Dom D.N hu pok meyaom tuk halei jeng duah jalan ngak piah yam tapa kan kandah

Di Danak dak “ Nao gam saong D.N” peih tabiak tuk biar harei 6/10, Liên đoàn Lao động TP.HCM hu pok meyaom 22 D.N. Dom D.N hu pok meyaom ngan haong labaih 19 ribau urang ngak daok ngak bruk tuk halei jeng brei caga duah jalan ngak dahalau piah yam tapa kan kandah kayua jit ruak, khik bruk ngak ka urang ngak, paglong kein laba bruk ngak mbang, pablei salih. Gam haong nan, bhian pambuak bruk saong Công đoàn cơ sở sangka daong paglong raidiuk, palong ilamu ngak bruk ka urang ngak.

Tatua Tây Đô pambuak ban sit Phong Điền saong xã Nhơn Ái, huyện Phong Điền, ban Cần Thơ bahrau hu pambuak pagam gauk. Ini lac sa dalam 8 danak dak jalan mbak hu makna praong di ban Cần Thơ hu UBND ban Cần Thơ brei ngak di bilan 5/2021 ngan haong yaom jien abih tih lac labaih 200 tỷ, meng kadung jien kanja. Tukvak padang ngak lac 630 harei. Tuk mbaik tatua Tây Đô hu ngak salah meda daong jhul khang bruk cak rok patagok kinh tế, xã hội di huyện Phong Điền, abih di nyu nan lac bruk nao mai biak hu lagaih, pajeng pandap panda jeng hu thuan di Cần Thơ saong dom labik karei dalam bhum.

Dom harei jaik ini, rilo cửa hàng pablei salih xăng menyek di dom tỉnh bhum Tây Nam Bộ yau ye Cần Thơ, Sóc Trăng, An Giang, Đồng Tháp, TP Hồ Chí Minh saong dom tỉnh di Đông Nam Bộ tuan bảng lac abih xăng. Dom cửa hàng padeih pablei cxăng lac kayua abih xăng atau harak adat pablei salih abih tukvak, min jeng hu oh takik cửa hàng pambak tame bruk karei piah kareik pabah mbang. Anak bruk nan, urang lambaok Mentri Công Thương ndom lac dom jabat khik iek di kanja daok hu jalan ramik veik yaom xăng menyek ka nyu njauk, ginup jien buh tame ngak; khik brei kein laba sumu gauk di dom gah pablei jeng yau blei.

Sở Pato magru tỉnh Bình Phước daok pambuak haong jabat Công an piah pasang iek, ngak cambaih bruk sa urang likai bac tal 12 di Sang bac THPT ban sit Bình Long njauk rilo urang karei taong di anak sang bac. Dahlau di nan, harei 5/10, di mangaok mạng xã hội Facebook hu rahtabiak 3 đoạn clip brei mboh veik thaot binguk di urang likei cuh ao di sang bac njauk 4 urang mek tangin, takei saong tamo bảo hiểm taong tame akaok saong tame rup. Bruk ini rahtabiak anak pabah mbang sang bac THPT ban sit Bình Long. Bruk njauk caik hatai nan lac, di tukvak ini hu biak rilo anek saih bac blaoh min oh thei tame pacang.

Melam 6/10, di Mblang bein Võ Nguyên Giáp (TP. Thái Nguyên) peih pakak Harei ilamu bangsa Dao pakat negar mbang ka II thun 2022. Harei ilamu bangsa Dao mbang ini hu mbaok di labaih 1.000 nghệ nhân, nghệ sĩ, urang pakacah bhap bini bangsa Dao mai meng 14 tỉnh. Ngan haong kadha “ Khik ramik, patagok ilamu bangsa Dao – Sumu gauk, jum pataom, yam tame saong cak rok patagok, harei ilamu nan lac piah pok meyaom, khik ramik ilamu meng kan di bangsa Dao. Gam haong nan, lac jalan piah ka tỉnh Thái Nguyên yaih khan thaot binguk tal tuai damuai dalam saong langiu negar.

Kuhria tal urak ini, hu takik di nyu 38 urang metai dalam mbang cuh phao biak pandik harao di sa baoh sang khik uranaih di tỉnh Nong Bua Lamphu, bhum Đông Bắc Thái Lan di harei 6/10. Urang ngak tabiak bruk ini bhian ngak bruk dalam gah cảnh sát min bahrau njauk trauk bruk kayua pambuak tal ma túy. Rahra daok di dunya hu payua panuac klaah raba pandik harao tal Rajaei Thái Lan saong dom gauk gar di sang hu urang njauk bala. Rajaei Thái Lan hu ieu kakei tuan hala daok dalam harei ini piah pahadar tal dom urang njauk bala. Thủ tướng Thái Lan Prayut Chan-o-cha ieu tacei brei peih bruk pasang iek samar drah bruk cuh phao ini.

Takik abih 80 urang, dalam hu 18 uranaih hu sraong daong hadei di tuk sa sruh gilai pajeng urang du cư gaok bala ribuk langiuk tasik kaoh pulao Kythira, Hy Lạp dalam harei 6/10. Dahlau di nan, jeng dalam harei nan, sa sruh kapal gilai pajeng urang di cư dgaok bala langiu tasik kaoh pulao Lesbos - Hy Lạp, ngak brei takik di nyu 16 urang kumei saong uranaih metai. Tuk rah tabiak bala, kapal gilao pajneg 40 urang. 10 urang hu srong daong tagok salamat, yaok pluh urang karei lahik.

Viện hàn lâm Thụy Điển hu khan angan urang kumei nhà văn negar Pháp Annie Ernaux, urang hu rilo jak jeng dalam gah tự truyện pambuak haong xã hội học lac po di jai thuong Nobel Văn học thun 2022. Amuk Annie Ernaux hu jao giai kayua oh huac matai lahik saong bruk siam makre di amuk, tuk amuk roh duah tabiak asal kadha, bruk oh njauk gauk di dom bruk daok patakik di akaok saneng yaok menuac urang. Ini lac giải Nobel ka 4 hu khan brei thau dalam mùa giải Nobel thun 2022./.

Urang lang: Thu Thao – 07/10