Bruk ini hu peih ngak tapa danak dak Peih jalan tal harei hadei di kadung jien VinaCapital

Dalam thun tapa, Ban Thường vụ Thành ủy TP.HCM saong dom pakat ủy langyah tui hukum ngan saong 6 kapol đảng saong 287 urang đảng. Dalam nan, hu 4 kapol nyaom urang đảng njauk kỷ luật khiển trách, 2 kapol urang đảng njauk kỷ luật tui jalan cảnh cáo; 198 urang đảng njuak kỷ luật khiển trách, 61 urang đảng njuak kỷ luật cảnh cáo; brei padeih ngak bruk dalam đảng ngan saong 13 urang saong brei tabiak truh đảng 15 urang. Langiu di nan, daok hu 14 mbang urang njauk langyah tui hukum, 54 urang langyah tui hành chính… Dalam pasang iek bruk pacang cag jit Covid-19, Uy ban pasang iek Thành uỷ hu panuac ka dom pakat uy, kapol Đảng di Thành ủy pasang iek urang đảng mboh jaik ngak suan, langyah catang sumu 10 urang đảng ngak suan dalam bruk pacang caga jit. Langiu di nan, tapa pasang iek, dom pakat ủy, kapol nyaom di đảng jabat chức năng ba tame pasang iek bruk ngak suan ngan saong 6 urang đảng; ba tabiak kaoh tui hukum chap mek 5 urang “pambak tame chức vụ quyền hạn dalam tuk ngak bruk karja” ngak ka manuac sia pandik hatai.

Di Ban Buôn Ma Thuột (tỉnh Đắk Lắk), kadung jien học bổng Vừ A Dính bahrau peih bruk alin hadiah 120 paok jien bac brei ka anek saih, sinh viên bangsa sang kan kandah daok di tỉnh Đắk Lắk. Bruk ini hu peih ngak tapa danak dak Peih jalan tal harei hadei di kadung jien VinaCapital. Hu 90 paok jien bac, yaok paok yaom 1 triệu đồng hu jao ka anek saih bangsa takik saong 30 paok jien bac, yaok paok 1 triệu 500 rabau đồng hu brei ka sinh viên bangsa takik sang kan kandah. Hadei di 21 thun ngak bruk, Kadung jien hu alin hadiah labaih 90.000 paok jien bac ka anek saih, sinh viên bangsa takik saong bhum pulao tasik hu sang kan kandah, hu hatai pachreih bac, pasram magru siam.

Piah trun takik bruk khat lahik di pandap pablei tabiak negar langiu saong peih jalan ka radaih pajeng pandap daok gar veik dahlau di Tet Nguyen dan, tỉnh Lạng Sơn brei padeih taduan radaih pajeng baoh kayau that tapa pabah mbang meng jalan radaih di tỉnh Lạng Sơn piah pablei tapa Trung Quốc meng harei 17/1 mbiah tal abih Tet Nguyen dan thun sak ramaong.

Ủy ban bhap bini tỉnh Lâm Đồng bahrau ba tabiak bruk taong phat jien padai ngan haong 2 urang lih mek jaik 1,6 ha glai di 2 huyện Lâm Hà saong Lạc Dương. Langiu di bruk taong phat yaom jien abih tih lac 150 triệu đồng, 2 urang ni daok njauk pandar ngak pasiam viek yau dahlau labik taneh riya lih mek suan saong biyar viek taneh lih mek dalam tukvak 30 harei, meng di tuk taduan hu harak ini. 

Daok labaih 20 harei tra tal Tết Nguyên đán. Meyah yaok thun di tukvak ini, dom darak meng kan di Ban raya HCM bauk menuac blei dom janih ahar keo, mứt Tết ye thun ini, rilo darak pablei oh laik. Tuai blei pandap trun yau nan ye rilo urang pablei takik blei tame dom pandap piah pablei Tết. Dom labik pablei ralo meng parang pablei dom pandap bhian randap yau: Mứt baoh ma-mbat, mứt baoh min, mứt baoh daak, mứt la-u hala dứa, keo pahe đậu phộng…Jit ruak dui atah, takaik ngak hu jien nan ye rilo bhap bini takik cai pandar, takik blei pandap, meng nan tui kuhria mboh dahlau bruk pablei salih di dom urang pablei pandap di darak meng kan meda gaok kan kandah rilo.

Tiến sỹ Antony Fauci, chuyên gia dang akaok ka dom ruak njom mbak di Mỹ kuhria mboh dahlau lac biến thể Ô-mi-crôn meda njom tapa taong abih menuac sia, hu gam menuac urang hu klauk blaoh vacxin caga Covid-19. Tiến sỹ Phao-chi brei thau lac dom urang klauk vacxin pacang caga meda plaih hu bruk tame sang iek ruak saong metai, urang ka oh klauk mbuan ba tal metai glaong jang 20 mbang, mbuan tame sang iek ruak glaong jang 17 mbang saong mbuan njom ruak glaong jang 10 mbang dut saong urang klauk vacxin pacang caga saong ini lac dom urang meda njauk kan kandah trak damak di mbang njom ruak Covid-19 urak ini kayua biến thể Ô-mi-crôn ba mai. Sa urang ngak praong di Gah Y tế dunya harei kabroi kuhria mboh dahlau lac biến thể Ô-mi-crôn meda mbuan njom mbak tapa mateh rahra di châu Âu dalam 6 tal 8 adit mayah bruk njom mbak daok hu yau ural ini.

Mentri Jalan mbak pajeng ba Phi-líp-pin harei kabroi brei thau sarak “oh klauk jru, oh brei peih radaih” di Bhum đô thị Ma-ni-la, labik daok tamuh khang dom urang njom ruak Covid-19 trak. Tui nan, tuai oh ka klauk jru vaccine Covid-19 oh brei ndih radaih công cộng di labik ban ine negar urak ini daok brei ngak tui pacang pakat 3 atau meda glong jang tuk Covid-19 daok tamuh khang. Urang peih radaih công cộng, dalam nan hu jalan radaih, jalan kapal haok saong jalan tasik, “ brei taduan atau bri vé ka dom urang hu klauk jru ginup”.

Dom urang jakar Braxin brei thau, hu takik di nyu 10 urang metai, yaok ribau urang njauk ba nao daok di labik karei kayua njauk kan kandah di mbang hajan khang tuh trun bang Minas Gerais, gah đông nam taneh ia ini di adit blaoh. Dom mbang hajan ba tal ia sua saong glut jalieh taneh biak trak ngak ka ban njauk pacang cakak kayua ia sua. Abih tih 145 dalam nan 853 ban, đô thị tự trị di bang njauk tabiak bruk samar drah, dalam tuk labaih 17.000 urang njauk klak sang danaok piah plaih di bala./.

Urang lang: Bhumi – Thu Thao – 13/01