Anak bruk Công ty TNHH PouYuen Việt Nam gaok kan kandah dalam bruk ngak mbang pablei salih, njauk cakak trun biak rilo urang ngak, Mintri Lao động-Thương binh saong Xã hội hu ieu kakei Ban raya Ho Chi Minh samar drah daong ka doanh nghiep saong urang ngak. Tui pathau khan samar drah di Liên đoàn Lao động quận Bình Tân, kayua takik đơn hàng nan ye thun ini, Công ty trách nhiệm hữu hạn PouYuen Việt Nam oh mbaoh tangin pambuak bruk veik haong labaih 3.000 urang ngak hu harak ngak bruk meng 1 tal 3 thun (tuk dom urang ini abih tukvak ngak bruk). Dahlau di nan, bilan 11/2022, công ty ini jeng hu brei ka jaik 20.000 urang ngak salih gauk padeih ngak kayua takik hu bruk piah ngak.

UB bhap bini tỉnh Vĩnh Long birau patabiak Danak dak brei mesre ngan haong urang, baoh sang ngak mbang pablei salih piah pasiam veik saong cakrok patagok kinh te - xa hoi dalam tỉnh. Danak dak ba tabiak rik tame langyah ba bruk ngak ka 8.000 urang,  baoh sang ngak mbang pablei salih khin mesre phun jien piah ngak mbang, pablei salih, tani tanat raidiuk. Tapa nan, rik daong khik kajap saong patrun patakik urang lahik bruk ngak yaok thun ala 3%, khik kajap tukvak ngak di urang dalam palei pala di tanut labaih 90%, patrun patakik di abih kurang bruk ngak saong urang lahik bruk ngak. Tui kuhria mboh dahlau, phun jien peih ngak danak dak lac 320 tỷ đồng. Yaok urang ngak hu brei mesre ralo abih tal 110 trieu dong.

Kayua yaom durain daok tagok glaong nan ye urang nong di Tây Nguyên daok jak gauk tuh tame pala durain, yaom lac mikva daok huac kanda ka bruk kan duah jalan pablei tabiak dalam tukvak anak tal. Urak ini, mblang taneh pala durain di Tây Nguyên tagok biak samar, tagok tal labaih 40.000 ha. Ngan haong mblang taneh ini, sản lượng durain bhum Tây Nguyên hu yam tapa bruk quy hoạch. Tui nan, anak tal, mbuan hu bruk pabak rilo jang urang blei. Tui akaok mintri ngak nong saong patagok palei pala, mayah oh samar ngak catang,  durain meda laik tame jalan pala blaoh kaoh klaak. Kayua urak ini bahrau hu 20% sản lượng hu tame darak pasa Trung Quốc.

Dom harei ini, yaok pluh baoh sang bhap bini daok di khu pho Ninh Chữ 1, ban sit  Khánh Hải, huyện Ninh Hải, tỉnh Ninh Thuận daok dalam huac kanda kayua rilo mbang riyak praong paoh tame khang ngak glut jaleih, sang danaok khut trak, rilo baoh sang panduan nao labik karei piah khik salamat manuac urang saong drap ar. Anak meta, piah khik salamat ka anek menuac saong  drap ar di bhap bini, Chi cục Thủy lợi iew karja palei peih bruk pathau khan, jak ba dom baoh sang  daok tapen tasik, abih di nyu lac tuk langik hajan, ribuk njauk tame labik hu salamat; padang kalaoh brei bhap bini thau bruk mbon hu bala di bhum piah plaih nyaik.

Bruk glut jaleih takai kraong daok rahtabiak khang di huyện Kế Sách, tỉnh Sóc Trăng ngak khut tayah dom dom sang danaok, jalan mbak, ngak lahik taneh, kan kandah tal raidiuk di mikva pak ini. Urak ini kanja palei hu pambuak bruk haong jabat chức năng ngak pasiam veik dom labik njauk glut jaleih, min suai lavik caong hu dom jalan ngak praong piah khik ramik dom danak dak hạ tầng saong taneh riya di rahra. Huyện Kế Sách hu 24 km jaik taphia kraong Hậu, kraong Mê Kông. Meng thun 2022 tal urak ini di labik ini hu 33 labik glut jaleih, atah labaih 1 km.

Harei 23/2, dalam mbang ginum biai praong ka Ucraina di tuk bak sa thun chien dich quân sự dac biet, Đại hội đồng Liên Hợp Quốc brei tapa sarak iew padeih bruk mesruh  gauk di Nga - Ucraina. Saarak iew dom taneh ia saong kapol nyaom dunya “ tagok jang dua mbang daong ka dom kham merat pambuak bruk piah mek hu sron mbon salamat sumu gauk, abih gah saong khang kajap di Ucraina tui Hiến chương Liên Hợp Quốc." Ucraina, meng bruk daong  di dom taneh ia phuong Tay, hu ba tabiak sa dự thảo sarak tagok Đại hội đồng Liên Hợp Quốc, piah ngak brei hu sron mbon salamat.  Dalam harak tai lieu  oh iew brei ginum biai ka hoa binh atau padeih mesruh, bo eiw dom gah ngak njauk tui dom  bruk di urang ngan hong bhap bini saong urang guk mesruh metak.

 Mỹ saong Hàn Quốc hu peih sa bruk pasram mesuh haong gauk, dreih yau ngak iek bruk anak sa mbang taong hạt nhân meng Triều Tiên. Mbang pasram mesuh di Mỹ hu bruk hu mbaok di dom urang jakar quốc phòng pakat glaong di dua taneh ia. Urak ini Triều Tiên jeng ka oh ba tabiak bruk halei, min dahlau di nan, Mintri Ngoại giao negar ini, harei ini 17/2 hu kakei lac, Hàn Quốc saong Mỹ meda gaok bruk cagar veik biak khang ka oh bhian mboh mayah daok peih dom bruk pasram quân sự di dua gah.

Dua urang metai saong 16 urang karei njauk rambus dalam bruk laik kapal haoh trực thăng di tỉnh Ke-man (Kerman), gah kreh negar Iran. Kapal haoh laik tuk daok par trun jaik sa labik phức hợp thể thao daok di ban Báp (Baft) dalam tỉnh ini. Makna ba tal bala daok hu pasang iek duah thau. Dom thun jaik ini, Iran gaok dom bala gah kapal haoh, dalam nan dom kan kandah ka bruk blei phụ tùng salaih bahrau piah khik dom kapal haoh klak di taneh ia ini, hu maong lac sa dalam dom makna ba tal dom bala kapal haoh nan./.