Di Jabat ngak bruk di Rajaei, biar harei kabroi, Hoi dong ngak bruk dac xa thun 2025 hu ginum biai harak gar ho so, angan urang guk hu ginup asar kadha  njauk brei dac xa mbang ka 2, di bingun pahadar 80 thun Harei Negar harei 2 bilan 9. Brei panuac di var ginum biai, Pho Thu tuong Thuong truc Nguyễn Hòa Bình brei mboh, bruk ngak praong, sarak ngak pahala, anit ranam di Ndang saong Karja ngan haong urang hu duis. Tui jalan ba tabiak, harei 29/8 anak tal brei peih bruk ginum biai ba tabiak Sarak dac xa di Po negar saong harei 1 bilan 9 hu peih bruk palao dom urang hu dac xa di dom sang guk dalam negar.

Pamong tal pahadar 80 thun Harei Tong tuyen cu akaok meti di Quoc hoi Viet Nam (6/1/1946 - 6/1/2026), Kapol urang jakar Quoc hoi tinh Lam Dong birau pataom mbaok urang Quoc hoi dom rai dahlau saong kuhria iek veik taong abih bruk ngak meng thun 2021-2026. Ong Y  Thanh Hà Niê Kđăm, Ủy viên Trung ương Đảng, Bí thư Tỉnh ủy, Akok kapol urang Quoc hoi mbang XV tỉnh Lâm Đồng khan lac, tapa bruk ngak hu jak jeng siam mekre 80 thun di  Quoc hoi Viet Nam, dom rairah Quoc hoi  tinh Lam Dong brei mboh bruk ngak di drei, pambuak kajap haong bhap bini rahra, brei mboh hatai caong khin di bhap bini cu tri, rik daong rilo panuac njauk lagaih tame padang ngak hukum.

Tinh An Giang tacei ba UB bhap bini dom xa, phuong, dac khu peih ngak siam jalan tacei ba “4 bruk di labik”, dalam pacang caga ribuk ia sua. Dom bhum palei pasang iek labik drei, bhum taneh, jak ba bhap bini rahra khar phun cakak dhar mbuan jaoh jaleih ba tal bala ka manuac jeng yau radaih nao mai; brei kak kajap sang danaok, gilang; tacei pato peih ngak dom khik caga ka phun pala, bruk raong kaya ikan saong salamat ka tuai damuai nao sirah di dom kaoh pulao  dalam dom harei hanjan, ribuk; daong ka bhap bini tuk gaok kan kandah.

So Y te TPHCM brei thau daok langyah catang dom bruk ngak suan di Jabat dut iek ruak da khoa Hoàn Cầu (labik 80-82 Châu Văn Liêm, phường 11, Quận 5 – urak ini phường Chợ Lớn, TP.HCM) hadei bhap bini khan lac “duah ngak ruak, mek jien”. Dahlau di nan, sa bhap bini khan tapa phone samar di So Y te, camereip tacei ba mek anek dalam tian tabiak takik abih jien, min dalam tuk urang pandik tian ye iew urang salih tapa ngak paok iek ruak karei abih 29 trieu 800 ribau dong.

Kong an tinh Dong Nai birau daong ka sa urang likei dam hadei dom urang ngak mengak piah chap manuac ndok jien di sang gait. Tui nan, urang likei angan V.H.P (umo 28 thun, dok xã Phú Lâm, huyện Tân Phú dahlau). Di harei 20/8, sa-ai P. hu pang phone karei iew mai cuah ayut piah tacei pato taduan mek pandap tapa tin nhan. Hadei di nan, dom urang nan ngak ja angan kong an ndem haong P. pambak tal bruk matuy, rao jien,  kong an daok khik harak gar. Kayua huac urang, sa-ai P. ngak tui kol nyu saong iew phone ka urang dalam sang payua jien ka kol nyu.

Jabat thu tuong Iraq khan lac, taneh ia ini pakhang prein hlang menyek di taneh ia ini tagok 1,3 triệu thùng sa harei, rilo jang bruk kuhria dahlau lac 1,1 trieu thung sa harei di thun dahlau. Dahlau thun 2020, yaom lac hu padang menyek biak ralo, Iraq sa dalam dom taneh ia ngak tabiak menyek ralo abih di dunya daok pambak tame blei menyek tame meng negar karei. Bruk nan kayua bruk mesruh metak dui atah yaok pluh thun ba tal ndap nda mac moc khut tayak.

Mentri Kinh te saong Jien padai Campuchia tacei tabiak bruk ba tal kinh te taneh ia jaik nao trun lac bruk kan kandah mai meng mesruh gauk di labik tapen negar Campuchia saong Thái Lan gam bruk My taong jien je ngan haong pandap Campuchia. Tui kuhria mboh dahlau, gah ngak kong Campuchia kuhria mboh tagok labaih 7,1%, suai jang hasit dut saong bruk ba tabiak dahlau kayua dom bruk jik khan ao saong bruk karei.

Yaom tagok daok ngak kan kandah trak tal rilo bhap bini Nhat Ban, abih di nyu lac saih bac saong dom baoh sang jien mek tame biar jang 800 do-la Mỹ sa bilan.  Tui kuhria mbih labaih 90% anek saih  taduan hu jien bac oh gunup mbang. Labaih 50% anek saih  khan lac jien bac tapa dom thun oh hu patagok, min jien blei pandap mbang chiat glong ba tal oh ginup mbang huak. Saih megru sang hu ta-eng amaik atau ame lac gaok kan kandah ralo abih./.