilai di Nga hu pajeng biak rilo công-ten-nơ hu pandap panda quân sự giữa Nga saong Triều Tiên. Dahlau di nan, Mỹ saong phương Tây jeng hu rilo mbang ba tabiak dom panuac cáo buộc pamaong tame Nga saong Triều Tiên.  Min Nga saong Triều Tiên jeng cagar veik haong panuac ndom nan.

Urang dang akaok tapon pan phao kraong Iran brei thau tapa pasang iek mboh lac, oh duah mboh inem siu halei di sruh haok truc thang laik pajeng aruah  Tổng thống Ebrahim Raisi. Tapa pasang iek brei mboh, urang peih kapal haok  truc thang laik hu iew phone haong dua urang peih haok trực thăng daok veik di kapol nao tui dahlau di tuk rah tabiak bala saong sruh kapal haok apui khuah hadei di tuk ginuh tame tabung ceik. Dalam tuk nan, labaih 3 trieu urang hu mbaok dalam ndam matai aruah Tổng thống di “thánh địa” Mashhad di Iran.

Takik di nyu 11 urang metai kayua jit aih traoh tamuh tabiak di bang Assam, Đông Bắc Ấn Độ. Dom urang njauk bala lac dom urang ngak di bein ce. Mintri pabah lamnge, pajeng ba saong jalan tasik di Ấn Độ, ieu kakei dom urang jakar daong chip ka dom urang njauk bala. Urak ini rilo urang njauk ruak daok hu taong ruak di sang iek ruak. Urang medil lac kayua ia atau pandap mbang njauk nerak meda lac makna ba tal jit ruak./.