Nyaom biai hu batabiak rilo jalan ngak

Dang akok nyaom biai mbang ka 2 di Mban tacei jalan Salih birau hành chính di Rajaei peih tabiak di page ini 19/10, Thủ tướng Phạm Minh Chính brei thau, dalam 9 bilan tapa, bruk salih birau hành chính hu peih ngak sumu gauk saong mek hu rilo jak jeng di 6 gah dalam Danak dak pataom abih bruk salih birau hành chính karja, rik tame patagok kinh tế - xã hội di taneh ia. Yau nan min, daok rilo bruk kan kandah, tavak tavaiy, bruk daok kurang njauk brei pabak pasiam samar. Thủ tướng brei panuac lac“dalam tuk kan kandah nan, njauk brei pabak dom prein khang, trun takik jien buh tame, jien peih ngak hành chính, jien buh tame ngak oh mboh; yaok labik, yaok gah, yaok pakat, yaok bruk ngak brei kham merat , rik prein tame ngak bruk ini”.

Harei ni (19/10), Thứ trưởng, Phó Chủ nhiệm Ủy ban bangsa  Lê Sơn Hải song kapul ngak bruk  hu mai rivang song tadhau Harei Katê di bhap bini urang Chăm Ahier tỉnh Bình Thuận. Kapul hu nao rivang, tadhau ayuh song alin brei pandap ka  mBan điều hành khu phố, dom halau janeng, urang hu angan je song dom sang urang  Chăm Ahier di khu phố 3, ban Ma Lâm, huyện Hàm Thuận Bắc. Jeng dalam mbang ni, Kapul hu jao brei pandap pato bac song  20 pok jien bac sap Anh ka anek saih di sang bac Phổ thông bangsa  gam bac gam daok tỉnh Bình Thuận. Katê lac sa dalam dom harei praong dalam thun di urang Chăm Ahier hu meng lavik saman saong mbak carak di abih  dalam gilang ilamu bangsa Chăm.

Klau danak pambuak jalan Trần Quốc Hoàn - Cộng Hòa, canah jalan An Phú saong peih praong jalan Roya 50, Ban raya Hồ Chí Minh ngan haong phun jien labaih 10.000 tỷ đồng, tui kuhria mboh dahlau meda brei padang ngak di puac thun ini.Tui Mban Khik iek danak dak buh jien tame padang ngak dom danak dak jalan mbak Ban raya, langiu dom danak dak angaok nan, Ban raya HCM daok patui bruk jhul pasamar ngak dom danak dak jalan mbak hu makna praong yau danak dak Vành đai 3 meda peih ngak di harei 30/6/2023; ngak harak  gal pok tagok Rajaei bruk buh jien tame ngak jalan peih drah samar TP Hồ Chí Minh - Mộc Bài di puac thun ini. Ini lac dom danak dak praong pambuak bhum kinh tế hu makna praong gah Meraong.

Bến Tre dok caga pablei tabiak lô kruac bung klik hajao camereip di Việt Nam tapa Hoa Kỳ, tui kuhria lac di bilan 11 anak tal. Dahlau di nan, Chi cục khik caga phun pala tỉnh Bến Tre hu peih bruk padang ngak mã vùng pala pablei tapa negar Hoa Kỳ ngan song kruac bung klik hajao ka doanh nghiệp, hợp tác xã, kapul pambuak bruk song urang nong. Dalam tỉnh Bến Tre hu labaih 9,4 ribau ha pala kruac bung klik hajao. Gah ngak nong hu padang song pakhang jalan kruac bung klik hajao song  32 kapul pambuak bruk, 9 hợp tác xã hu 1.467 boh sang hu mbaok tame. Tuk camereip hu padang 18 labik pambuak gauk pablei pandap di dom kapul pambuak bruk, hợp tác xã.

Sở Tài nguyên saong Môi trường tỉnh Bình Phước brei ka 8 công chức, viên chức padeih bruk piah pasang iek ngak brei cambaic laic bruk pambuak tal bhap bini khan brei báo chí thau bruk suai ngak harak gal, “pambuak guak” ngak harak gal mbang jien. Bruk nan daok hu Thanh tra Sở Tài nguyên saong Môi trường tỉnh brei duah thau. Huyện Lộc Ninh  brei padang kapol urang jakar pasang iek bruk ngak tui karja di gah taneh riya saong pacang caga tham nhũng, mbang jie tui panuac khan di dom jabat mbao chí; bruk taduan, langyah hồ sơ tui dịch vụ công online ka taneh riya.

Bol lin Hàn Quốc brei thau, harei ni (19/10) Triều Tiên cuh labaih  100 boh sui phao tame bhum tasik  gah pai negar ni. Dahlau di nan di melam 18/10, bol lin Triều Tiên khan lac hu cuh sui phao tame "bhum đệm" song brei thau ini lac "dom panuac cảnh báo" dalam bruk "tong veik khang" ngan song dom bruk pasram mesruh di Hàn Quốc. Tui Hội đồng Tham mưu trưởng liên quân Hàn Quốc meng mon 10 melam blaoh tal mesup ni  Triều Tiên hu cuh 250 boh sui phao tame bhum tasik gah pai sing gah timun negar ni.

Hu takik di nyu 13 urang metai saong 19 urang karei njauk rambuac dalam bruk kapal haok quân sự laik trun di melam 17/10 di sa labik daok di bhap bini gah meraong negar taneh ia Nga. Gah daong duah urang gaok bala hu daong ka 68 urang dalam sang chung cư jiak labik haok laik saong panduan ba 360 urang nao labik karei. Mentri Quốc phòng Nga brei thau, bruk ba tal kapal haok laik nan  kayua jamraih apui khuah. Menyek di kapal haok sre tabiak saong sre tapa sang chung cư glong rilo tal jaik nan, ba tal apui khuah sang glong 9 tal.

Dom urang ilamu Chile bahrau ni hu ngak tabiak sa janih “phao thông minh” meda “pan hu” tasik praong song tui iek dom bruk di biến đổi khí hậu. Bruk ngak ini hu iek yau  sa binah dalam kham merat bahrau di abih, piah dong ka dom drei ikan  voi nao mai mangaok  jalan meng Nam Cực tal xích đạo. Kapul khang kajap dunya  kuhria mboh lac hu 18.000 tal 25.000 drei ikan voi metai yaok thun, kayua paoh tame kapan gilai atau kayua langik tasik salih samar chip. Bruk ngak tabiak phao bahrau ni, oh lac dong khiak caga ikan voi anak bruk mbuan si lahik abih, bo dok dong pasang iek pren yava di tasik praong meng jalan pasang iek nồng độ oxy, nhiệt độ./. 

Urang lang: Hanipha- Ái Nghiêm -19/10