Page ini 6/6, Quoc hoi daok tangi sua gah Ilamu, The thao saong Dulich. Biar harei, Quoc hoi pang Harak pathau khan ka Hukum Tư phap urang umo oh ka praong jeng dam dara saong ginum biai di hoi truong ka du thao Sarak di Quoc hoi ka ngak iek pabak dom sarak karei patagok tỉnh Nghệ An.

Biar harei 5/6, dalam mbang tangi sua gah Ilamu, Thể thao saong Du lịch di mbang nyaom ka 7, Akaok Mintri, Chủ nhiệm UB Bangsa Hầu A Lềnh ndom lac, Đảng saong Karja tuk halei jeng sangka tal patagok KTXH bhum urang bangsa takik, dalam nan hu patagok gah ilamu, khik ramik saong cakrok ilamu dom bangsa. Bruk khik ramik sap ndom, akhar vak, adat cambat, tanarakun di dom bangsa, meda lac taong abih dom tỉnh, ban hu peih ngak tapa dom sarak kayua Rajaei patabiak. Daok bruk padang dom miuyim piah khik ramik, urak ini hu 3 miuyim pakat negar, 65 miuyim pakat tỉnh peih bruk duah pataom saong parang iek yaom glaong ilamu meng kan di dom bangsa, dalam nan hu dom bangsa takik.

Tổng cục Khik piah Karja birau brei bruk buh tabiak oh mek jien labaih 1.029 tấn brah meng gilang khik piah negar ka 5 tỉnh Phú Yên, Ninh Thuận, Đắk Lắk, Đắk Nông, Lâm Đồng piah daong tuk eik lapa brei ka bhap bini tuk jaik yuak kuak thun 2024. Akok dom cục Dự trữ Karja khu vực brei pasang iek, tui iek bruk pajeng ba brah hu Thủ tướng Rajaei iew brei brah ka bhum palei sumu, ginup, brah siam saong njauk tukvak ba tabiak.

Tui Sở LĐTBXH tỉnh Bến Tre, dalam 4 thun tapa, dalam tỉnh hu labaih 5.260 likei kumei dam dara hu pilih ruah nao ngak bruk hu tukvak di negar langiu. Dalam nan negar Japon hu labaih 5.000 urang. Yaom jien bilan di urang ngak, lac meng 25 - 30 triệu đồng sa urang sa bilan. Hadei di tuk mai veik taneh ia, urang ngak hu daong duah bruk ngak, daong pato bruk ngak, hu mbaok tame danak dak padang mbang ngui di dom kapul nyaom, hu daong brei mesraiy phun jien meng kadung jien negar ka bruk ngak di labik atau piah salih bruk ngak.

Melam 5/6, Ban raya HCM peih Danak dak nghe thuat ngan haong kadha “Baoh jalan ratuh thun Wa nao”. Danak dak brei mboh veik bruk meng harei 5/6/1911, atah di ini 113 thun, meng bến Nhà Rồng, Wa Ho tabiak nao duah jalan daong taneh ia, tal bruk mesruh metak rambah rambup, padang tabaik taneh ia Viet Nam Dan chu Cong hoa, brei mboh bruk sajarah hadah hadai padang taneh ia saong khik palei negar di bangsa Viet Nam. Nan jeng lac brei mboh bruk pan akaok ba jalan naih joi di Đảng Cộng sản Việt Nam saong Chủ tịch Hồ Chí Minh. Hadei di nan lac bruk ngak tui Di chuc di Wa Ho tui jalan doc lap bangsa saong chu nghia xa hoi, brei ka sa taneh Viet Nam “bhap bini kaya meda, taneh ia khang kajap, dan chu, cong bang, van minh”.

Cục Khí tượng Thái Lan brei thau, taneh ia ini meda hu hajan oh lagaih meng bilan 8 tal bilan 10 kayua bruk La Nina jaik mai tal hadei di tuk bruk El Nino tabiak nao di bilan 5. Dalam tukvak ini, langik bhian hu dom harei hajan rilo, hu harei hajan takik saong hu harei oh bhu hajan, yaom lac Thái Lan yam tame bilan hajan. Dalam thun ini, ia hajan di Thái Lan meda hu tal 150 mm dalam 24 mon, haong dom harei hajan thun ini takik jang, min dom harei hajan khang meda hu rilo jang.

Jabat pasang iek BĐKH di EU brei thau, pandiak kuhria rah di dunya dalam 12 bilan kuhria tal puac bilan 5 glong jang 1,63 độ C dut saong pandiak tuk dahlau saman ngak kong, ngak brei ini lac tukvak ấm abih meng thun 1940. Tổng thư ký Liên hợp quốc ndom lac, oh daok rilo tukvak piah ngak gilac veik, ong iew brei cakak trun 30% bruk pandar nhien lieu hoa thach di dunya di thun 2030. Ini lac sa jalan piah daong palaik kan kandah di langik tasik.

Rajaei Australia brei ba đà điểu đầu mào phương Nam tame angan mbuan lahik but. Tui kuhria, tok hu 4.500 drei đà điểu đầu mào di gah langiu. Janih đà điểu đầu mào phương Nam, meda glaong tal 1,5 mét saong trak 75 kg, tok hu mboh di Australia, New Guinea saong dom pulao kaoh di Thái Bình Dương. Janih ini hu maong lac hu labik dang praong dalam bruk khik ramik đa dạng sinh học saong daong parai tabiak asar dalam glai nhiệt đới. Min janih athur ini di Australia daok mbuan lahik abih kayua biến đổi khí hậu, lahik labik daok, njauk bala ô tô saong njauk sau kaik./.