Di var taom mbaok piah peih ngak Danak dak: “ Urang jakar, bol lin daong adei nao bac” di page ini 18/8,  Bộ chỉ huy Bộ đội biên phòng tỉnh Sóc Trăng hu daong brei jien ka 11 anek saih kan kathaot di bhum tapen negar lac 7.360.000 đồng sa adei. Langiu di nan, Kapol Công nghiệp viễn thông Quân đội Viettel, Dhar tỉnh Sóc Trăng hu alin brei yaok adei 20 blah katap siphau. Dom paok pandap  yaom lac oh praong ralo min njauk pachreih, pabak prein khang daong dom adei raidiuk kan kandah hu lagaih, kham merat yam tagok dalam bruk bac da-a.

Mintri ngak nong saong patagok palei pala haong Danak dak patagok Liên Hiệp Quốc daok peih ngak iek hệ thống thau hu asal điện tử tui iek labik ngak tabiak saong inem carbon angaok baoh thanh long di Bình Thuận. Hệ thống ini hu daong ka urang blei mbang saong dom taneh ia blei tame meda quét mã QR thau hu asal di nyu piah thau cambaih hadom khí carbon dalam yaok bruk ngak, tanut hijao atau siam ka alam langik tasik di janih baoh kayau ini. Urak ini, hu 99 bein pala thanh long di 4 labik dalam tỉnh Bình Thuận hu pabak brei tài khoản hu mbaok tame hệ thống thau hu carbon.

 Kayua langik jeng yau ia dalam danao raong oh siam yau nan ye hadang  raong dalam tỉnh Trà Vinh ruak bimao patih, bhong raong, aih craoh tuk praong meng 25 tal 55 harei. Dalam labaih 10 harei tapa hadom hadang raong njauk khat lahik 1,3 trieu drei, patagok taneh raong hadang njuak khat lahik meng akok thun mbiah tal ini lac 1.400 ha. Gah ngak nong tỉnh Trà Vinh daok brei rilo urang jakar  pambuak hoang dom bhum palei piah pathau khan, tacei pato  ilamu ky thuat ka urang ngak nong sangka iek hadang raong tuk langik oh lagaih.   

Công an tỉnh Bà Rịa-Vũng Tàu daok cap khik 2 urang, daok haong gauk yau diuk pasang piah duah thau, ngak brei cambaih laih bruk anek naih likei praong 3 bilan metai medil lac njauk taong paoh. Tapa duah thau, mboh lac Linh saong Phụng thau gauk angaok mạng xã hội. Hadei di sa tukvak duah thau gauk, 2 urang mai daok haong gauk yau diuk pasang dalam sang di Phụng daok di ban sit Long Điền. Bilan 5/2023, Linh ndih tapui anek likei caik angan ieu lac B. Harei 15/8 meng bloh, dua diuk pasang nan kandah gauk, methao gauk. Kayua B. nyu hia khang sap nan ye Phụng mek tangin taong khang tame thei, capat mbaok B. ngak brei var drei. B. hu ba tal sang iek ruak Bà Rịa cấp cứu, min nyu metai dahlau di nan. Urak ini Công an daok duah thau, ngak brei cambaih laih bruk hu dom inem mek angaok rup di anek naih ini.      

Công an tỉnh Bình Dương bahrau taong tayah jalan talei me-in mbia tapa mạng haong yaom jien rilo. Tapa duah thau, gah công an hu mbaoh saong cap khik Vương Chính Bậc, umo 38 thun, daok di ban Tân Uyên peih bruk me-in mbia tui jalan cá cược caoh mbanh, số đề, tram menuk di Tân Uyên saong dom palei jaik taphia. Peih praong pasang iek, duah thau, công an cap khik veik Nguyễn Quốc Vũ piah duah thau ka bruk me-in mbia saong peih bruk me-in mbia. Dahlau di nan, bilan 6/2023, Bậc saong Vũ rik jien tame blei tài khoản me-in mbia angaok mạng. Hadei di nan, kol nyu parabha jeng rilo tài khoản sit pablei veik ka dom đại lý pakat la. Abih tih yaom jien me-in mbia tapa dom tài khoản lac labaih 8,5 tỷ đồng.

 Urang ngak praong pakat glaong di Nhà Trắng brei thau, Tổng thống Mỹ Joe Biden daok caga taom gaok Chủ tịch Triều Tiên Kim Jong-un piah ginum biai ka bruk oh hu hạt nhân di Bán đảo Triều Tiên bo oh ndok hu điều kiện hagait. Oh dreih yau urang ngak Tong thong dahlau daih lac ong Donald Trump – urang hu taom gaok tapak Chủ tịch Kim Jong-un 3 mbang, Karja di Tổng thống Biden daok duah jalan mek hu siam mekre ka bruk oh hu hạt nhân tapa rilo jalan ngak meng bruk hu mbaok di dom urang ngak praong, min oh lac di pakat glaong di abih.

Jabat Vũ trụ Nga brei thau, sruh kapal duah thau ia bulan Luna-25 di taneh ia ini hu tame dalam quỹ đạo ia bulan. Ini hu maong lac sa takai yam praong dalam bruk Nga daok caong khin jeng taneh ia camereip abih di dunya par trun bhum akaok gah meraong di ia bulan piah duah thau dom tài nguyên, dalam nan hu ia. Di thun 1976, sruh kapal duah thau dahlau nan di Nga, Luna-24, hu ba tagok langik. Bruk ini hu tame dalam sajarah vũ trụ dunya tuk pandap mek meng ia bulan tuk nan hu brei mboh bruk hu mbaok di ia angaok ia bulan, lac baoh vệ tinh duy nhất di baoh taneh ini.

Sa kapul dom urang roh duah sinh vật học Braxin, Acgentina saong Mỹ bahrau duah mboh sa hoá thạch meda lac jalan peih tabiak daong ngak brei cambaih laih asal di khủng long sang thằn lằn bay. Hoá thạch hu duah mboh dalam sa tal patau di Santa Maria, daok dalam labik kraong Paraná, gah meraong Braxin, labik khik piah rilo hóa thạch cổ đại. Tui dom urang ilamu, ini meda lac hoá thạch di sa janih sinh vật diuk angaok thu, hu meng 230 triệu thun dahlau./.